Zomi Poem: Siamsin Hoih khat ka hi hi

Posted by: "Zingsol tanu" zingsolmdy@gmail.com
Tue Feb 16, 2010 6:51 am (PST)


Sang lai haksa ci kei ning
Nu tha, Pa tha khek ding nang hi.

Mandalay ni sa, ka khua nuam zaw ci kei ning
Gual tung tuang nang mun a hi.

Zomi Nam Ni cim huai ci kei ning
Pai tei tei ning Zomi ka hi!

Ngeina lam sin lawp lel ning
Theih huai mahmah lel a hi.

Sum dong mai mial ci kei ning
Minam ading mah a hi.

Siamsin te en neu kei ning
I gam a zun ding te hi.

Biakinn ah zong ki hel ning
Paian ta te kikholhna a hi.

Ni sim LST sim ning
Kha an lim pen a hi.

Ka sin pilna minam ading zang kik ning
I gam i tui it ding hi.

Ni sim tha thak la den ning
Siamsin hoih khat ka hi hi.

by
Zolianu
----------------------------------------------------------------

2010/2/18 Gin Khan Nang mailto:nanggk@yahoo.%20com

Zomi Nam Ni La

a) Zomi Nam Ni lam bang pak ding,
    Lia leh tang i kim nam aw,

b) Lia leh tangte i kim nam aw,
     I lenna etlawm sang e.
or

a) Zomi Nam Ni lam bang pak ding,

    Lia leh tang i kim nam aw,

b) Pupa' piangui bang ih zopna
    Dimtui tual et lawm sa'ng ee

ABRAHAM LINCOLN LAIKHAK

Posted by: "Hau Za Cin" suante2002@yahoo.com   suante2002

Sun May 23, 2010 8:29 pm (PDT)

ABRAHAM LINCOLN LAIKHAK 
 
Abraham Lincoln, USA President 16-na (1861-1865) pen leitung a thu thuk ngaihsun pen khat hi tawntung hi. Hih laikhak pen ama khutgelh teekteek tawh a gelh, a tapa sangkahna Headmaster pa kiangah a khak ahi hi. Hih laikhak pen kuama poi genlo, mi khempeuh phattuampih theih laikhak kigelh tampite laka khat ahi hi. 
 
A kisin ding mah ahi hi. Mi khempeuh thudik kimlo a, mi khempeuh hoihkim lo hi cih ka thei hi. Mi hoihlo leh sia pen adingin zong midang etteh ding khat om a, angsung thei makaipa adingin zong ama ading khualvetlo, midangte hoihna ding bek a sem makai etteh theih ding om tawntung hi. 
 
Gal nei khempeuh adingin lawmhoih om hi cih hilh in. Hun sawt a la phial zongin na hilh theih leh hilh in. “Sum pekkhat thalawh pen pek sawm muh sangin manpha zaw hi.â€� Gual lelh thuaksiam dan leh gualzawh lungdam siam dan zong hilh in. Ahih theih leh huatna le henna gamsung pan hawlkhia inla, ama hihna bangbang a lungkim siam dingin sinsak in. Mi niamzaw, tagahzaw leh zawngkhalzawte mudah te’n tua bang tuak thei uh hi cih a neu tung pan a lungsim ah khaici pha bangin hong tuhsak in. Na hilh theih leh laibu manphatna hong hilhsak inla, tua bang mah in tungleng vasate, nisa nuaia khuaipite leh mualdawn singlak a paak hoihte thupina leh lamdanate ngaihsun siam dingin hong pattahsak in. 
 
Laisim a sangkah ahih laitak in – etteh a laizawh sangin ettehlo a laikiat thupizaw hi cih telsak mahmah in. Ama ngaihsutna zong a hoih khat hi veve hi cih kimuan ngamna a sangkah laiin hong neisak inla, midang ten a ko siat hanga a ngaihsutna mansuahlo dingin hong pattahsak in. Mi lungnemte tawh lungnem taka kikhawl a, mi lungtom leh hehbaihte tawh a kikholh cianga lungtom leh hehbaih thei dingin hong sinsak in. Ka tapa pen mi khempeuh in hoih hi ci a azuih khempeuh uh zuilo thei dingin lungsim khauh hong neisak in. Mi khempeuh tawh kikhawl thei dingin hong pattah in. Ahi zongin mi tawmcik tawh kilawmta ding leh thusia lasia khempeuh lak pan a hoihteng leh a tak limci teng bek ne thei dingin leh khentel thei dingin hong siamsak in. 
 
Ahih theih leh a lungkiat ni pen, a dah ni pen a zong maitai thei dingin hong pattah inla. Khitui luanna hangin zum nang bangmah omlo hi cih hong theiciansak mahmah in. Dahna pen zong sel thei ding leh lungdamluatna nei ngeilo dingin hong hilhsak in. A khuak pilna tengteng leh thahatna tengteng haksatna lianpenpente phulna dinga zang dingin hong sinsak inla, ahi zongin a septheih sunsun lungsim khempeuh leh nuntakna beina ding tan ah zong thuhkikding lametna neilo a sem dingin hong hilhsak in. A kul hun a mipi thugen khempeuh umpah lo ngam dingin hong hilhsak inla, a dikzaw leh a hoihzaw thei ahih leh mipi langpang ngam dingin lungsim hangsanna hong neisak in. 
 
Lungnem takin hilh inla, ahi zongin ngekbawl kei in. Mei sungah i khul ciang bek in sikhoih leh siksia kikhentel thei pan hi. A kul hun ciang lungduai teitei lo dingin hong hilh inla, ahi zongin lungduaitaka hangsan dingin hong pattahsak in. Amah leh amah kimuanngamna bukim nei dingin hong hilhsak in, tua hileh leitung mi khempeuh a muangngam pan ding hi. 
 
Hih laikhak tomcik pen thupiak khauhtak ahi a, ahi zongin na hilh theih dingteng leh na hilhzawh dingteng hong en in; hih zahta a hoih leh it-huai naupang ka tapa adingin!
 
Abraham Lincoln
 
Atei: 
 
Hau Za Cin, B.Sc. Chem, 3rd Year
December 8, 1995 (11:20 P.M.), Shillong