Saturday, March 9, 2013

VOK KUANG LEH BAWNG KUANG




I Topa Jesu hong pianna pen bawng kuang sung hipah samlo a. Akisialna pen bawng kuang sung na hi zaw hi.(Luk 2:16)
Mi lian leh thupi hong piang ding cih kamsangten ana genkhol khin uh hi. Ahi zongin Ama thugentehna ahi Tapa Taimang thu
pen i sim ciangin, ama nuntak zia ding genkholhna omse lo hi.(Luk 15:11-32)

Bawngkuang sungah kisial ding cih pen Ama hun laiin alamdang hikhollo kha ding hi. JH Cope Topa Zogam hong tun zawh ciang
na ngawnin Zomiten silh leh teen ding kicing kingaihsun thei nai lo hi. Tapa taimangpa zong a ma hunlai in nek zon
tak zonna ding nam tam lo kha ding hi. Tuhun bang a Industry, Company lianpipi om nai lo ding ahih manin.
Vok cing khong, gan cing khong a sum thalawh pen ahunlai adingin alamdang hilo ding hi. Bek tham lo
in tu hun nangawnin nisim kithalawha nek zonna-ah zong gengen huailo tampi om hi.

Khangnote thulu "Mai nawt ciat ni" cih tawh kisai in hong phawk sak thute gual suk deudau leng maw:

1. Rev. Job Thawngno in Tangval taimang pen gilkial sa in ong ciah a, nungak taimang pen gilvah sa in hong ciah hi,
ci hi. Tulai ciangin innlam aciah ngam nawnlo nangawn ki-om ta hi.

2. I Topa Zeisu zong leitung bubpi gumpa leh honpa ding ci a kamsangten a genkholhsa ahih
hangin gimna tawlna tampi mah thuak hi. Egypt gamah zantai/galtai in, a suahna mun Bethlehem hita leh a khua uh Nazareth
hita leh pha ngam lo, om ngam lo in om uh hi. Ei zong galtai a leitung muntuamtuamah kithehzaak
khinzo hi hang. Hih pen atawpna hinai lo hi. Nazareth-ah ciah kik hun hong tunglai ding hi. (Luk 2:39)

3. Zeisu in avakna ding genlo ahih manin anu leh pa buai uh a. Lungkhamin Jerusalemah Zeisu zong dingin apai kik uh hi.
(Luk 2:44,45). Tapa Taimangpa zong apa in gamh apiak teng tawh gam gamlapi-ah pai hi. I nu le paten amau vak ding ata nei a,
en gamla pek ah zinsan vaksan hi hang. Zi neih zawh bang ciangin i nu le pate kiphawk kha nawn khollo hi.
 
4. Tedim Labu No.316- "Na lampi-ah ling a om leh, alu tunga khupa phawk in; Lunggimna dahna na tuah leh, Nang sang'
siang zaw pa'n zong thuak khin."ci hi.  Tapa taimangpa in, "Aw ka pa innah nasemte khamval tampi tak om a, kei hilai-ah gilkial-in
ka pusi dek tak hi!"(And I perish with hunger!) ci hi. A tuak haksatnate kama gen zawh ding hilo hi.

5. Bawngkuang sunga kisial naungek pen anu thu apa thu mangin hong khang to a. Apumpi leh lungsim pen Pasian deihna
bangin hong khang toto hi. Tapa taimang pen a nu leh pa thu mang lo ahih manin tai mang hi.

6. I Topa Zeisu pen mi dangten nuntak lawh a, tawntung nuntakna hong puak hi. Tapa taimangpa hangin apa in
aneihsa akholkhol, atate ading ci a asiitsiit, ahum vilvel te tui bangin bua a, avakthap na pan in inn hong ciah
kik ciang nangawnin a pa neihsa lamsa mah bei lailai bek tham lo in,
a innkuan sung uah kitotna kitheihsiam lohna lianpi piang lailai hi.

7. Vokkuang geia lum leh Bawngkuang sunga kisial te hun nunung i et ciangin:
a) Tapa taimang pen akisikkikna tawh apa in Pawi bawlsak a nuamsa in a om uh hi.
b) Zeisu pen eite lametna hi tawntung dingin bawlsiatna namkim thuakin, akhut leh akhe-ah sikphim tawh kilhcip in,
"Pa aw, ka kha nangma khut sungah kong ap hi" ci-in si hi. Hi banga lametna om nawnlo ikhut ikhe kihen khin,
sih ding cihloh maban ineihloh laitak in, Zeisu tungah ki-ap ding kisam hi. Hong sampa Amah hi a,
Amah in ama kiang i zuat ding hong ngak den hi.

8. Tulai khang bang hi henla, tapa taimangpa tangthu kigelh lai hita leh, a u pa in a sanggampa om dan deih lo
ahih manin inn tuan san ding hi. Tapa taimang aginalo tapa' pen apate vak dingin om ding a. Apate neihsa agaih
ciangin a u pa kiangah sum leitawi in pai lai ding hi. Anu teek apa teek kem lo-in, a upa kiangah ap ki ding a,
gamdangah ahih leh Old Age Home/Teek khumna Inn te ah kikoih zawlai ding hi.

9. Mi gama sum zong pai zongte zong ahaksatna uh gen ding hileh, Tapa taimangpa thuakna zahin gen ding hau kha
 ding uh hi. Tapa taimangpa bangin sum izon kei leh khut guak mah tawh inn ciah ding hi hang. Ahi zongin Bawng kuang
 sunga kisial Zeisu pen ei sungah isial leh bangbang isema bangbang ibawl zongin, LUNGNOPNA i ngah ding hi.

10. ZBYF Khangnoten migamtatna imu ua, mi neih leh lam zong imu uh hi. La khat in, "Na khempeuhte Zeisu kiangah,
Thuumin i kohloh hang hi" ci hi. Khangto a mainawt nuam ding ihih leh Pasian tawh tonkhawp ding ahi hi. Topa muang in
Amahin hong sem ding hi.(Late 118:8)

I mainawtna dingin hih anuai a thu tawm hong behlap lai ning:

1. Na nu leh na pa zah tak in, amaute thu mangin it-in kem in.

2. Piakkhiatna ah hahkat in. Na Scholarship laak panin sawm-ah-khat mangngilh ken.(Pai 34:26)

3. Biak piakna thusim in. Kikhawm loin vai dangdang tawh buai den kei in. Thomas akikhop lohna hangin thupha
tampi taan hi.(Joh 20:19-25).

4. Laisimlai ci-in kisa thei kei in. Na nuntakna ding zong in. Bang sepna sem dinga kithawi na hiam cih ki-entel in.
Graduate khin, Post Graduate zong zo khin, sepna ding khentel thei tuanlo in om kei in.

5. Khut siamna lamsangah kitaiteh ding kisam hi. Tulai ciangin na khut siamna na thutheihna kisam pen hi.
I Talent, i Hobby, i Aim In Life khempeuh a tangtunna ding pen ei khut sungah om hi. Nang na vaihawm zawh kei leh, miten
amau ngaihsutna tangtungsak dingin nang siamna hong zatsak ding hi.

6. Pate ha kim pen tate ha kimsak nawnlo ding hi hang. (Pai 34:7) Koi pan piang ihiam ci a kingaihsutsut ding hilo a,
ken koi tanah ka tunpih zo ci-a hanciam ding hi zaw hi. Leitunga na pian pen na nu leh pa ngawh kei in. Ta deih
mahmah napi, aneilo tampi om cih phawk in. Nuntakna nei a leitungah nong nungak tangval theih pen lungdam ko in.
Mi tampi tak hi bang hun hoih mu khalo om uh hi.(Pau 30:17)

7. Nangmahmah panin nuntak hoih, gamtat hoih,thu hoih la hoih kipan sak in.(ITim 4:12)

8. Na tup na sawm na tangtun lohna hangin na sangkahna na nu leh pa na khua leh tui mawhpaih kei in.
Pasianin nang adingin geelna hoih khat nei ci phawk inla, Ama tungah ki-ap in.(Late 37:05)

9. Pasian in atapa nangawn Bawngkuang sungah sial ahih leh ei zong tua banga simmawhna, zumhuaina, cihmawhna ithuak ding
hong lunghiang hetlo ding cih phawk in. A kisialna sangin a nasep kithupi sim zaw in kiciamteh zaw hi.

10. Na nu le pa thu mang lo a, nang khawlai thu theihna tawh khensatna na bawl ngeingei leh, Tapa taimang bangin na kisik
kik mateng gimna na thuak ding hi.(Efe 6:1-4)

Khangno thahat lai ihih mah bangin hih anuaia la pen ka lungsimah hong suak hi:

1. Kristian Khangnote tho un, Topa'n nasem ding'n hong sam,
Na hatna leh na pilna, na hauhna leh na siamna;
Krih leh agam adingin na khempeuh Amah pia in,
Mial thuneihna hawl mang ni.

2. Kristian Khangnote tho un, na hinna kivel pha in,
Adik lampi na zui maw, a siangtho lampi tawn in;
Setan tunga thahatna, Mawhna tunga gualzawhna,
Zaila sa-in taangko ni.

3. Kristian Khangnote tho un, Na zat dan na hun en in,
Absalom hun zat ngaihsun', ahat Samson hunte zong;
A hehpihhuai hun zangte, tua bang nang zong na om leh,
Manlangin kikhel meng in.

4. Kristian Khangnote tho un, amanpha in hun zang ni,
Jacob ta Khangno Joseph, hun zat dante ngaihsun ni;
Topa deihna bang sem in, nisim singlamteh pua in,
Paakkhia ni mun khempeuh ah.

5. Kristian Khangnote tho un, Topa'n na sep ding hong pia,
Lungdamna thu tangko ding, amang khate zong dingin;
Gupkhiatna huang zawl sungah, amaute pilut dingin,
Khangnote' liangko hong nga.
/m .f /s .,f /s .l /s /l .t /l .,f /s .l /s
/d' .d' /d' .,d' /d' .r' /d' /d' .r' /m' .,m' /r' .d' /r' .d' .,l
/m .f /s .,f /s .l /s /l .t /l .,f /s .l /s
/d' .d' /d' .,d' /d' .r' /d' :- :-||
----------------------------------------------------------



Sunday, March 3, 2013

iPhone a dingin Lai Siangtho kihawm khia ta!



Sat Mar 2, 2013 1:01 pm (PST) . Posted by:

"Ai Suan" siantongluan

https://itunes. apple.com/ ca/app/laisiangt ho/id600127635>

iOS ading Lai Siangtho

Zolai Lai Siangtho iOS ading om ta cih ka zakna sawt pian ta in, tuni-in
hong pulak khia zo pan ing...
Hih Lai Siangtho App sungah Zolai, Kawllai leh Manglai Lai Siangtho zong
ompah cih zong za ing.
iOS devices (iPod, iPhone leh iPad) azangte adingin a lunglut huai Lai
Siangtho App khat hi ding hi, cih ngaihsutna tawh hih thu hong hawmkhia
ing.

A kician zawnin hih link
tawh"https://itunes. apple.com/ ca/app/laisiangt ho/id600127635
https://itunes. apple.com/ ca/app/laisiangt ho/id600127635> " kienthei
hi...

Deihsakna tawh,
Sian Tongluan.

La hoih kasak

 Pu Chin Sian Thang La Phuahte*

1. Lel dih aw Kap lel dih lai zang aw, pian gam lei leh ka Zo damtui aw,
keizong, keizong lel nuam lai veng ee;
2. Keizong, keizong leel nuam lai ing, Panlong apat Taungyi ah, UNO dong
leel to laivang ee.

1. Tang kahenkol thangta zawm aw, Zolun Alsi thang zawm aw;
2. Zolun Alsi tu bang asuan thangvan phesak kei hing ee.

1. Sin thu a pha ngai ing aw e, tong dam a nem a ngai ing ee;
2. Sin thupha leh I Zogam kuam ka ngaih man a tul hi’ing ee.

* Mipi in Pu Cin Sian Thang Aki phuah Zola Awkaih.***

( a ) Guallel cinthu,thangtam lai ah Zogam zuapa sitni Cin Sian, Thang mah
thang zaw e..

( b ) Sitni Cin Sian,Thang mah thangzaw zang kamkei sa'ng hang zaw e
hang, zaw e gial zaw e..

(a) Z N C leh, N L D lung lai nahual na,pian gamlei ziin bangling e,gual
in gen lua e..

( b ) Ziin bangling e,gual in genlua gam ading inzong zatam ten
muang,zawng e muang zawng e...

( a ) Sesumthang leh,langlamlibang cingdinglai ah cinthupha tem,bang deih
na lian e.

( b ) Kawlciang tawilo,dolaima ciang na suan suan a gam a ding in ban zal
henkol,khai tam zua aw e...

( a ) A kum a sim,sawmnih cing ta zuatawh ma lo bang pang khawm leng
tungsianmang in,awi ding muang veng e..

( b ) Tungsianmangin, awi ding muang veng lai zom tung mu van lai te tawh
lung lai khau bang,hual khawm lai leng e..

( a ) Ka gam lung tup,tui bang tung aw U.N.O aw Daw Suh Kyi leh Sitni Cin
Sian,Thang aw tuang ve aw.

( b ) Sian aw bat lei,bangphul nuam veng dota ngal khuai hang te bang a,mi
lai sum lu pal a lak na hen luang za tam a tham na hi e.

( a ) Mar gam kuam a,ciin thang ki lel zua tawi Thang Lian Pau aw dam ve aw.

( b ) Zogam lei a,dota sangbang nang na not a tu in tui liim,nga bang siang
pan e.

( a ) Zotavontawi, lungmuan na ding tungmu van lai ka phungpi lun Sian aw
dai phui,gua bang hong hah aw.

( b ) Sian in gua bang,hong hah hen la zua thang leh tun,min lun tawh lung
lai khuam bang,nang hong gel gel aw.

( a ) Gual in va bang,ka pil ci a pil ka hih leh nang bang pil,nang bang
ciim lengh e.
( b ) Nang bang pil,nang bang ciim lengh a hang ka hih leh zong nang mah
bang,kei zong hang lengh e..