Posted by: "Hau Za Cin" suante2002@yahoo.com suante2002
Thu Jun 24, 2010 5:51 am (PDT)
Tonsim nupi te in, "WC na cihcih uh bawhlung sui hileltak" hong cih sak ziau uh hangin a beibei hita mawk in bei taktak leh lah ngai ngeungau teeitawng. India khawngah ihmut nangh lianga i et pen ahi ding mah hi diam, mitsan leh mutnang khawng ilawhtak hi in, kum li hala hong tungkik pan ding ahih manin lah aamhuai mahmah zel. Bangbang ahi zong a kimawl laitak (LIVE telecast) mah i et kei leh a nung ciang etkik pen 'second hand ngaihno' a cih uh bang sa mai ing; 'second hand ngaihno' bangcihna ahi diam bel thei tuan keng.
1986 quarterfinal ah Maradona 'Pasian Khut Hi' ('Hand of God') a cih ngeu tawh a khum, a betlut ci zaw ni hangin tu tan England leh Argentina kingai ngaungau nailo uh hi. 1998 WC France ah Beckham in Simeon a tawt manin Red Card ngah a, 2002 WC Korea-Japan ah Beckham penalty hangin England in gualzo in Argentina kia hi. 2010 WC South Africa ah Louis Fabiano, Brazil in a khut tawh nihvei a lawng khit ciang goal khum a, 'Pasian Khut Hi' mah cih sawm ahih manin Maradona in, "Tua pen Pasian Khut hikei lua in, a khut tawh a huai kawikawi khit ciang a khum hilel in, Pasian Khut taktak pen 1986 kuma ka betlut pen hizaw" ci hi.
2009 Kumin Maradona Scotland ah Argentina team tawh pai a, a kimawl ma un 1966 kuma WC champion player khat in, "Maradona i 'Pasian Khut Hi' goal hangin hihpa ka khutlet kei ding hi," ci hi. Maradona in, "England in zong 1966 kumin goal khumlo in champion hi," a cih leh tuapa in a dawnna ding thei nawnlo hi. 'Pasian Khut Hi' goal kumin Argentina champion to suak a, 1966 kumin zong Geoff Hurst gaol khum kici pen in goal line peello hi. Tu'n tualaia kimawl England-Germany Nipini ciang kimawl ding u hi. World Cup controversies.
1978 kumin Brazil leh Sweden kimawl na ah injury time bei ding hita, Brazil in corner ngah, sui, Zico in a lu tawh tat, goal, (second nih khawng bek kihal ding) ahi zongin phitmutpa in a suih leh heading kikal in phittum a, a goal pen kipom nawnlo, Brazil te lungkimlo in phittumpa dressing room dong a delh uh hangin a result kikhek thei nawnlo hi.
1982 kumin first round 3rd play ah Germany in Austria 1-0 in zo leh amau gel lut dinga, Algeria kia ding hi, Algeria in 3rd play kimawl khin. Minit 10 ciang Germany te in khat khum a, a ban minit 80 sung pen bawhlung kituh cih om nawnlo, suih maimai hita. Algeria te hehlua ahih manin FIFA in tua zawh WC simin 3rd play pen a kiton in kimawlsak ta hi.
Bawhlung mukhia, pankhia England pen WC om zawh khatvei bel champion pan hi, 1966. Tua zawh tun kum 44 phata a, tutung WC pen amau, "44 years of hurt" ci uh hi. Kum 44 sung i thuak keikai zo hi. I gimpih hi. Tukum amau gualzawh kum ahi diam?
WC lah hong bei hiaihiai ven maw?
Hau Za Cin
"Maradona tactics a hoihtaktak hiam?" kici ta :
Maradona pen bawhlung sia hoih ahi takpi hiam cih kisin takpi tading hi (real test is coming on). Champion dinga kilamen Germany tawh kisu dinghita ahih manin hih mun ah Maradona sia hoih ahi takpi hiam cih a tactics zatdan pan kitel ding hi.
Maradona in bel, "Germany a zo ding lianlian in ka sui ding uh hi" ci khol zezen hi. A zo thei ding tactics ka zang ding cihna hi.
Maradona kap a mu ngei na om uh leh WC Italia 1990 final ah Germany in Argentina 1-0 in a zawh uh ciang captain Maradona in, "Phitmutpa in WC hong guksak in Germany te pia" ci in 2na ngahte medal a lak ding zong pai nuamlo a, a siapa in a tutna pan samin a baantang pan a kaih ciang pai pan hi. Tua lai ah Maradona naupang bangin "Naubang" kap hi. I cimul tho liang hi. Final Rome Olympic Stadium ah a kisuih uh, a zo ding kitheilo, kisikim mahmah kimlai Germany te penalty box sungah mikhat hong tuk phangphanga, phitmutpa in penalty spot kawkpah geu ahih manin Maradona in phitmutpa nehpah tutu hi. Ahi zongin genzolo ahih manin Andreas Brehme, Germany te nungthuap muanhuai leh penalty a khial ngeilo a muanbel pa un kung veilam khuam zuul in hattakin sui a, kungpangpa tua hun laia Argentina kungpang minthang penpen in zong a khutme dawn bek tawh sawkkha a, dal zolo ahih manin goal a, lehkik zolo uh ahih manin Germany Champion a, Lothar Mattheaus in WC
Trophy "The Blue Italian Sky" nuai ah likto vuauvuau hi. Tua pen Maradona mit ah muh hamsa pen leh a mitkha ah a mangtheilo ahi hi.
Tua bang teng mitkha leh lungsim ah phawkkawm in quarter final kimawl ding pen muhnop ding cih theihsa hi.
Tukum, 2010 March kha in WC warm up kici ah, ahih kei leh FIFA Friendly zong kici veve, bawhlung tawh kilawmtatna Munich Stadium, Germany ah a kisuih lai un Argentina in 1-0 in zo a, Maradona in, "WC ading kisinna bek hi phot" ci a, tu in a taktak tungta hi.
Kua a hatzaw tam maw??
Tua lai ah Albiceleste kici "White and Skyblue" Argentina team te 4-4-2 tawh kimawl uh hi. Tu in zong tua mahleh 4-3-1-2 zang uh hi. Ahi zongin Maradona in tutung in a kisam bangin ka khek ding hi, ci hi. Bangci in hong khek a, bangci in Mesut Ozil hong khak a, bangci in amau nungthuap ah "awngvang" om kiau thei zel pen hong "hu" tam cih pen Maradona "tactics" siam leh siamloh ah hong kinga ding hi. Tua a siam a, a gualzawh uh leh Maradona pen a suih bek a siam hilo, a hilh zong a siam, zawhna ding a "zawi" teng zong a thei, a khakna ding a "zawi" teng zong a theipa hong suak ding hi. Tua mateng, pawlkhat in, M2 -- Messi leh Maradona hangin (vaang in) a gualzo hilai uh" ci hi. Tua manin Maradona leh Albiceleste adingin a siamna uh a kisit taktak ding hita hi.
Zanni tak bang Tavez leh Higuan nungah Messi thuapsak a, a nawl ah Rodiguez leh Di Maria huaisak hi. A nungah Heinze, Deimecelles, Samuel leh Jonas khakcip sak a, tua mah a zang diam kici hi. Tua zang ding hi leh Germany te veilam nawlhuai Turkey pan pemta Mesut Ozil pen kua in khakcip ding cih hita a, amai kah nih pen tuazah kisam ding maw, kicita hi. A nungthuap khat kaisuk dingin a mai ah khatbek kahsak ding, a nungpan delhto zaw ding cihbang a tawikhai laitak uh hi.
Amau gamah Pasian zom ah a zahtak pen uh Maradona in, "Tuzan ka ihmu phot dinga, na ut ut uh news ah na gelh phot un, Nipikhuavak/ Monday ciang ka ngaihsun pan ding hi," ciin media te mangpha khak a, hih lai i gelh ciang bel khanglo ta ding hi. Bang a ngaihsunta a, kiza nailo hi.
Barcelona ah a suih bangin Messi in sui nai kei cih pen Argentina mipite muhna hi a, siapa Maradona in "free movement" a piak pen a utna peuhpeuh, a kisapna munmun ah a tai theihna ahi hi. Ahi zong tua hangin "gimlua" a, goal khum zolo hi. Munkhat ah omsak henla, goal khumzaw leh a ci uh hi. Ahi zongin England captain Steven Gerard in a lunggulh mahmah, a ngah zawhloh leh Capello in a piak noploh, English media khempeuh in Capello a mawhsak phial uh "free movement" a ngah pen 'Humpino' Messi a hamphat mahmah na leh nuam a sak mahmah ahi hi. Bangbang a piang zonga, Messi bel WC pan lungkim taka a ciah ding hilel hi. A ut bang liana a siapa in suisak hi.
Counter attack tawh kimawl pih ding cileh German te zong tua mah a siam seem hiven, khat-in-khat, man-to-man in kidem ding hileh a maikah ding a hoih uh hang a nungthuap lamah "awngvang" om kiau theizel ahih manin hoihpen lo zel. Alai ah bel Argentina in gam lian ngahzaw in cin, a phulsuak zawh ding bek uh kisam hipen; a nungthuap ah "awngvang" a omloh ding tawh. Tua a kilekkimlo teng a kilekkim theipen ding leh "awngvang" a omlohna ding"Maradona khuak ah kinga a, a tuat siam leh ZO, a tuat khialh leh LEL.... tua ahih manin "Maradona tactics a hoih taktak hiam?" ciin mite kidong ngeingai uh hi. Ei zong a thei nuam vive hi hang ei... Argentina panpih lo, ahih hang a suih uh muhnop a sa pawl in zong. WC 2006 a zawhsa uh Mexico zanni zo kik ziau ci le'ng, a zom ah 1990 kuma a lelh uh tawh a kituah uh ciang bang aci tam maw?
"Pasian Khut" in hong veh kik tam maw tu tung?? En dih ni le...
Hau Za Cin
WC mah: No Woman! Please (a lunglutte bek ading)
Dutch team te in a zi, a lawmngaih leh numei peuhpeuh Nipini final kisuih mateng khaamcip uh hi. No Woman! Please. Ahang, gualzo ut uh hi. Bawhlung siamte zi, ahih kei leh lawmngaih hih khak ding zong a nuam veve ding hi. WC omleh lah amau ading Hotel kilaksak, vanleng kileisak, tualpi ah kiensak lai. Tua manin England te bangin WAGS (wifes and girlfriends) te na limbawl mahmah uh hi. Samson banga a guallelhna thuguk khat ahi diam bel thei ka'ang.
Sangkah laiin lawmngaih neihloh ding kici a, English theih masak pawl zong "Love is poison for students" cih khawng na hi leltak hi. 'W' thum na pelh ding hoih hi kici lak ah - Wine, Woman, Wealth (gambling) na kihel hi. Zu, Numei leh Hauhpahnopna lungsim. Numei in na thahatna teng nong beisak dinga, na khangno thahatna tawh naseptheih, na tun ding tan na tungzo kei ding acihna hi ding hi. Zu in na lu hong vaisak ding ahih manin na lampai tanglo ding hi. Hauhpahnopna lungsim in kuhkal leh cihtakna tawh kalsuan hong bahsak dinga, lamdawt leh olno a hauhnopna tawh na tuntheih ciang (potential) na tung kei ding hi. Tua manin a picing na suah nadingin hihte kipelh phot in, cihna hi ding hi.
Tulai khangno te in lawmngaih khawng nei pahpah lel uh tawh kibang hi. Ronaldo bang WC zo pan kum 25 pha pan in "tapa nei" ciin nui veva lai hi. Naupangno hi napi na khial khin malam hi. Zovokno mah bang hilo dia. Lawmngaih neite lah tulai ciang kinaih tutut pahpah uh. Kei pen khang kikhek laizang ah piang kha ka hiam ka cih hun om hi. Ka tunga te lah conservative, ka nuai a te lah liberal, free style. Ka u te ciangciang Zopau, Zolai bek thupi sim, ka naute ciang lah Zolai, Zopau peuhmah kin masa nawnlo, English ahih kei leh amau tatna gam pau peuhpeuh zui ta. Hih pen Zomi te cultural transformation laitak ahi diam khawng ka ci mawkmawk hi.
Ei hun ciangciang ah nungak kihel tangtang a, tu lai ciang munkhat ah "kituah" "kimu" ziauziau ta uh hi. Nungak hel ciang ei hong ngai maw, i lawmpa ngai maw cih kitel mengmeng lo a, tuhun ciang ei hong ngaih leh ngaihloh theihloh khak ding lauzaw ta uh hi. "Ka lawmnu kiangah va hawh ni" cih hiziauta a, "nang a sawtlo in hong ciahsan in" cih hita hi. Thukhat ah ngai maw, ngailo cih kician khhin ahih manin tangzang veve mawk hi. A langkhat ah kihel hiauhiau a nopna omlo ding hi.
Bangbang ahi zongin i gennop pen bel ZI hinailo bawhlung suite LAWMNGAIH te hi. Kiteng nailo napi a paina peuh vuah a zi banga omta cih pen hi. Tua pen Zomi dan tawh kituak vetlo khat ahi hi. Mikang ngeina ah bel lawmngaih ahih nak leh zi banga enpah uh himawk hi. A kiteng nailo bek hi a, nupa bang hita mawk hi. Taiwan ka omlai lawmte lawmngaih neite pen weekend ciangin a lawmngaihte kiangah va giakzel a, a giahna innkuanpihte in zong amau tapa bangin na tuat lel uh hi. A numei a giak leh zong a tanu bang un na tuat lel uh hi. Tua pen a lamdang kasak mahmah khat hi a, ka theihtung bangin ka ci zek daldal liang hi. I khantoh nailoh luat man hi diam, Zomi ngeina ah tua bang a omloh man hizaw diam, i biakna Christianity in tua bang hong hilh man hizaw diam ... nopmawh kasa pian hi.
Tua hi a, Dutch te in a zi leh a lawmngaihte uh mundangah giaksak phot ding a cih uh ciang Newspaper Headlines dingin lamdang kasa hi. No na sa duam ka thei kei hi. Ka nu leh pate in Miss World khong a om ciang Swimsuit Contest pen en ngamlo uh hi; en lah kimu nuam penpen hi. Wimbeldon Tennis, US Open Tennis khawng en le uh a en ngam tam uh aw ka ci a, en lah etnuam isa kik bilbel hi. Tua dana i level kibang nailo cihna ahi tam?
Bangbang ahi zong Dutch te bel extra energy themkhat ngahbeh sawm uh cihna hi.
Talkolh Vicente del Bosque leh samsau Bert van Marwijk te kidem ding cileng kua in a zo zaw tam maw?
Hau Za Cin
1986 quarterfinal ah Maradona 'Pasian Khut Hi' ('Hand of God') a cih ngeu tawh a khum, a betlut ci zaw ni hangin tu tan England leh Argentina kingai ngaungau nailo uh hi. 1998 WC France ah Beckham in Simeon a tawt manin Red Card ngah a, 2002 WC Korea-Japan ah Beckham penalty hangin England in gualzo in Argentina kia hi. 2010 WC South Africa ah Louis Fabiano, Brazil in a khut tawh nihvei a lawng khit ciang goal khum a, 'Pasian Khut Hi' mah cih sawm ahih manin Maradona in, "Tua pen Pasian Khut hikei lua in, a khut tawh a huai kawikawi khit ciang a khum hilel in, Pasian Khut taktak pen 1986 kuma ka betlut pen hizaw" ci hi.
2009 Kumin Maradona Scotland ah Argentina team tawh pai a, a kimawl ma un 1966 kuma WC champion player khat in, "Maradona i 'Pasian Khut Hi' goal hangin hihpa ka khutlet kei ding hi," ci hi. Maradona in, "England in zong 1966 kumin goal khumlo in champion hi," a cih leh tuapa in a dawnna ding thei nawnlo hi. 'Pasian Khut Hi' goal kumin Argentina champion to suak a, 1966 kumin zong Geoff Hurst gaol khum kici pen in goal line peello hi. Tu'n tualaia kimawl England-Germany Nipini ciang kimawl ding u hi. World Cup controversies.
1978 kumin Brazil leh Sweden kimawl na ah injury time bei ding hita, Brazil in corner ngah, sui, Zico in a lu tawh tat, goal, (second nih khawng bek kihal ding) ahi zongin phitmutpa in a suih leh heading kikal in phittum a, a goal pen kipom nawnlo, Brazil te lungkimlo in phittumpa dressing room dong a delh uh hangin a result kikhek thei nawnlo hi.
1982 kumin first round 3rd play ah Germany in Austria 1-0 in zo leh amau gel lut dinga, Algeria kia ding hi, Algeria in 3rd play kimawl khin. Minit 10 ciang Germany te in khat khum a, a ban minit 80 sung pen bawhlung kituh cih om nawnlo, suih maimai hita. Algeria te hehlua ahih manin FIFA in tua zawh WC simin 3rd play pen a kiton in kimawlsak ta hi.
Bawhlung mukhia, pankhia England pen WC om zawh khatvei bel champion pan hi, 1966. Tua zawh tun kum 44 phata a, tutung WC pen amau, "44 years of hurt" ci uh hi. Kum 44 sung i thuak keikai zo hi. I gimpih hi. Tukum amau gualzawh kum ahi diam?
WC lah hong bei hiaihiai ven maw?
Hau Za Cin
"Maradona tactics a hoihtaktak hiam?" kici ta :
Maradona pen bawhlung sia hoih ahi takpi hiam cih kisin takpi tading hi (real test is coming on). Champion dinga kilamen Germany tawh kisu dinghita ahih manin hih mun ah Maradona sia hoih ahi takpi hiam cih a tactics zatdan pan kitel ding hi.
Maradona in bel, "Germany a zo ding lianlian in ka sui ding uh hi" ci khol zezen hi. A zo thei ding tactics ka zang ding cihna hi.
Maradona kap a mu ngei na om uh leh WC Italia 1990 final ah Germany in Argentina 1-0 in a zawh uh ciang captain Maradona in, "Phitmutpa in WC hong guksak in Germany te pia" ci in 2na ngahte medal a lak ding zong pai nuamlo a, a siapa in a tutna pan samin a baantang pan a kaih ciang pai pan hi. Tua lai ah Maradona naupang bangin "Naubang" kap hi. I cimul tho liang hi. Final Rome Olympic Stadium ah a kisuih uh, a zo ding kitheilo, kisikim mahmah kimlai Germany te penalty box sungah mikhat hong tuk phangphanga, phitmutpa in penalty spot kawkpah geu ahih manin Maradona in phitmutpa nehpah tutu hi. Ahi zongin genzolo ahih manin Andreas Brehme, Germany te nungthuap muanhuai leh penalty a khial ngeilo a muanbel pa un kung veilam khuam zuul in hattakin sui a, kungpangpa tua hun laia Argentina kungpang minthang penpen in zong a khutme dawn bek tawh sawkkha a, dal zolo ahih manin goal a, lehkik zolo uh ahih manin Germany Champion a, Lothar Mattheaus in WC
Trophy "The Blue Italian Sky" nuai ah likto vuauvuau hi. Tua pen Maradona mit ah muh hamsa pen leh a mitkha ah a mangtheilo ahi hi.
Tua bang teng mitkha leh lungsim ah phawkkawm in quarter final kimawl ding pen muhnop ding cih theihsa hi.
Tukum, 2010 March kha in WC warm up kici ah, ahih kei leh FIFA Friendly zong kici veve, bawhlung tawh kilawmtatna Munich Stadium, Germany ah a kisuih lai un Argentina in 1-0 in zo a, Maradona in, "WC ading kisinna bek hi phot" ci a, tu in a taktak tungta hi.
Kua a hatzaw tam maw??
Tua lai ah Albiceleste kici "White and Skyblue" Argentina team te 4-4-2 tawh kimawl uh hi. Tu in zong tua mahleh 4-3-1-2 zang uh hi. Ahi zongin Maradona in tutung in a kisam bangin ka khek ding hi, ci hi. Bangci in hong khek a, bangci in Mesut Ozil hong khak a, bangci in amau nungthuap ah "awngvang" om kiau thei zel pen hong "hu" tam cih pen Maradona "tactics" siam leh siamloh ah hong kinga ding hi. Tua a siam a, a gualzawh uh leh Maradona pen a suih bek a siam hilo, a hilh zong a siam, zawhna ding a "zawi" teng zong a thei, a khakna ding a "zawi" teng zong a theipa hong suak ding hi. Tua mateng, pawlkhat in, M2 -- Messi leh Maradona hangin (vaang in) a gualzo hilai uh" ci hi. Tua manin Maradona leh Albiceleste adingin a siamna uh a kisit taktak ding hita hi.
Zanni tak bang Tavez leh Higuan nungah Messi thuapsak a, a nawl ah Rodiguez leh Di Maria huaisak hi. A nungah Heinze, Deimecelles, Samuel leh Jonas khakcip sak a, tua mah a zang diam kici hi. Tua zang ding hi leh Germany te veilam nawlhuai Turkey pan pemta Mesut Ozil pen kua in khakcip ding cih hita a, amai kah nih pen tuazah kisam ding maw, kicita hi. A nungthuap khat kaisuk dingin a mai ah khatbek kahsak ding, a nungpan delhto zaw ding cihbang a tawikhai laitak uh hi.
Amau gamah Pasian zom ah a zahtak pen uh Maradona in, "Tuzan ka ihmu phot dinga, na ut ut uh news ah na gelh phot un, Nipikhuavak/ Monday ciang ka ngaihsun pan ding hi," ciin media te mangpha khak a, hih lai i gelh ciang bel khanglo ta ding hi. Bang a ngaihsunta a, kiza nailo hi.
Barcelona ah a suih bangin Messi in sui nai kei cih pen Argentina mipite muhna hi a, siapa Maradona in "free movement" a piak pen a utna peuhpeuh, a kisapna munmun ah a tai theihna ahi hi. Ahi zong tua hangin "gimlua" a, goal khum zolo hi. Munkhat ah omsak henla, goal khumzaw leh a ci uh hi. Ahi zongin England captain Steven Gerard in a lunggulh mahmah, a ngah zawhloh leh Capello in a piak noploh, English media khempeuh in Capello a mawhsak phial uh "free movement" a ngah pen 'Humpino' Messi a hamphat mahmah na leh nuam a sak mahmah ahi hi. Bangbang a piang zonga, Messi bel WC pan lungkim taka a ciah ding hilel hi. A ut bang liana a siapa in suisak hi.
Counter attack tawh kimawl pih ding cileh German te zong tua mah a siam seem hiven, khat-in-khat, man-to-man in kidem ding hileh a maikah ding a hoih uh hang a nungthuap lamah "awngvang" om kiau theizel ahih manin hoihpen lo zel. Alai ah bel Argentina in gam lian ngahzaw in cin, a phulsuak zawh ding bek uh kisam hipen; a nungthuap ah "awngvang" a omloh ding tawh. Tua a kilekkimlo teng a kilekkim theipen ding leh "awngvang" a omlohna ding"Maradona khuak ah kinga a, a tuat siam leh ZO, a tuat khialh leh LEL.... tua ahih manin "Maradona tactics a hoih taktak hiam?" ciin mite kidong ngeingai uh hi. Ei zong a thei nuam vive hi hang ei... Argentina panpih lo, ahih hang a suih uh muhnop a sa pawl in zong. WC 2006 a zawhsa uh Mexico zanni zo kik ziau ci le'ng, a zom ah 1990 kuma a lelh uh tawh a kituah uh ciang bang aci tam maw?
"Pasian Khut" in hong veh kik tam maw tu tung?? En dih ni le...
Hau Za Cin
WC mah: No Woman! Please (a lunglutte bek ading)
Posted by: "Hau Za Cin" suante2002@yahoo.com suante2002
Thu Jul 8, 2010 11:33 pm (PDT)
WC mah: No Woman! Please (a lunglutte bek ading)
Dutch team te in a zi, a lawmngaih leh numei peuhpeuh Nipini final kisuih mateng khaamcip uh hi. No Woman! Please. Ahang, gualzo ut uh hi. Bawhlung siamte zi, ahih kei leh lawmngaih hih khak ding zong a nuam veve ding hi. WC omleh lah amau ading Hotel kilaksak, vanleng kileisak, tualpi ah kiensak lai. Tua manin England te bangin WAGS (wifes and girlfriends) te na limbawl mahmah uh hi. Samson banga a guallelhna thuguk khat ahi diam bel thei ka'ang.
Sangkah laiin lawmngaih neihloh ding kici a, English theih masak pawl zong "Love is poison for students" cih khawng na hi leltak hi. 'W' thum na pelh ding hoih hi kici lak ah - Wine, Woman, Wealth (gambling) na kihel hi. Zu, Numei leh Hauhpahnopna lungsim. Numei in na thahatna teng nong beisak dinga, na khangno thahatna tawh naseptheih, na tun ding tan na tungzo kei ding acihna hi ding hi. Zu in na lu hong vaisak ding ahih manin na lampai tanglo ding hi. Hauhpahnopna lungsim in kuhkal leh cihtakna tawh kalsuan hong bahsak dinga, lamdawt leh olno a hauhnopna tawh na tuntheih ciang (potential) na tung kei ding hi. Tua manin a picing na suah nadingin hihte kipelh phot in, cihna hi ding hi.
Tulai khangno te in lawmngaih khawng nei pahpah lel uh tawh kibang hi. Ronaldo bang WC zo pan kum 25 pha pan in "tapa nei" ciin nui veva lai hi. Naupangno hi napi na khial khin malam hi. Zovokno mah bang hilo dia. Lawmngaih neite lah tulai ciang kinaih tutut pahpah uh. Kei pen khang kikhek laizang ah piang kha ka hiam ka cih hun om hi. Ka tunga te lah conservative, ka nuai a te lah liberal, free style. Ka u te ciangciang Zopau, Zolai bek thupi sim, ka naute ciang lah Zolai, Zopau peuhmah kin masa nawnlo, English ahih kei leh amau tatna gam pau peuhpeuh zui ta. Hih pen Zomi te cultural transformation laitak ahi diam khawng ka ci mawkmawk hi.
Ei hun ciangciang ah nungak kihel tangtang a, tu lai ciang munkhat ah "kituah" "kimu" ziauziau ta uh hi. Nungak hel ciang ei hong ngai maw, i lawmpa ngai maw cih kitel mengmeng lo a, tuhun ciang ei hong ngaih leh ngaihloh theihloh khak ding lauzaw ta uh hi. "Ka lawmnu kiangah va hawh ni" cih hiziauta a, "nang a sawtlo in hong ciahsan in" cih hita hi. Thukhat ah ngai maw, ngailo cih kician khhin ahih manin tangzang veve mawk hi. A langkhat ah kihel hiauhiau a nopna omlo ding hi.
Bangbang ahi zongin i gennop pen bel ZI hinailo bawhlung suite LAWMNGAIH te hi. Kiteng nailo napi a paina peuh vuah a zi banga omta cih pen hi. Tua pen Zomi dan tawh kituak vetlo khat ahi hi. Mikang ngeina ah bel lawmngaih ahih nak leh zi banga enpah uh himawk hi. A kiteng nailo bek hi a, nupa bang hita mawk hi. Taiwan ka omlai lawmte lawmngaih neite pen weekend ciangin a lawmngaihte kiangah va giakzel a, a giahna innkuanpihte in zong amau tapa bangin na tuat lel uh hi. A numei a giak leh zong a tanu bang un na tuat lel uh hi. Tua pen a lamdang kasak mahmah khat hi a, ka theihtung bangin ka ci zek daldal liang hi. I khantoh nailoh luat man hi diam, Zomi ngeina ah tua bang a omloh man hizaw diam, i biakna Christianity in tua bang hong hilh man hizaw diam ... nopmawh kasa pian hi.
Tua hi a, Dutch te in a zi leh a lawmngaihte uh mundangah giaksak phot ding a cih uh ciang Newspaper Headlines dingin lamdang kasa hi. No na sa duam ka thei kei hi. Ka nu leh pate in Miss World khong a om ciang Swimsuit Contest pen en ngamlo uh hi; en lah kimu nuam penpen hi. Wimbeldon Tennis, US Open Tennis khawng en le uh a en ngam tam uh aw ka ci a, en lah etnuam isa kik bilbel hi. Tua dana i level kibang nailo cihna ahi tam?
Bangbang ahi zong Dutch te bel extra energy themkhat ngahbeh sawm uh cihna hi.
Talkolh Vicente del Bosque leh samsau Bert van Marwijk te kidem ding cileng kua in a zo zaw tam maw?
Hau Za Cin
No comments:
Post a Comment