"Pate Ni" maw "Papite Ni"?

Posted by: "Hau Za Cin" suante2002@yahoo.com   suante2002

Fri Jun 18, 2010 3:11 am (PDT)

"Pate Ni" maw "Papite Ni"?

Mikangpau a Father's Day kici pen Zokam in Pate Ni i ci hi. Tukum adingin June 20, 2010 hi kici hi. A piangsa khempeuh pa nei vive ihi a, i pianna pa i pahtawi ni ding ahi hi. Pahtawi ni ding cih ciang tua banga pahtawi ni a bawl om a, hong kizel toto in tu in leitungbup hong kizel suakta a, pianna pa a pahtawilo hih ding kuamah ut nawnlo ahih manin mi pawlkhat in a patsa uh Ni khat zatpih zuihpih in pate pahtawina ni a kizang liailiai ding hihtuak hi. Zomi khat i pat hileh bel a vengpa hiam khat beek in 'tua ni ding hi kei veh aw, tua ni ding hizaw veh aw' ciin thukimpih lo dinga, zatpih nuamlo ding hi. Tua i cih ciang Zomi te lungsim puakzia leh founder hih ding thupi isakzia, ei phuatloh peuhmah a kankuat (oppose, langpan, nial, zuihpihlo) leh a picin  ding hazatna i hauhzia gennopna hi a, tua banga thu tuam sat den a hoihloh lam uang gennopna ahi hi.

Pa i cih ciangin ta neisa te pa kici hi. Numei ahih leh ta neisa te Nu hi a, pasal nei khempeuh Nu hi nailo a, pasal nei nailo pawlkhat zong Nu om veve hi. Zi nei sate papi hi a, pa hipah tuanlo uh hi. Zi neilo pawlkhat pa om leuleu a, zi nei khin napi pa ahi nailo zong om leuleu hi.

Nung kum in Washington DC ah ko biakinn Sihzang Church ah ka kikhop cil ni in, "Pate Ni ahih  manin pate letsong kipia ding hi, hong ding un" ciin makaite in hong pulak ciangin ka ding kei hi. Makaipa mah in, "... nang zong hong ding o" hong ci a, 'hi ding maw' ci in ka dingto a, laikung hoih mahmah letsong hong kipia a, tutan ka neilai a, tua ni ka phawk velval a, ka lungdam zawzen hi. Kei ngaihsutna ah PATE NI ahih leh pa ahita, ta a neita, suan leh khak a neita te pahtawina ni hi dinga, kei banga nungmaha innkuan neipan te pahtawina hilozaw in (kei hong kipahtawi ni ding hilo zaw in), kei a pahtawi ding pawl hilaizaw lo ka hiam ka ci hi. Tua manin zi nei khin ka hih hangin a dingpah lo ka hi a, PA leh PAPI cih kikal ka tawikhai man hi.

A mikangpau kawm kik bualbual leng FATHER'S DAY hi a, HUSBAND DAY hilo hi.

Tua manin Pate Ni ah papi khempeuh pahtawina kizang ding maw, ahih kei leh pa ahi khinsa te bek pahtawina kizang ding? Pa te pahtawina ahih leh zi a neihloh hang ta a neih leh pa hita a, pahtawina ding ahi hi. Papi khempeuh pahtawina ahih leh Zomi te in zi nei khempeuh papi kici ahih manin ta nei in nei nai takei leh pahtawi ding ahi hi. Zi nei khin khat a zi tawh kikhen kik henla, ta nei kei leh (hunkhat laiin pa hi ngei ahih manin) tua zong Pate Ni ah pahtawina a kipia veve diam.

Pawlpi leh kipawlna khawngin hih bang ni ciang pahtawina i vaihawm pen ahi ding mah hi diam? Mi, ama pa tektek a pahtawi nuam zong om dinga, tuate kipahtawina ding a khaksak kha i hi thei diam? Biakinn ah, pawlpi ah - tu ni Pate Ni ah i pianna pate pahtawi nuam i om hiam - cih bangin hun awng hong ziau in, a utte'n hih lel leh a hoih diam? Ahih kei leh a pahtawi dingte in pahtawi nuam in pahtawi nuam takei leh pawlpi saikhit sakin 'tuni Pate Ni ahih manin pate i pahtawi ding hi' cisuk ziau leng a hoihpen ahi diam?

Pa a nei peuhmah pate pahtawi nuamlo om in ka um kei hi. Ahi zongin 'pa' hong ci ding a om nailo khat 'pa' ciin pahtawi mawk leng a kigen ngei (kua ci a hia? sangmang khat khualzin mipi ten khuamual ah na muak uh, a nungzuipa masa, a sangmangpa nunung ci, a vaidawnte in amasa pa mah sangmangpa sa in pakkual pia, 'kei hi keng' ci tuanlo, nopmawh sa selo pai liauliau, nitak ciang a mi dawn uh pen pakkual a piakloh zawk uh na hi kha bilbel... :-)) khat bangin a kipahtawilo ding pa kipahtawi kha henla tuapa in nopmawh hong sa tuan khol kei leh a kipahtawi ding pa a dahlua kha kei tam?

Pa cih ciang innkuan sungah pa pen cihna hi zong kici thei leuleu hi. Zinei tung hita leh zi nei nawnlo hita leh, zi nei nailo hita leh pa hi kici thei hi. Zomi te zatdan ah innkuan sungah a thunei pen, a vaihawm pen, a lianpen PA kicih a ngeina hi; meigong innsungah zong 'pa pen Nu' ahi hi. Innsung pan pa bel ciat paikhawm ding a kicih ciang pasal omlohna ah numei pai hi, tua pen 'innsung pa pen' ahi hi. 

Tua ahih manin PATE NI (Fathers Day) i zat ciangin mipi lawp thu leh makaite lawp thu bek tawh kipahtawina khawng i bawl gawp kha hiam... Pahtawi limlim a utlo kuamah ki omlo hi ding.... a gen uh sangmangpa nungzuipa zong nopmawh sa selo, phamawh sa selo, a siapa om ta leh kisuanna themkhat bek neilo in pai liauliau kici... upa te'n "Kamsiam ngaidah leh lamphei tawn nuamlo omlo" na ci uh hiven. Kipahtawi ziahziah ding hi.

Ka nu leh pa hong it, hong kep, hong khoina te ka phawk a, Topa in amau thupha tampi hong piaksak den leh ciin thu ka ngen hi. Lungdam tuun angkawi Zua aw. Pate Ni ah Topa thupha ngahta in.

Na von,



Hau Za Cin
Phuitong Liim
www.hauzacin. blogspot. com
"He knows how you feel"

Pa Te' ni Message tomno

Posted by: "Suan Lam Zam" suanlamzam@gmail.com

Sun Jun 20, 2010 6:34 pm (PDT)

*Dear All,
Khazih sung ah kong it lawm le gual aw nong dam kim tek uh hiam
ci-nhih mun pan hong ho pih ingh, kei zong i biak Topa' huhna tawh
cidamin hih lai hong at thei buang ingh. hun te ki khel ini kum te
hong ki heizel aa, tu kum Pa te' ni zong hong tung kik ta hi.Hih pate'
ni hong muak sak hong tonpih Pasian in minthan na lehpahtawi na te
tang tawntungta hen. Pasian sung ah long it lawm le gual khempeuh
awPhawkna lianpi tawh hih a nuai a thu tom no Pate'
thupitna hong gen nuam ingh.

Lim Belh Zua Pa singta gual tawh teh theih loh Leitung Pasian ei a hi
*
Efesa 6:1-4)
Lei tung ah mi khem peuh nu leh pa lo in ki piang theilo aa,nu
leh pa' hong it zah in kua mah dang in zong hong it zo tuan lo hi.Tua
ahih man in sim lei tung ah ei hong it pen i pianna i nu leh i pa mah
ahihi. lai siangtho sung ah Pa te' thupit na muntampi ah na genaa,
Pasian in Pate' thupha pia hi. midang te' pa bangzah tak in hoih zaw
in pil in siam zaw ta mah leh ei pa sang in ei aa, ding a thupi zaw
om lo hi. mi dangte' pa hoih ki kawm thei lo hi. tua ahih man in tu
kum in hih Pa te' ni in hih bang in hun pha khat ka ngah man in hun
manpha hong pia i biak Pasian min ka phat masa nuam hi. Paunak23:22- 25
na ah "na pian na na Pa thu ngai in la, na nu a teek ciang in simmawh
bawl kei in", ci in paunak lai at pa in thu hong hilh hi. hih ki
hilhna te zui zo leng i nuntak na ah thupha ngah na ding in kong
khakpi khat ahih mah bang in kamsiatna ding in zong thangsiahna lampi
pelh pelh sak hi. Thupha thusia i cih i nu leh i pa te'tungtawn in
Pasian in hong luang khiasak aa, a mi te thupha a piakding ciang in na
nu napa nazahtak in ci in thuhilhna na zang masa hi.A hi zong in i
pianna i nu le i pa zah tak ding pen ei pat hi lo aa, amau hong pat
masak hi, ei te a loh kik ding i hihi, thupha deihna na tawhnu le pa
it ding hi lo aa, i pianna a hih man un hong it masa ahihi ei te in
i it loh a pha mawh a hihi.Laisiangtho sung ah, Noah ta te a u zaw
leh a nau zaw in zah tak bawl in a zahmawh selsak uh a hih man in Noah
in a ta te thupha pia hi, Isaak in a ta pa Jacob thupha pia, a ta pa
in anlim pen tawh gilvah sak masa hi, thupha a piak mi te un thupha
ngah tak pi hi. Hih thu tung tawn in pa te' man phatna i mu thei hi.
hih
tawh ki zui in Pa te in zong a ngaihsut huai thu khat om aa,
Paunak.11:29 " A innkuan sung a uk khial mite hawmsuak ding aa,
mihai te pen mipil te' sila asuak ding hi" na ci hi. Pa te' tung ah
zongtavuan lian pi om hi cih i phawk ding thupi dinghi. tu ni in ka
soi nop thu in ei te Pa' din mun i tun theihna Pasian khiang pan hong
paii Pa te' thupha i san na ahihi cih i phawk dinghka deihhi.Pa din
mun khat i tun theihna ding in i pianna i pa in gim na bangzah thuak
dingcih ki sim zo lo kha ding hi. Pa te in ta i neih khit ciang bek in
pate' hong it na ki tel zo pan hi. Ei te in i sung pan a piang i ta te
iit mah bangin i pianna i pa te in zong ei hong it hi.Neek awltaak
awlliang in, a duh ne ngam lo, a deih uh lei ngam lo in ei hong khual
nahang bek in aduh akial hun, a gim atawl hun , a sin kham , alung
khamhun, a mai zum hun uh ki sim zo lo ding hi.
Tu in pianna pa tawh a om lai te in i pian na i pa tei
it zah ding tel siam ni, a om nawn lo te ading in vantung i Pa in
tavuan hong la ding hi. Pa' mun ah a ding ei te in i tate tung ah i it
ding a ki lawm zah in it bawl in i it na lak ni. Laisiangtho sung
ah"a kimu thei a lei tung nu le pa a it zo lo te in a ki mu theilo a
Pasian it ingh a cih hangin a zuau ahihi" nacihi (IJohn 4:20). I
sungpan piang i ta te i it zah mah in i pian na i pa zong it zawh sawm
ni,tua in vantung i Pa siandeihna , lung kim na leh hong kalh thu
ahihi

1.Pasian in ama lim le mel sun in mi hing hong bawl a (Pian.1:27a) ama
sung aa om nuntakna hu hong muam hi (Pian.2:7b)

2.Nu te in a gilsung ah kha 9-10 sung hong paai a (Pian.18:10) , Pa te
in a lungtang sung ah
hongpaai hi(II Sam.18:33, Luke 15:20)

3. Nu te in i nuntak na ding a nawitui tawh hong vaak aa, Pa te in i
khantohna ding in thu leh la hong muam in, Vantung Pasian in hong
nungtasak- nuntakna hong pia hi.

4.Pa pawl khat in tate it dan siam lo na pi, a ta te un it siam veve se.

5. na pa in it dan hong siam kei zong in nanglam pan siam sawm le
cinki cing lel ei.

6. na pianna na nu le napa na it zahzah na ta te'n nanghong it kik
hileh na lung a kim ding in ki ging khol leng hoih pen. Na ta te in
nanghong it siam theih na ding han ciam in la, na ta te tung ahPa
khat na hih na khahsuah sawm ngeikei in.
tu kum hih bang hun man pha hong pia i biak Pasian in mai
kum 2011 PA te' ni hun zong cidam, ludam, lung nuam,sin nuam tak in
hong dawn sakkim ciat ta hen ci-in thupha hong paih ingh. "Topa
thutang hi ci-n a lah na ding in a mau te teekna pi in gahlailai uh
aa, tuikiuhkauh in hingsitset uh hi, a mah pen kei hong hopa hi aa,
ama sung ah thu man lohna om lo hi" (late 92:14-15).

Khazih sung ah,
Suan Lam Zam
Myanmar Institute of Theology
Seminary Hill, Insein,
Yangon