WC mah: Hilamte leh Hualamte

Posted by: "Hau Za Cin" suante2002@yahoo.com   suante2002

Thu Jul 1, 2010 10:15 pm (PDT)

WC mah: Hilamte leh Hualamte


"Lawm, kua leh kua kisui ahia?"
"Hilamte leh Hualamte hi e"
"Kua'n zo?"
 "Hilamte'n"

Hi sa ziau bilbel ing.

Tutung World Cup zong Hilamte leh Hualamte, lasiam JK Kam in a tuatsuk diudeu bangin tuatsuk leng eima upmawh ciat a zo ding hong kilang, kibawltawm thei, upmawh kinei thei hi. Alangkhat ah, Holland/Brazil/ Ghana/Uruguay om a, hualam ah Argentina/Germany/ Paraguay/ Spain om hi. Hilamte leh Hualamte a zo tuak final ah hong kisui ding uh hi a, kuateng hi takpi ding hiam cih pen Zomi te bek hilo leitung midang te in zong a upmawh uh a gen zuazua laitak ahi  hi.

Pele in bel Argentina leh Brazil final ah kimu kha ding ummawh pian ahih manin Argentina te a thu tawh nawkpian a, verbal war, ahih kei leh propaganda tawh nervous sak sawm, Zomi te tawh kimu ngei hi inteh hua Pele lemlaam maw.... "Maradona pen Coach gina hi kei, a nuntakdan siangtho kei, tua bang mite pen a naupangte in etteh lo uh hi," ciin media te mai ah gen tazen hi. Minthan kituh zong maw gimhuai teei ei. Pele pen om hithiat leh a minsia lo a, amah sanga Maradona a minthang zawk cianga "haza" sese den keei hiveh aw. Numei gilo lungsimsia bang a. Ahih kei leh Zozu leh Zuha tawh na kisawhkha ngei ahi tam maw. Ahih kei leh Piantit pai laiin Zomi Camp leh Brazil Camp kinai in kiho, kikhawl thei zel uh ci leng tua lai pan Brazil te in zong French te mah bangin "themkhat na ciahpih uh" a hi tam maw... Pele in Maradona haza, haza, HAZAAAAAA... ...
Â
Amau gel a kisuih uh ciang Brazil in zo ngeilo kici a (ooophs.... kei pawlte in zo ngeilo kici maw, tutung bel tuaci ken cia.....), tua manin a thei mahmah Pele te'n Argentina zawh theih dan ding a ngaihsun keei uh hi.
Â
Ahi zongin, hilam pan Brazil kah ding maw, Nederland kah ding maw, Ghana kah ding maw, Uruaguay kah ding cih kigen thei nailo a, tuzan taktak ciang bel akmasa khuan pan khuavak dong kinuai ngekngek ding uh a, a zo zawzaw Soccer City lam naih semsem ding uh hi. Hualam pan zong Argentina kah ding maw, Germany kah ding (pawlkhat in bel Germany kahzaw kha mai tam ci uh hi), Paraguay bel umveih, Spain zong Semi final bel a tungsa danin kikoih hi. Tua hi a, HILAMTE leh HUALAMTE ah kua geel hong kah tuak tam. A 3-na kituh pen bel hun beisakna leh FIFA te sumluakna, final kah zolote hehnepna leh final i ngak kawm a Vaimimpuak i cipcip bang hilel hi. Tua manin Semi Final ah lelh pen a huut theipi nek tawh kibanga, kawltu teepsa teepkik tawh kibang lel hi.
Â
Ballack omloh pen germany adingin thupha hizaw ciin 1990 kuma champion captain Lothar Mattheaus in gen ziau hi. Amah ka thupi simlohna hi kei, amah om leh a naute in zahtak lua uh ahih manin suakta kisalo ding uh a, amah a omloh ciang naupang te in suakta takin amau bawhlung sui thei hi ci hi. Nungak i hel ciang i ute, i pate cih khawng hong lutvat ciang i om dan ding themkhat a lemloh tawh kibang cihna hi a, Ballack a om loh ciang tua i ute, i paneute, nungak helna pan paulap kilawm khat zong kik a hong ciahsan uh tawh kibang cihna hi.... eh hem, hmmm.....
Â
Leitung pen multicultural society hong suak deuhdeuh in gamkhat bawhlung sui lakah zong gammi khat hi napi minam khat hong hinawn mello hi. French team ah Algeria mi Zidane om, German team ah Ghana mi Boateng om, Portugal team ah Brasil mi Liedson om, Japan team ah Brazil mi Alex om cih bang in.... Tua pen Zomi te'n namdang tawh kiten i lim zat panpan tawh kibang a, i makpa te nopni dahni a zat theihloh, sungh leh mak kikal zong a thei mello, Zomi te zat dan leh a khiatna zong a theilo i tam hiaihiai tawh kibang lel hi. Zogam khuapi i cih Lamka ah zong Kawl, Sen, Kala, Vai, Gorkha, kahbia (tua bel hi kei ei, hi veve hia le) tampi hong teeng ta a, Zomi bek hinawnlo hi (amau cihna ah Zomi zong nam tampi tengkhawm hizaw lai ei). Tua mah bangin Zomi te zong migam ah teeng in, mi gammi (naturalize citizen) kisuak toto a, sak leh khang sim leh mal, tuilu tuitaw ah.... tua manin bawhlung suih i cih zong minam min hinawn lo in gam min bek tawh kidemna hong
suakta a, World Cup cih zong minam tuamtuam kimuhkhopna hilel ta hi. Tua manin Zomi te in zong i bawhlung siam te WC ah i suihsak ding hita hi.
Theivo... Zomi World Cup Founder te, Zomi bawhlung sai khempeuh in....
Â
Â
Nigeria te in amau football khansak sem na dingin agam bawhlung kipawlna kum 2 sung a phiat laitak un, FIFA in bel tua gamte bawhlung suihsak sawm khollo kha ding hi. Fifa rules tawh kituak in. Tua pen Zomi te pil hunta ci a i kikoko kawma ZONET khawngah i haina teng pholak dinga mi i koko, i kinialnial, mi degree leh position khawng peuh i zahpih, i simmawh, i hazat bawl tawh hong kibang pian hi. Bawhlung khangto sak ding ciin bawhlung suih ding phallo!! Ekhhh... Zomi leh Nigeria te a kilawmta khawng om kha phial i hiam...
Â
Hilam pawl pan Brazil pen Final kah sawm lua uh ahih manin amau khuapi mualtunga "Christ the Redeemer" pen zong a za nuhpha in, yellow and green (naipak leh eng), meivak hoih tak kapsak uh hi. Amau upna ah Christ in redeemed ding uh hi cih um uh hihtuak hi. Amau gam pen i theihsa ciat bangin a nungta Pasian thei gam hi. Zogam tawh kibang cihna hi.
Â
Liverpool manager thak ding Roy Hodgson kikoihta a, England Manager Capello zong kikheklo kha ding hi.
Â
Amau gam WC team ah a siam 11 kitelna ah a ngah ngeilo Cesc Fabregas zong Barcelona ah tailo in Arsenal mahah vaithaam lai phot ding hih tuak. Thierry Henry zong Barcelona pan MLS lamah kisuan ding hihtuaks...
Â
Dutch nungak melhoih 35 te "beer zuak" ci-a kimawhsak, nih kiman, kikhahkik ta. WC Trophy replicas 7 a kigute kimukik nailo, tungman sial bawl siam i om hiam, WC replica ding a bawlsak pak thei i om diam?
Â
French president Sarkozy in Henry ama office ah a sap pen mi pawlkhat in guillotine lam ah kipuaksuak ding sa ci!
Â
Â
Quarter Finals Kisui Dingte:
Â
Â
Bawhlung pawi 8 bek omta a, khat pen a khiatna omlo 3-na kituh hi a, pawi 7 bek omta cihna hi. Tuni leh zingciang i et ding pawi 4 te nai et deuh ni. A vek un a muhnop vive ding hita a, (U Suanpi adingin zong Korea leh Japan a om nawnloh hang, kei adingin zong USA leh England a om nawnloh hang..he he..), amau kimawl zia ding themkhat en pak ni. Zanhak theih nadinga coffee leh niangtui na tam dawnluat mana na lutangna khempeuh zong vuvu-ze-las ging na zak ciangin na khanglo vatvat lel ding hi... so keep awake.
Â
Â
Uruguay v Ghana
Â
La Celestia team te in Ghana te a dung a vai ah khem ziahziah in, suktai totai pih ziahziah ding a ahi zongin Forlan in a khum khelh zel manin mipi lungkia dimdem man ding uh hi. Tamvei kung kap lua mahmah uh ahih manin a phelen khat leh nih khawng kungsungah lut kha mah vem. Ahi zongin ghana in hehpan ding uh a, haksa lo in kung nih khum kik ziau ding uh hi. Extra time ah Suarez in penalty tawh kungkhat khum in cin Ghana 3-2 Uruguay in hat inteh. Tua ciang Pele leh Sepp Blatter in "Ghana champion ding hi" ci ding uh a, Diego Forlan in bel kung a kap 200 vei a khelh zen pen pawisa in a gei khat ah khitui na nul hiauhiau ding hi. 
Â
Â
Brazil v Holland
Â
A siam belbel nih kisu ding a hih manin muhnop in kikhem ziahziah ding uh a, ahi zongin Zomi te kikhem bang bel hilo ding hi, amau a pen bawhlung kimawlna hi a, sum leh pai thu leh la lamsang hilo hi. Kung kah lo in kungvang hu (defensive) lua uh ahih manin kunglangkhat a tun ciang a langkhat hong kilehkik pah a, minit 40 a cin mateng kuamah in kungkap nai vetlo uh hi. Kung kikhek ma in Van Persie in Sneider piak taipih suak in kung khat hong khum vat dinga, tua tawh kung kilaih hun hong cing ding hi.
Â
Kung kilaih khit ciang Samba Kings te hog kipan dinga, Kaka leh Louis Fabiano te hong kipia ziahziah dinga, a gei khat ah Robinho naungek bangin a khutpi na muammuam lai ding hi. Nawhsa in Brazil in kung 2 hong khum ding uh a, tua khit ciang khutpi muam Robinho in Cristiano Ronaldo demsawm in bawhlung a vei leh tak ah hong kaan zialzial dinga, a kimawlpih sungin hun hong bei dinga, Oranje team te sekkhum/lingmo kia mah bangin tualpi sungah lum phengphang ding uh hi.
Â
Â
Argentina v Germany
Â
Maradona in, "ko hun in zong kuamah in ka taina ding uh hong hilh lo, no zong na ut na peuh vuah tai lel un" ci dinga, a naupangte amau utna lam tek ah tai in 'self style tactics' zang lel ding uh hi. Kung khatvei zong akikap ma in Messi khe 3 vei kisuihsak khin ding a, mi 3 in yellow card ngah in, a khe hehpihhuai mahmah ding hi. German captain Lahm in "Argentina te pen hehsak ding olno hi" ci lemlam ahih manin tua hanciam ding uh a, ahi zongin hehsak zolo in lehthuak ding uh hi. Mi 2 red card a ngah khit uh ciang Argentina in khuai pak bawm bangin bawm ding uh a, a ut ut un khum ta lel ding uh hi. Tua ciang Der Kaiser Beckenbauer in, "Phitmutpa in red card tam zatlua" ciin media te mai ah gen dinga, England te in, "he could be right" na ci Amen damdam ding uh hi.
Â
Goal 4-0 in Argentina a gualzawh khit ciang Maradona in press te kiangah, "Ka suih ma vua ka zawh ding uh a umlo tengin ka langlamte tawh na khut uh na liakliak khawm un" ci dinga, dotna dangte dawng nawnlo in Zomi pasal heh mahmah bangin kihei vutvut ding hi.
Â
Â
Spain v Paraguay
Â
Spanish armada te in tualpi langkhat ciangah kimawlpih ding uh a, Paraguay te in amau lam bek ah kimawl zawzen ciin phitmutpa kiangah kung kilaih ding ciangin thupuak ding uh hi (complain). Ahi zongin Phitmutpa in zong a cihna ding thei tuanlo ding ahih  manin, "kung langkhat bek ah kisuih theihloh ding cih FIFA rules ah om tuanlo hi," ciin FIFA officials te a dotna leh rules book a etna pan a muhte kipatkik ma in gen ding hi. Armada te amau leh amau kipia ding uh a, muhnop lua, siamlua mahmah ding uh a, tua kawmkawm in gualzawhna dingin kung khum kul hi cih nangawn mangngilh ding uh hi.
Â
Alonso, Iniesta leh Xavi te Paraguay te penalty box kiim ah 1000-vei bang a kipiakpiak khit uh ciangin a gei ah muhnop sa lua, amah zong bawhlung suite lakah kihel hi cih lam theilo in naupang mawl bangin Fernando Torres in na en ciuciau ding hi. Xavi in kung kap a sawm leh Paraguay te khat in na dal kha ahih manin amau teng kipass tulkhat vei pen a bul a pat kik uh hong kul ding hi.
Â
Hun bei ma deuh in Paraguay te in zong bawhlung khatvei tangkha ding uh a, tua ciang Santa Cruz in kungmai ah taipih in, Puyol leh Pique a nawkphei kawm in amah leh amah amai kibeng in tuksuk dinga, phitmutpa in mucian lo ahih manin Puyol leh Pique anih un Red Card pia dinga, Oscar Cardozo in penalty sui in khum ding hi. A kipat kik laitak un hun bei dinga, FIFA WC sungah a lamdang gualzawhna kimu dinga, lamdang a sa leh a um theilo mi kikimlo ding hi.
Â
Â
Â
Hau Za Cin
Phuitong Liim
www.hauzacin. blogspot. com



Science: Condom too big for Indians


Theihsa bangin India pen leitungah a milip a simin AIDS tam nei pen gam ahi hi. Kineihsak huai hetlo hauhna ahi hi. Ahang a kan uh ciangin cidamna lam a sai pawl Indian council of Medical Research (ICMR) in a theihna ah International size in a kibawl "a tuamna" (condom) pen India pasalte adingin lianlua, saulua hi ci uh hi. International standard sangin India pasalte zxng pen centimeter 3 pan 5 kikal in tomzaw a, tua manin a zat uh ciang kikek, kitam, kidokkhia, bua khia cih bangin om hi ci hi. Tua manin AIDS pen India ah khang mahmah a, ICMR in zong a cihna ding thei tuanlo in "a neuzaw, a tomzaw, a hoihbek ding" bawlsak ci hi. Mihing a etsak, a teh ngiatngiat uh pen 60% zxng tua zah in tomzaw, neuzaw ci lian uh hi.

ICMR ah research hih Dr. Chander Puri in a genna ah, "India adingin a mun, a mi, amau tawh kituak ding condom bawlsak kisam hi" ci hi. India dung leh vang ah mihing 1200 zxng a tehsakna vuah -- minam tuam, biakna tuam, khuapi omte, khuata omte -- a size kibanglo hi ci. Tua manin amau mun leh khua ading ciat a tuamin bawlsak kisam hi ci hi. [Khantohna zia leh nek leh dawn kibang nailo man ahi tam maw?]

Kum 2 sung tawntung India dung leh vai ah a kikan hih thu pen a muhkhiat uh lamdang mahmah ahih manin amau ading a special in kibawlsak ta hi kici hi. India mite pen a tamzaw zatui zuakna ah pai in, "a tomzaw hong pia in" ciin ngen ngamlo ding, gen ngamlo ding uh ahih manin mun khat ah a size tuamtuam kikoihna om henla, a deihte in amau deih nambat pan mek khia ziau in zang leh cih kuppihna zong om hi. Tua hi leh India ah AIDS natna kiam tuam ding hi ci uh hi.

Mipil khat in bel, a size tawh kisai kei, koi ah zang, bangci zat cih kisam zaw hi, ci hi. A size a hoihbek zongin a kizatna mun a dik kei leh phatuam tuanlo ding hi, ci hi.

Science i cih zong tua bang hi zanzan ei, guai.


Hau Za Cin
Phuitong Liim
www.hauzacin. blogspot. com