Wednesday, February 21, 2007

Ka khan khiatna Murlen

Kua mah peuh in i pianna khua pen ki-it ciat dingin ka um hi. I khua ci a i gen den pen i pianna khua na hi khin sam lo hi. I nu leh pa pianna khua zong hi tuan lo thei hi. I lungsim ah i ngaihsutna ah hong kidiah den, i mangngilh theih loh mun i na teenna khua pen ki-it diak in kingai diak se hi. Tua mah bangin hih Blog neipa zong a pianna khua pen Bualkot Village, Singat Dist, Manipur State, India ahih tei hangin, Murlen khua pen Lungpizawl mual ci a zong ana kilo ngei khat pen ama teenna khua in ngaihsun hi.
Hih khua ah laisimin sangkah kipan a. Ama adingin nuntakna kipatna khua, a nu, api leh pu, in a lu phumna khua hi a. It in ngai mahmah hi. Hih khua panin lai tan 7 tan a sim khit teh, Champhai ah tan 10 zo a, tua khit in Shillong ah tan 12 sim hi. Tua mun panin Indian Air Force ah kum 1997 in Airmen(Non tech) sepna ngah hi. Zi pen 2004 kumin nei a, tapa khat ni 27 Sep 2005 in nei hi.
Kimawl lunglut mahmah khat hi a. Indian Air Force a lut nungin zong Foot Ball kimawl khong, Volley kimawl khong, Badminton khong, Chess khong kimawl to zel a. A lunglut deuh diak Foot Ball sui dingin India gam mun tuamtuam Trivandrum, Kolkata, New Delhi, Chandhigarh va pha ngei zo hi.
Lungdam hi.