Posted by: "Hau Za Cin" suante2002@yahoo.com suante2002
Sat May 15, 2010 9:06 pm (PDT)
Nupa Kiten Kum 5 Cin Lungdamkohna
Amau adingin ‘April Fool’ hilo in ‘April Full’ ahi hi. A kiten ni uh April ni khat hi a, Pasian nasep a kipat ni zong April ni khat ni mah ahih manin ‘April fool’ hilo in, ‘April Full’ ahi hi.
Piahtana om hetlo in Sia Rev. Job Thawngno leh a angkawi ngaihno Sianu Ruth Ngaih Cing tawh Kawlpi ah ka kimuh tak ciangin amah a thei, a siam, a bel, a kin, a lunglut, a hanciam leh a khangtosak nuam den pa in laibu honkhat tawh hong vaidawn pah a, “Lai ukte bel lai mah tawh kiho leng nuam hi,” ciin laibu hoih mahmah nih hong pia pah hi (hong letsong pah hi). Kei zong lamen lo lua, lungdam angtang si, cihna ding mel theilo, lungsim ah ka pano Rev. Khup Za Go hong kilang veva kawm in, “Lungdam,” ciin ka sangpah giap hi. Laigelhna tungtawna hong deihsak hi kei leh kei naupangno leltak hih banga pahtawi taak ka hi kei hi.
A khatzaw pen ‘theisak nuam mahmah di in hilhlo di’ a cih bang un gen nai kei ni in, a kawm ah nupa melhoih mahmah maan a kisuanna laibu thu tawm gen ni.
“NUPA KITEN KUM 5 CIN LUNGDAMKOHNA (1-4-2004 – 1-4-2009) by Job & Ruth, Tahan” kici laibu tuamna kawm pua lamah amau Sia Thawngno te nupa maan hoih sitset kisuanga, melhoih in maitai uh a, nupa sangin ‘unau’ bangzaw uh hi. Amau gel bek limlang sungah kidawk bangin kimu a, pak leh singteh hing dipdep in umcih a, nuntak gimnam in vang nei mahmah hi.
A tuamna kawm phensuk leng laidal masa pen ah khut tawh akigelh tawm, “Rev. Job Thawngno, 24-3-2009 to Dr. Hau Za Cin & Cingpi, 19-4-2010” na om a, a kibawlni leh laibu bawlpa in a letsong piakna ciamtehna hi. A laimai nihna phensuk leuleu leng lungtang lim tawh a kibawl ‘heart shape’ sungah Thuhilhna 9:9, “Pasian in hih leitungah nang hong a hong piak tomkha sung na nuntak laiteng na it na zi tawh a nuam theithei in om in. Leitung lungkhamna sungah na lawhtak tua bek mah hi kha ding hi,” cih kigelh hi.
Hih laibu sungah Sia Rev. Job Thawngno in a zi neih ding lai pan a zi neih, a mopawi, letphuai kipiate, thu ngetsakte, lungdampihna laikhak leh thu kigente, la leh kammal kiphuahte, etc. cih bangin - a tom in kiteenzia teng - a kicing in khum hi. Laimai 82 pha hi. A bel mahmah a kilatna pen amau nupa profile a koihna pan hi. A blood group uh kibanga (B group), a pawlpi uh kibangin (Tahang Tuiphum Pawlpi), unau nungta lai 4 tuak pha a, a tenna inn min uh Vandaitui leh Vandaingo tuak ahi hi. A kum uh zong nupa dinga hoih lian in kihal hi.
A laibu sung thu a kigalmuh theihna dingin THU MASA hih bangin gelh hi.
THU MASA
“Nupa suah kum 5 cin ciapteh nangin kiteenzia teng laibuno khat kong suah uh hi. Pawlkhat adingin gentham lo hita leh cidamte kiteen banga kiteenglo ka hih manun Topa tung lungdam luatna hi.
Lai Siangtho sang ka man tungin kum 24 pha ta ka hih manin zi a nei theita ka hi hi. Ahi zongin sangkah bek in pilna zon sawm ka hih manin zi neih ding ka ngaihsun nai kei hi. Sangkah nading dawp in kah thei ding ka hih laitak 1988 October 17 niin pumlang zawt na natna ngah mawk ka hih manin ngimna tupna khempeuh kipelh khin in, “misite lak ah mihing, mihing te lakah misi” ka hita hi.
Hi bang dinmun ka tun khitteh zi neih ding cih peuhmah ka ngaihsun ngei non kei hi. Ahi zongin Pasian mai en in, hong hehpih pawlkhat in “hong kem nuam” cih zong ka thei a, kua mah ka sang ngam kei hi. Pasian mizat pawlkhatte deihsak lainat thungetsakna hangin zi nei ding dinmun ka tun ciangin Late 118:23 “Hih pen Topa nasep hi a, eite mit ah lamdang hi,” cih leh Pian 24:50 … Hih thu pen Topa kiang pan in hong pai thu ahi hi,” cih ka phawk hi.
Zi ka neih bilbel ciangin ka kisik mahmah khat om a, a nei ding veve nei baih zaw leng… ka ci hi. Bang hang hiam cih leh ka zi neih in:-
(a). Kum 40 ka cing hi.
(b). Pasian nasep kum 18 cing hi.
(c). Damloh kum 15 leh a lang cing hi.
(d). Ordained ngah kum 5 cing hi.
Tu a sangin nei baih zaw leng Pasian nasepna, lai nasepna, kidon kikepna akipan na khempeuh kimasotzaw tham ding hi. Tua manin a nei ding veve… ka cihna ahi hi.
A kilawmlo a om khak leh hong maisak unla, ciin theihte hong ciinsak ciatta un. Pa Sawmpu te innkuan panpihna tawh laibu a kibawlzo suak hi. Lungdam.
Rev. Job Nang Khaw Thawng
March 2009
Bu 300”
Thu Masa zawh ciangin “Rev. C. Tuang Khan Kap in thungetna ah hel ngiau” ciin thulu vawh a, April 6, 1996 nitak nai 4:00 P.M. hun a thungetna tawh Siapa zi neih ding a apna thu gelh hi. … Ka minam lak uh panin Topa nasep lian a sem ding leh Topa gam zaina dingin numei khat hong pia in… Rev. Dr. J.M. Ngul Khan Pau in zi nei dinga a hanthotna thu, Rev. Dr. S. Pau Khan En in kikhamkholhna thunget a neihsakna thu, Siapa mahmah in Sianu Ruth pen “Pasal nei in” ciin a sawlsawl hang a sawlzawhloh thu leh Mrs. Ngobawk in a kikuppih, a kisam khempeuh a vaanpih ut thu a kuppihna te ban ah Sungh leh Pute tungah Siapa mahmah in ava kut ngiatna thu; Rev. Khoi Lam Thang te nupa tawh ankuang umkhopna cihte kigelhto diudeu hi. Kicing takin a banban in kizomto a, a bu sung sim leng khatvei leh hong kapsak, khatvei leh hong nuisak, khatvei leh hong ngaihsunsak, khatvei leh hong khuangaisak hi.
Sapna Lai laimai 8 pha tul khat bawl a, maan 800 bawl in Sapna Lai tawh thuah khawmpah hi. Dotna tuamtuam Job leh Ruth dawnna te kituangsak a, Mopawi hunzatzia ding a kimtaka kigelsa tuangsak ban ah, amau nihgel profile tomkim zong tuangpah hi.
Mopawi ma zan in Aksa ciim huan uh “ci allua pian” ahi tam maw pawlkhat in, “Lim al ngel in, na ci uh koi lai ah na lei uh hiam?” ciin a kidong hih tuak a, “Christian te ci banga al ding hong kici a, a al ding pen Topa deihna hizaw” ciin a cihmawh gen ding theilo kidawnna thu khawng uh i sim kha hi. Nasemte hih khialh pen inntekte tungah tu lian ahih manin “Zawng thuak ding Ngau in thalput lawh” cih hong piang mawk hi. Mipi in theihding bel hih bang hun ciangin mi in hamsapi, deihsakna tak tawh a bawl uh pen ei phun, ei kamtam ding a kilawmlo hun hi cih theih ding hi. Anhuante hihkhialh pen inntekte’n theilua khin, kisuangtak lua khin ding ahih manin ibehlapsak hetloh ding pilvai zaw hi.
Mopawi ci-a gan go lo lawmlawm ci-a akimawhsak thu; a zi ding naupai hi vak, tua mana kitenna bawlsawm hi unteh ci-a kigen kheukho thu, mopawi a tuamdiakna thu, mopawi lungdampih letphuai pia inn 600 val a phakna thu, sum leh pai bei khempeuh a kigelh te, leh a tuamtuam tampi kigelh hi. Hibanga bel sazian kiciamteh ka mu nai kei hi.
Lungdampihna laikhak tuamtuam Rev. Khoi Lam Thang, Singapore pan; Rev. Thawng Khua Kai, England pan; Rev. J.M. Ngul Khan Pau, India pan; Rev. Dr. Simon Pau Khan En, USA pan; Rev. Khup Za Go, India pan; Upa Vial Khan Do, Phillipines pan; leh Tedim pan; Gamlai pan; Tahan pan; Zangkong pan; leh khua tuamtuam pan hong kikhakte kituangsak hi. Lungdampihna leh pahtawina in laihawm pawlkhat ah a kisuaksakte zong kituangsak hi.
Hihzaha kicinga kiciamtehna mopawi zatna laibu ka sim kha ngei kei hi.
Topa in kum 5 pan kum 25, kum 50, kum 75 cinna te zong a zo khawm dingin Siate nupa thupha pia in a khan uh sausak ta hen.
A lungdampih leh a laibu keptaak a sa ngiat,
Hau Za Cin
Phuitong Liim
Amau adingin ‘April Fool’ hilo in ‘April Full’ ahi hi. A kiten ni uh April ni khat hi a, Pasian nasep a kipat ni zong April ni khat ni mah ahih manin ‘April fool’ hilo in, ‘April Full’ ahi hi.
Piahtana om hetlo in Sia Rev. Job Thawngno leh a angkawi ngaihno Sianu Ruth Ngaih Cing tawh Kawlpi ah ka kimuh tak ciangin amah a thei, a siam, a bel, a kin, a lunglut, a hanciam leh a khangtosak nuam den pa in laibu honkhat tawh hong vaidawn pah a, “Lai ukte bel lai mah tawh kiho leng nuam hi,” ciin laibu hoih mahmah nih hong pia pah hi (hong letsong pah hi). Kei zong lamen lo lua, lungdam angtang si, cihna ding mel theilo, lungsim ah ka pano Rev. Khup Za Go hong kilang veva kawm in, “Lungdam,” ciin ka sangpah giap hi. Laigelhna tungtawna hong deihsak hi kei leh kei naupangno leltak hih banga pahtawi taak ka hi kei hi.
A khatzaw pen ‘theisak nuam mahmah di in hilhlo di’ a cih bang un gen nai kei ni in, a kawm ah nupa melhoih mahmah maan a kisuanna laibu thu tawm gen ni.
“NUPA KITEN KUM 5 CIN LUNGDAMKOHNA (1-4-2004 – 1-4-2009) by Job & Ruth, Tahan” kici laibu tuamna kawm pua lamah amau Sia Thawngno te nupa maan hoih sitset kisuanga, melhoih in maitai uh a, nupa sangin ‘unau’ bangzaw uh hi. Amau gel bek limlang sungah kidawk bangin kimu a, pak leh singteh hing dipdep in umcih a, nuntak gimnam in vang nei mahmah hi.
A tuamna kawm phensuk leng laidal masa pen ah khut tawh akigelh tawm, “Rev. Job Thawngno, 24-3-2009 to Dr. Hau Za Cin & Cingpi, 19-4-2010” na om a, a kibawlni leh laibu bawlpa in a letsong piakna ciamtehna hi. A laimai nihna phensuk leuleu leng lungtang lim tawh a kibawl ‘heart shape’ sungah Thuhilhna 9:9, “Pasian in hih leitungah nang hong a hong piak tomkha sung na nuntak laiteng na it na zi tawh a nuam theithei in om in. Leitung lungkhamna sungah na lawhtak tua bek mah hi kha ding hi,” cih kigelh hi.
Hih laibu sungah Sia Rev. Job Thawngno in a zi neih ding lai pan a zi neih, a mopawi, letphuai kipiate, thu ngetsakte, lungdampihna laikhak leh thu kigente, la leh kammal kiphuahte, etc. cih bangin - a tom in kiteenzia teng - a kicing in khum hi. Laimai 82 pha hi. A bel mahmah a kilatna pen amau nupa profile a koihna pan hi. A blood group uh kibanga (B group), a pawlpi uh kibangin (Tahang Tuiphum Pawlpi), unau nungta lai 4 tuak pha a, a tenna inn min uh Vandaitui leh Vandaingo tuak ahi hi. A kum uh zong nupa dinga hoih lian in kihal hi.
A laibu sung thu a kigalmuh theihna dingin THU MASA hih bangin gelh hi.
THU MASA
“Nupa suah kum 5 cin ciapteh nangin kiteenzia teng laibuno khat kong suah uh hi. Pawlkhat adingin gentham lo hita leh cidamte kiteen banga kiteenglo ka hih manun Topa tung lungdam luatna hi.
Lai Siangtho sang ka man tungin kum 24 pha ta ka hih manin zi a nei theita ka hi hi. Ahi zongin sangkah bek in pilna zon sawm ka hih manin zi neih ding ka ngaihsun nai kei hi. Sangkah nading dawp in kah thei ding ka hih laitak 1988 October 17 niin pumlang zawt na natna ngah mawk ka hih manin ngimna tupna khempeuh kipelh khin in, “misite lak ah mihing, mihing te lakah misi” ka hita hi.
Hi bang dinmun ka tun khitteh zi neih ding cih peuhmah ka ngaihsun ngei non kei hi. Ahi zongin Pasian mai en in, hong hehpih pawlkhat in “hong kem nuam” cih zong ka thei a, kua mah ka sang ngam kei hi. Pasian mizat pawlkhatte deihsak lainat thungetsakna hangin zi nei ding dinmun ka tun ciangin Late 118:23 “Hih pen Topa nasep hi a, eite mit ah lamdang hi,” cih leh Pian 24:50 … Hih thu pen Topa kiang pan in hong pai thu ahi hi,” cih ka phawk hi.
Zi ka neih bilbel ciangin ka kisik mahmah khat om a, a nei ding veve nei baih zaw leng… ka ci hi. Bang hang hiam cih leh ka zi neih in:-
(a). Kum 40 ka cing hi.
(b). Pasian nasep kum 18 cing hi.
(c). Damloh kum 15 leh a lang cing hi.
(d). Ordained ngah kum 5 cing hi.
Tu a sangin nei baih zaw leng Pasian nasepna, lai nasepna, kidon kikepna akipan na khempeuh kimasotzaw tham ding hi. Tua manin a nei ding veve… ka cihna ahi hi.
A kilawmlo a om khak leh hong maisak unla, ciin theihte hong ciinsak ciatta un. Pa Sawmpu te innkuan panpihna tawh laibu a kibawlzo suak hi. Lungdam.
Rev. Job Nang Khaw Thawng
March 2009
Bu 300”
Thu Masa zawh ciangin “Rev. C. Tuang Khan Kap in thungetna ah hel ngiau” ciin thulu vawh a, April 6, 1996 nitak nai 4:00 P.M. hun a thungetna tawh Siapa zi neih ding a apna thu gelh hi. … Ka minam lak uh panin Topa nasep lian a sem ding leh Topa gam zaina dingin numei khat hong pia in… Rev. Dr. J.M. Ngul Khan Pau in zi nei dinga a hanthotna thu, Rev. Dr. S. Pau Khan En in kikhamkholhna thunget a neihsakna thu, Siapa mahmah in Sianu Ruth pen “Pasal nei in” ciin a sawlsawl hang a sawlzawhloh thu leh Mrs. Ngobawk in a kikuppih, a kisam khempeuh a vaanpih ut thu a kuppihna te ban ah Sungh leh Pute tungah Siapa mahmah in ava kut ngiatna thu; Rev. Khoi Lam Thang te nupa tawh ankuang umkhopna cihte kigelhto diudeu hi. Kicing takin a banban in kizomto a, a bu sung sim leng khatvei leh hong kapsak, khatvei leh hong nuisak, khatvei leh hong ngaihsunsak, khatvei leh hong khuangaisak hi.
Sapna Lai laimai 8 pha tul khat bawl a, maan 800 bawl in Sapna Lai tawh thuah khawmpah hi. Dotna tuamtuam Job leh Ruth dawnna te kituangsak a, Mopawi hunzatzia ding a kimtaka kigelsa tuangsak ban ah, amau nihgel profile tomkim zong tuangpah hi.
Mopawi ma zan in Aksa ciim huan uh “ci allua pian” ahi tam maw pawlkhat in, “Lim al ngel in, na ci uh koi lai ah na lei uh hiam?” ciin a kidong hih tuak a, “Christian te ci banga al ding hong kici a, a al ding pen Topa deihna hizaw” ciin a cihmawh gen ding theilo kidawnna thu khawng uh i sim kha hi. Nasemte hih khialh pen inntekte tungah tu lian ahih manin “Zawng thuak ding Ngau in thalput lawh” cih hong piang mawk hi. Mipi in theihding bel hih bang hun ciangin mi in hamsapi, deihsakna tak tawh a bawl uh pen ei phun, ei kamtam ding a kilawmlo hun hi cih theih ding hi. Anhuante hihkhialh pen inntekte’n theilua khin, kisuangtak lua khin ding ahih manin ibehlapsak hetloh ding pilvai zaw hi.
Mopawi ci-a gan go lo lawmlawm ci-a akimawhsak thu; a zi ding naupai hi vak, tua mana kitenna bawlsawm hi unteh ci-a kigen kheukho thu, mopawi a tuamdiakna thu, mopawi lungdampih letphuai pia inn 600 val a phakna thu, sum leh pai bei khempeuh a kigelh te, leh a tuamtuam tampi kigelh hi. Hibanga bel sazian kiciamteh ka mu nai kei hi.
Lungdampihna laikhak tuamtuam Rev. Khoi Lam Thang, Singapore pan; Rev. Thawng Khua Kai, England pan; Rev. J.M. Ngul Khan Pau, India pan; Rev. Dr. Simon Pau Khan En, USA pan; Rev. Khup Za Go, India pan; Upa Vial Khan Do, Phillipines pan; leh Tedim pan; Gamlai pan; Tahan pan; Zangkong pan; leh khua tuamtuam pan hong kikhakte kituangsak hi. Lungdampihna leh pahtawina in laihawm pawlkhat ah a kisuaksakte zong kituangsak hi.
Hihzaha kicinga kiciamtehna mopawi zatna laibu ka sim kha ngei kei hi.
Topa in kum 5 pan kum 25, kum 50, kum 75 cinna te zong a zo khawm dingin Siate nupa thupha pia in a khan uh sausak ta hen.
A lungdampih leh a laibu keptaak a sa ngiat,
Hau Za Cin
Phuitong Liim
No comments:
Post a Comment