Posted by: "Hau Za Cin" suante2002@yahoo.com suante2002
Tue Aug 24, 2010 3:29 am (PDT)
Winner leh Champion
"Winner leh Champion kilamdanna pen - winner hidingin zawhna khau khun pel masa pen hih kul bek a, champion hi dingin zawhna khau khun khenlam ah pelh ding tampi omlai hi. Na gamtat luhek leh na pumpi kikepzawhna te ah mite etteh na hih ding kisam hi." - Mr. Jacques Rogge, President, International Olympic Committee
Leitung pianzawh a khatveina Youth Olympic Games (YOG) honna Marina Bay Floating Platform, Singapore ah International Olympic Committee Mr. Jacques Rogge in a thugenna in lungsim hong lawng mahmah hi. August 14-26, 2010 sung 1st YOG kici Singapore ah kidemna nam 26 tawh kidem ding National Olympic Committees 205 pan kum 14 pan 18 kikal mi 3600 pha a, a en bekbek mihing 370,000 pha hi. Hih YOG kipatna ah Singapore President, Prime Minister ban ah FIFA President leh kumpi ulian tampi gam tuamtuam pan kihel hi. Openning ceremony a neihna uh tau kidawh pen tuipi tung hi a, tui tungah a kilam, tui-i-lap (floating) ahi hi. Unique!
Hih hun ah IOC President Mr. Rogge in khangno kum 14 pan 18 kikalte kidemna bek hilo pumpi ki ukzawhna, lungsim siangtho tawh nuntakna, gamtat hoih leh i tenna leitung hoihna ding leh khantohna dingte mangngilhlo ding leh YOG deihna in gualzawhna bek hilo in kilawmtatna, kikholhsiamna, leh kimeltheihna te a thupina thei semsem ding in gen hi. Tua ahih manin khangnote aw, 'Winner leh Champion' a kilamdanna hih YOG gam pan thei ding hi uh teh, a ci nuam ahi hi. Olympic ah winner pawlkhat champion hilo a cihnopna zong ahi tam maw. Olympic medalist pawlkhat pen a gamtat vuah olympic deihna laklo sa hikha ding hi. Olympic motto Latin pau in: "Citius, Altius, Fortius" hi a, English in, "Swifter, Higher, Stronger," hi. Pau dangin zong a khiatna om kha ding hi.
Kidemna tuamtuam tawh i nuntakna bawlhoih ding, nuntak sung tomno ahih manin Kinzaw a nasem ding, a Sangzaw ngim ding, Hatzaw a mainawt ding ci nuam uh hi. Tua ahih leh i nuntak sungin kinzaw in i kalsuan hiam? Khe tawh lampai tawm deuhdeuh, vanzat sakol, mawtaw, vanleng, tembaw, gunkuang, rocket, etc tawh kipai kilengta, nidang sang vai khatpeuh manlangzaw, kinzaw ta hi. Tua bang ahihna dingin mi khempeuh in kidemna siangtho tawh kidem in i nuntak nuamsak ding thungaihsun mipilte ngimna ahi hi. Siamna, pilna themkhat pan a sangzaw ah kahto a siamnel ding, thei dikdek ding; leh manlang tak, hattak, ziakailo a sem dingin leitung mi khempeuh hong hanthawn hi. Leitung nanga bek hilo a, keia bek zong hilo a, i neihkhop, i zatkhop, i kikop ahih manin zeeksiamna kisam mahmah a, sia khin leh a thuak ding midang hilo in nang leh kei ihi hi. Tua manin Olympic Motto in mihing khempeuh hong hanthawn a, leitung motto sung pan a kilim zat pen, a kilim ciin pen
hiding hi. IOC bek hilo in tu in YOG ah zong tua in hong hanthawn in i tavuan, duty, responsibility hong phawksak kikkik hi.
Khangnote pen zingcianga makai dingte ahih manin hoihtaka pattah ding a kisam hi. A neulai pan a hoih a kilawma pattah ding ahi hi. Ngaihsutna kilekkimlo leh guptuam paihtuam nei dinga pattah loh ding ahi hi. Thudik, thuman hilh ding hi a, thutak leh thuman gum dingin pattah ding ahi hi. Kiphatsakna, kiliatsakna, duhhop huaihamna leh angsung theihna te tawh kipelhsak ding hi a; mihing gina suahna dingin a kilawm a hoih gamtat sinsak ding ahi hi. Tua hileh koikoi ah om le uh khangnote mite adingin mi phatuam, leitung vantung ading mi phatuam, nang leh kei ading nuntak manpha a nei mi ahi ding uh hi.
Hau Za Cin
"Winner leh Champion kilamdanna pen - winner hidingin zawhna khau khun pel masa pen hih kul bek a, champion hi dingin zawhna khau khun khenlam ah pelh ding tampi omlai hi. Na gamtat luhek leh na pumpi kikepzawhna te ah mite etteh na hih ding kisam hi." - Mr. Jacques Rogge, President, International Olympic Committee
Leitung pianzawh a khatveina Youth Olympic Games (YOG) honna Marina Bay Floating Platform, Singapore ah International Olympic Committee Mr. Jacques Rogge in a thugenna in lungsim hong lawng mahmah hi. August 14-26, 2010 sung 1st YOG kici Singapore ah kidemna nam 26 tawh kidem ding National Olympic Committees 205 pan kum 14 pan 18 kikal mi 3600 pha a, a en bekbek mihing 370,000 pha hi. Hih YOG kipatna ah Singapore President, Prime Minister ban ah FIFA President leh kumpi ulian tampi gam tuamtuam pan kihel hi. Openning ceremony a neihna uh tau kidawh pen tuipi tung hi a, tui tungah a kilam, tui-i-lap (floating) ahi hi. Unique!
Hih hun ah IOC President Mr. Rogge in khangno kum 14 pan 18 kikalte kidemna bek hilo pumpi ki ukzawhna, lungsim siangtho tawh nuntakna, gamtat hoih leh i tenna leitung hoihna ding leh khantohna dingte mangngilhlo ding leh YOG deihna in gualzawhna bek hilo in kilawmtatna, kikholhsiamna, leh kimeltheihna te a thupina thei semsem ding in gen hi. Tua ahih manin khangnote aw, 'Winner leh Champion' a kilamdanna hih YOG gam pan thei ding hi uh teh, a ci nuam ahi hi. Olympic ah winner pawlkhat champion hilo a cihnopna zong ahi tam maw. Olympic medalist pawlkhat pen a gamtat vuah olympic deihna laklo sa hikha ding hi. Olympic motto Latin pau in: "Citius, Altius, Fortius" hi a, English in, "Swifter, Higher, Stronger," hi. Pau dangin zong a khiatna om kha ding hi.
Kidemna tuamtuam tawh i nuntakna bawlhoih ding, nuntak sung tomno ahih manin Kinzaw a nasem ding, a Sangzaw ngim ding, Hatzaw a mainawt ding ci nuam uh hi. Tua ahih leh i nuntak sungin kinzaw in i kalsuan hiam? Khe tawh lampai tawm deuhdeuh, vanzat sakol, mawtaw, vanleng, tembaw, gunkuang, rocket, etc tawh kipai kilengta, nidang sang vai khatpeuh manlangzaw, kinzaw ta hi. Tua bang ahihna dingin mi khempeuh in kidemna siangtho tawh kidem in i nuntak nuamsak ding thungaihsun mipilte ngimna ahi hi. Siamna, pilna themkhat pan a sangzaw ah kahto a siamnel ding, thei dikdek ding; leh manlang tak, hattak, ziakailo a sem dingin leitung mi khempeuh hong hanthawn hi. Leitung nanga bek hilo a, keia bek zong hilo a, i neihkhop, i zatkhop, i kikop ahih manin zeeksiamna kisam mahmah a, sia khin leh a thuak ding midang hilo in nang leh kei ihi hi. Tua manin Olympic Motto in mihing khempeuh hong hanthawn a, leitung motto sung pan a kilim zat pen, a kilim ciin pen
hiding hi. IOC bek hilo in tu in YOG ah zong tua in hong hanthawn in i tavuan, duty, responsibility hong phawksak kikkik hi.
Khangnote pen zingcianga makai dingte ahih manin hoihtaka pattah ding a kisam hi. A neulai pan a hoih a kilawma pattah ding ahi hi. Ngaihsutna kilekkimlo leh guptuam paihtuam nei dinga pattah loh ding ahi hi. Thudik, thuman hilh ding hi a, thutak leh thuman gum dingin pattah ding ahi hi. Kiphatsakna, kiliatsakna, duhhop huaihamna leh angsung theihna te tawh kipelhsak ding hi a; mihing gina suahna dingin a kilawm a hoih gamtat sinsak ding ahi hi. Tua hileh koikoi ah om le uh khangnote mite adingin mi phatuam, leitung vantung ading mi phatuam, nang leh kei ading nuntak manpha a nei mi ahi ding uh hi.
Hau Za Cin
Meihol - Charcoal
Posted by: "Hang Khan Lian" hangkl@zomi.net
Wed Aug 25, 2010 2:44 am (PDT)
Meihol - Charcoal
Abeisa kalsung, an nekhial kahihman in kasung pai-in Singapore Zatopi ah
nithum sung khawng katung khahi. Eitheihna ah bel sung pai ahihleh sungkhak
theihtheih nading kinawh zon mahmah in, niangteh phan akhauh theithei bang
awk liangin ong kine sakhi. Tu'n bel sung apai ngei in paisak lel uh aa,
thawlpi mat leh zet in ong khai in cisa kiamna za simloh zatui taktak zong
ong pia mello ban ah lamdang kasak mahmah khat in meihol ong nesak uhhi.
Zato lam sinte adingbel lamdang hetlo khading in ka umhi.
Meihol pen innlam ah vokpi ommawh, leinil hat te'n amuuk tawh lei nilnil in
meihol amuhteh ahai guapguap lam thei ngei bek kahihman in, Singapore Zatopi
aa zato kahbuang meihol ong kipiakteh, kamitkha ah inn lam aa vokpite bang
kamu aa lunglen huai phialmawkhi.
Bangding peuhmah aa meihol ong nesak mawk nahi uhhiam ci aa kadot leh,
meihol in pumpi tung aa gu omte hupkhiat ban ah, nin, huih hoihlo cihte zong
hup hi ong ci uh aa, meihol ong piak uh aa kipan gilpi sung aa kipei huihlom
teng dai hithet takpi mahhi.
Hih meihol pen taanglai pek aa kipan zatui aa azang minam zong na ommah aa,
ganhingte in zong aneek tanghtangh uh nahihtuakhi. Zomite sung ah nupi
naupaai pawlkhat in meihol aduh zong om ahihlam kaza ngeihi.
Zomite in meihol lian ne cih omngeilo hi. Meihol gawivui in thau vui
sukciang helpih in kineihi. Inn khuambul khawng leikha in aneek ding dalna
in apua lam, leisung aa tum dingteng teng kihaalkang theihi.Leikha inbel
duhlo, bek hilo in kilemlo hikha dinghi. Dahpa in akahlei bul lah na hal
kanglo ta leuleuhi.
Innlam ah vokno, akno, uino, ganno akigeh ciang meihol gawivui, ahihkei leh
inn-khing kinuh sak in kikhah kik ziau aa, si luang akham ban ah, meima
suak, naiphual cih om selo in ama sipkik pah aa, ahun atunteh damlelhi.
Liamma khatpeuh zong nuhding dang omtuanlo ahihman in meihol gawivui peuh,
leivui peuh kinuh pong theilel mahhi.
Meihol lian gawivui, vokpi peh aa ihpeh lohhang Zomite meihol naakneek
mahmah minam ihihi. Sa ahihnaak leh ihhuan ma in emloh peuhmah lim asa zolo,
mui nam asa zolo, gong thah bei asa zolo ih hi aa, em kang phot mah lehang
lim, ihgong ong su zobek panhi. Tua sung ah meihol tampi kihel gige nahimawk
hi. Sa limsawp lehang alimna bei ci-in muinam liang mah in kine takpi mahhi.
Meihol a nene ihihi.
Innlam Zo-inn te inn sung khempeuh meikhu tawh kivial in zing ngengngang,
meikhu kivial denin inn-king tawh ihteng denhi. Thuk tung aa saphek keu,
akeu ding aa kikoih peuhmah ihhuan ciang sawp kik cih omlo in, meikhu nam
phingpheng, meh lak aa kikhahsuk ziau hi aa, tua san tak ah zong pumpi sung
aa meihol kisam zah kicing mahmah dingin ka umhi. Tua hun lai in Zomite
meihol aituam neeksak kul nawnlo aa gu luut aa ci nuamlo cihzong om khollo
pahhi.
Tuhun gam khangto khin, gam nopci ihtunteh vokpi hai aa kihaisak akul
nahipan zaw hi.
Hihbangteng kakaihtuah ciang,
Zomite'n anungta, ong piangsak Pasian ihtheihma pek in, ih ngeina, ih anneek
tuidawn, ih gamtat zia te sung ah pumpi sung aa ong lut gu, nin, huih
hoihlote pan bang cibang in ong huu, ong dal ong kem cih kimu khia thei aa,
ih theihma pek aa kipan ihnuntakna sung aa ong kihel Pasian ahihlam kaphawk
sansanhi.
Siangtho hetlo, nin mahmah, gu lut huai mahmah zaw leh kilawm ganno liamma
te innkhing ihnuh sak ziau na in ahang ihtheihloh ahihhang, ihtheihloh
kawmkal mah pan, siasuak, naiphual, gu lutding akhaam innkhing, meihol vui
azangkha ihi aa, tua ahang theilo aa "zangkha" cihna sung ah ongpiangsak
Pasian ong kihel gige ahihlam ihphawk ciang, tangtawng pek aa kipan ong cing
ongkeem Pasian ahihalam kilang tektek kasahi.
Khanglui lai in muinam kiduh aa kihal kaang phot in meihol baak kullo hi.
Tuhunteh muinam kiduh nawnlo ahihman in meihol bak kulhi.
Khanglui lai in gu ihtheih hang adal nading ihthei kei aa, adal ding na
vaihawm sakhi. Tuhunteh, atuam in meihol neek kulhi.
Amah ih it theihma pek aa ong it, ong keem, ong hu, ong dal Pasian abia kha
minam ihi aa, abei ngeilo itna ahihi.
Khuatheihma pek aa ong it, ong keem, ong dal ihPasian, khua ihtheihteh
khasia sak hetkei ni.
Topa kaminam uh nong itna lianluahi.
Hang Khan Lian
A little knowledge is a dangerous thing
Posted by: "Tongseal" tongseal@yahoo.com tongseal
Wed Aug 25, 2010 3:05 am (PDT)
" Themcik khat theihna in lauhuai hi" cih pen Alexander Pope (1688-1744) in ....
"an Essay on Criticism", sung ah, 1709 kum in na zangh masa pen hi ci in kiciam
teh hi.
A hang pen;
"Tawmcik bek theihna in, mi kimkhat te amau theizah sangin, athei zaw, a siam
zawpi khat kisa sak thei hi"
* Thei hetlo napi, a thei mahmah kisakna in, thubuaina tampi piangsak hi.
* Taltakna tawh, a kisial nuam phadeuh om aa, a sung lam taak takpi kei leh ki
zangh thei tuanlo hi.
* Mi ciim te in, a mau din mun kithei aa, mi khempeuh va sai kawikawi nuam khol
lo uh hi.
* Kampau baihno tak in a zangh ziauziau te, a takin zui ziau ziau lo ahihman
in, a kampau zum pih zel uh hi.
* Lungsim hoih khatpa i kampan, thusia bekbek hong pusuak khol lo hi.
* Kam gina lo vive a zangh khat in, kei ka lungsim taktak hoih hi cithei zel
mah hi.
* Enna leh Hazaatna lungsim in, innkuan sung, pawlpi sung, kipawlna sung siatna
tampi piangsak hi.
* Kam dimdim in, mi a gensia, a koko khat i giitnatlona khat kigen kha le, sih
zaakdah hi.
* Mi gensiatna pen, anlim bangin valh suk baih ta leh, a tawpna lipkhap huai
kisa kim hi.
* Innkuan sung cidam na ding, mimal pan kipan aa, pawlpi sung cidam na ding
zongh mimal pan mah kipan hi.
* Lungsim cidam kei leh innkuan sung kilemna om ngeilo aa, pawlpi sung zongh
kilemna om ngeilo hi.
A little knowledge is a dangerous thing
Meaning
A small amount of knowledge can cause people to think they are more expert than
they really are.
Origin
First used by Alexander Pope (1688 - 1744) in An Essay on Criticism, 1709:
"A little learning is a dangerous thing; drink deep, or taste not the Pierian
spring: there shallow draughts intoxicate the brain, and drinking largely sobers
us again."
No comments:
Post a Comment