Posted by: "Khen Za Sian" khenzs@gmail.com
Tue Aug 3, 2010 8:36 pm (PDT)
Dear
Netters (Alunglutte ading bek)
1914 kumin Cope topa makai-in Pasian phatna labu na kibawl hi. Maan leh
maan lo ci loin 1952 kum ding a kibawl bangbangin na zang liailiai uh hi.
1952 kumin Sia Hau Go in Tedim labu sung a kizongsangsa late mah dawng
90 val la picinna (rhyme) hong thuah sak a, a sak lah nuamin a cih nop lah
kitel sinsen hi. Tua dawng 90 val leh a kipuah lo teng etkak ciangin a
hoihzia kilamdang mahmah ahih manin puah kim loh phamawh hi.
1986 kumin ZCLS in biakna tuamtuam kaikhawmin kum 12 sung puah a, dawng
470 la ngeina kimin kipuah hi. Minam neu khat adingin angtanhuai mahmah hi.
A kipuah ciangin lamal pawl khat laih loh phamawh hi.
A kilaih ciangin i zongsatsate sak hak sa-in kiphun zelzul hi. A hi thei
mah hi, zongsang nai lo hi hang.
A kipuah nai lo, i zongsatsa it a i phun sangin a kipuah late i zongsat
ciangin i phatgen nopna lianzaw ding hi. Zo paunak ah, "Tu nai lo a khe
khuang," a cih bangin a kipuah sate a hoihna thei nai lo a phun hi thei ding
hi hang. Dawng 90 te a kipuah lai-in zong kiphun zelzul hi. Tu-in a kiphunna
la teng a hoih pen leh i khel ngam nawn loh teng ahi hi.
Zomite i kithukhat theihna ding om sun pen hih labu ahi hi. ZCLS in
Pasian tungah ki-ap kawmin kum 12 sung a puah late itin pammaih sa-in zang
khawm liailiai leng!.....
H Gin En Cin DD
(Hih a tunga thu pen Dr. Gin En Cin in Zangkong Aw Ging Khol 21, Hawm 233
laimai 22 bangin hong kisuah kik ahi hi)
No comments:
Post a Comment