Sunday, March 29, 2009

Nui leng kidah lo

Sang syama khat in a sang nau pang te gei ahVasa min nam som kenin ci in khat pading sak ina mah zong thei ki sa in Vakhu 1 leh Vamim 9 a cih leh a sia mah nuin a luah Bamboo stick khat vei khen keuhzokhan tuang <tongzalat@yahoo. co.in> wrote:Zawl Aii tawh kisai hong kikhuppih zual leng,Khatvei lai in nungak khat leh tangval khat ki ngai uh in, a kiten ma un, a tangval pa in, I kiten ciangin Sazuk sa bekbek tawh kongvak ding ci-in, a nungak nu kiangah vagen in, a kiten uh teh Sazuk sa cih thadah sa ne ngeimel khollo ding hiven, mundang panin Sazuk sa zuak a inn vengte kiangah vapai kha in, a zi in zong Sazuk sa zong duh hang, sa khatvei beek duh ta mah hangei a cih leh a pasal in, a om leh ka cih na ai ve cih san ziau hi.A pasal pen a mel hoih thukhat a kam nasiam khat hiding hiven, a deihkhat a ngah hiziau lel in, a lungdam hi ziau hi lel hi. Zo TuangTual Khan Suan <zolentang@yahoo. com> wrote:

Murlen ngaihna thu

Ka lungzuang peuhmah e: "Heina khatlo a mual in hal,Na vang mu bang hong ngai siing e maw, Samgi bang i kikhen zong,I heina peuh ah lailung kingilh kei ni...."cih la khawng ka lungsim ah hong suak zuaizuai. Zan ni, nitak ann ne dinga ka cycle tawh NTU campus sung pan a phaitam lam (back yard) lampi dung teng ka tai pheiphei ciangin lamdung ah singteh keu na kia ziahzuah in, ka khuadak toh leh lamgei singkung (Mantawi kung tawh kibang khawng hi) te a teh na kolh khin in, a ziik meeng neu cik cik hong sel singsiang khawng Khataang tawh ka mu khawm a, ka lung hong leeng sak mahmah hi. Ka lungsim in ka khua uh ka phawk a, ka mitkha in ka khua nawl vua 'Venglui' suk leh to ah Kuangkuah paak leh Phuitong gah min bawm vasa te vaai a Buangnai Sailing tawh thuk kuah dim a sailingtang kuah a ling kawm, dai lak ah ka vak thelthel laite ka phawk a, ka khenuai lingin hong sut zeuhzeuh hunte ka mu kik hi. Aw! khua khaal hong tung hi ta veh e. Nisa hongtung hi ta veh e. 'Venglui' pen Murlen Khua lui hi a, Mizogam buai ciang Zomite tenna veng teng India galkap te in haltum khin ahih cianga mi khempeuh kitai zaak gawp hi. Pawlkhat Manipur ah, pawlkhat Shillong ah, pawlkhat Kawl lam ah... sial-ek den keek bangin kikhen uh hi. Tua khua lui ah tu in singkung lopa po ta a, gamsung suakta in vasa zusa te in tenna mun in neita uh hi. 1968 a kinusia pen 1979 ciang pawlkhat ciah kik uh a, ahih zongin vengpi lam ah teeng nawnlo in venglui lam ah a teeng uh hi. 1991 a hong zin kik ciangin ka pa Thang Nang (f/o Dr. S. Neng Ngaih Lian) in a pianna khua uh, a khanna khua uh a muh ciang a lungleng sam hi inteh:(a). Sianmang biakna laikuang umna, Gamlo bang tul zo ta e. (b). A kot kawl a huangdawn tulta, gam Khuva'n tau na'n nei e. ciin la phuak hi. A Biakinn munte vuah singkung na po a, vasa te in tuanna ding in na zangta uh cih hong phawksak hi. Tua bang lak ah ko Nu leh Pa te lunglen zong theihpih lo in naupang vasa vaiin zing tho peuh leeng ka diangkhia uh a, nitak sangkah tawp peuh leh ka tung phei uh hi. Ni sa a, gam keu in, singteh sikkha leng keulua ahih manin ging guapguap a, vasa in hong mu pahpah a, gamla pipi pan i gin za in vasa mat hak mahmah hi. Ahi zongin singsang dawna Thokolong leh Tawlawk tau ngakngak te in lungleng sak mahmah a, nisa zong nilimsak tuam hiam cih dingin bilkha ah luai den hi. A lunglen huai dan. Kuangkuah paak san dawna pakzu dawn vasa te zong Muksanva leh Baibek, .... te in nuamsa uh a, leitung a nop mahmah laitak hi. Khuapi huih niin leh moto gingte in a buaisak lohna mun gamdawn ah Nature - sing leh mau, gamsa te kituak diamdiam a tenna khopna gam nuam ah na khempeuh siangtho in nuam a, luitui luang khempeuh suangso lo in kidawn khin thei hi. Bangzah in hih banga nunnop iplah huai, khiatlah huai hita zen hiam!!Gam keu ahih manin lo tul ah meh gah - samphok, manta, zasan cihte a khal gah zong keu giapguapa, beli teh meeng kik nangawn hingzolo in kiil thelthal hi. Ahi zongin a limna kiam tuan lo a, tawmcik hing lai peuh leh kimeh thei hi. Lo ah a piang mehteh mehgahte saiibawk gawpta ahih manin gamsungah - Singthupiteh, Tumngek, Khaunai teh, naatngek, ciingngek cih te leh a tuamtuam, kizong a, lo ah i ciin tawmte sangin ciil zaw, limzaw, vitamin tamzaw (thei lian sam kei ing hih pen, upmawh dan hi), siangtho sitset, pollution in a nitsak vetlo, thoza aki kaap vetlo, chemical leh lei hoihza a kibuak vetlo te i nek bel... i zing thawh zong ki siangpah veva hi. Nuam tei ei guai........ .Ciingngek kheh mahmah khut lingin hong sun nuam lua. Tumngek kheh mahmah nitum baih, a kung lianlua, keenkiil, luisung ah om ahih manin a mu ding zong hamsa. Banlakaai bel deih zahzah om, kimeh nuam mello hi mai, a lawk tuung a ngek lai bek kipua nuam, tua zong a ngek kikheh lai... i paih teng zong Khuapi ah zuak leeng taihinn kiciang zo ding hi ven! Anzo teh zong khuakhal luata ahih manin gahta a, a teh om nawnlo in a gah min vom kilkel bek kimu ta hi. Singthupiteh zong lah ni 7 halta bang bek in meeng kik a, tua zong ameengsa ah kumkhat sungin meeng kik lo ahih manin akizong nailo na gam zon kisam hi. Aicil leh aisa sawk khawng, Be-ai thang siah leh vagiah ngaih cih khawng a nop laitak hi a, vasa te zong a tui hun naita ahih manin Buah vasa bang a giak ding ciangin a nu leh a pa nitak Sakhi ni a suak ciang kidawng in 'kawngkawi, kawngkawi... ...' ciin khuang ngeungeu uh a, lungzuan huai teii ei.......... ..Tawlawk Khuakhal ni tum awii zong lah a awih siam diak hiam cih ding bangin hun dangn sangin kitelzaw a, a ging ngaihzaw tawh kibang hi. A taktak in a kibang hi a, tuk leh khal leh phalbi ta leh ahi zongin hih khuakhal hun sungin mipi in nasep kinlo in meh zong leh thangsiah a gamsung vak mawkmawk kihi zaw ahih manin vasa haam kilim zaak diak hi. Vagiah ngai a eibek gamsungah thau tawh i kuan ciang zong i sak i khangah vasa leeng ging diahdiah leh a giak ding vasa kisam ziahziah te in lungsim nuamsak a, leitung DAM MAN OM mahmah hi. Nature lover, leitung sing leh suang leh a sunga omte a ngaina, a it, a lunglut te adingin hun hoih leh a nuampen pen hun hi a, a lunglen huai penpen hun hi. Ni tum kuan to kap hihiai, san ciciai, Sakhi ni a suaktak ciangin khua kiim a sakhi hawk ging bua bua te, muvanlai nupa vantung lam zuan a kimvial a lengto to te, vasa giak ding sak leh khang zuana leng ziahziah te, nupi papi meh zonga kuan khuanawl lampi pan hong ciah laih laih te, mikhual meltheih kiang hawh ding hong zin tung leih leih te leh nitak ann ding huanna meikhu inntung pan-a zam khia liatliat te in leitung hoihna kilawmsak a, Topa bawlsa leitung nuamsak in, a sunga teng mihing te leitung gimna nuntak tawldam sak hi. Ahi zongin it leh ngaih a taan, a khuangai te adingin bel leitung a haksat penpen hun, sihna mualliam sate ngai a kahna hun hi a, dahna khitui tawh kidim hun ahi hi. Lengtong Pauno in -TUK, PHALBI, KHUAKHAL hun kihei ta leh, Kong sialna meii bang theng lo.....a cih mah bangin it leh ngaih a om nawnlo ngai thei te adingin lunglenna a tuam hi kik hi. Hih singteh hong meeng kik hun laitak pen tui kang laitak ahih manin tui omna mun peuhmah gamsa in zong tui dawnna dingin zang uh a, mihing bek hilo gamsa in zong tua bang tui omna munte sa matna mun in nei uh hi. Singteh tawh gu deen in ngasa kiman a, tui tawm a hih manin ngasa lu vai pah in tam kiman thei hi. Kei zong kumlui masa lam 2004 in huansak nungakte honkhat tawh ka kuan mah uh leh kei ngasa omna a theilo pen hong teelsak uh a, 'ka mit tawh ngasa tamna pen' ka teel mah leh ka kuan lam uh sang ka ciah lam uh ka gil uh va zaw napi inn ah hong ngakte bel a kilamet uh sang a gil uh kialkikzaw dan hi. A maikal ciang huankhang lam nungakte pawl kuan leuleu uh a, ka zui nawn kei hi, Galilee tuisunga Peter ngeen pai mahmah bang leuleu uh hi. Bang bang hi leh tu hun khuakhal hun pen khua hun a nop toh laitak, khuavot pan khualum a kipat laitak, nasep ding a tawm laitak, awllen lai (nasep awl a vak thaap hun), it leh ngaih kiang zin hun, hun awng, hun nuam khat ahih manin, nu leh pa in zong tate nasep ding a seh sak ngakngak loh hun hi. Zomi te nuntakna (Zogam ah) a nop lai penpen hun hi. Tua manin lungleng sak a, khuakhal in nunlui hong phawksak hi. It leh ngaih lawm leh gual tawh cik ciang dawn bang tuah kik ni a om diam? Kimu lo dinga i kizin san, i kinusiat ciang cik ciang kimu kik ding cih kigen theilo hi. Kimu kik ding maw, kimu nawnlo ding cih zong kigen theilo hi. Ankuang um khawm kik ding maw kik nawnlo ding ki thei ban lo hi. Ahi zongin i nuntakna eite hong bawlpa Topa Pasian khut ah om a, innlum nu leh pa kiang, it leh ngaihte kiang i tun kik mateng hong kem in hong lungdamkhawm sak kik ding hi. Kei zuanna dinga tang khuakhalHeina peuh lenmui kai zilzial Huihkhi hong laang ngaih gim hong nam,Taang kei sinlai hong kuai ngaihno, Thelnah leng in zaideih awi e.Khuakhal huih hong nung in, sim lam pan huihpi in hong nawt a, intung innuai a nawk gawp hi. Meipi mei vom hong puak tung mateng khuakhal huih in hong nawk dinga, vantungah meivom, khua tungsan hong tun ciangin bel guahtui luangin singkung keute hong selsak kik dinga, leitung hoihna hing dipdepin no suah kik dinga, i lungsim thaksuak in, i nuntakna nosuak kik dinga, Hermon mual a kia zing daitui te bangin a kang nawnlo lungdamna cik tui i sungah luang ta ding hi. Khua khal la: THEISIAM VE NGAIH - Tg. Pauno (Lengtong Pauno), Lengtong No. 3. Kei zuanna dinga tang khuakhal Heina peuh lenmui kai zilzial Huihkhi hong laang ngaih gim hong nam,Taang kei sinlai hong kuai ngaihno, Thelnah leng in zaideih awi e.Sakkik:Khawlkhawm ve ni theibang sen a tanglungtupLiapal ngaihno, Lungsit kei aw, tomkal melmuh Vang ngaih simthu leel dih niMabang kong pat ding sinlai gu bang hong zen lua eTheisiam ve maw ngaih aw. Sawlkha taang nuai ah khattang lungzuan Zaideih naubang awiawi zong, Tang ka zaila'n lungzuan kei taNaubang kah heh hong nem zolo, mawtaw?Mawtaw, lungzuan khuakhal lenmui kai. Laitual lenna lungtup lia neemAngkawi ding tembang kong deih awKhuatuah dih ve lungzuan na eKei zuan hong nem dih aw ngaih awNang lo kei zuan nem zo omlo!(Solkha taang Pahtang dawn pan thangzam luangsai tawh hih la na sa ngeungeu mah dih ve)Khuakhal lungzuan sialkhawm diamdiam ni, Hau Za CinPhuitong Liim

Zomi on the move

A zahtak huai Sia Thang Sian Kham leh Tongsan a sim kha mimal khat ciat, A hun hun in mi phatuam ngai, minam it leh, neihman neihval hi tuanlo a piakhia mite hangin TONGSAN tuni tan in i sim thei zel a, a saite tung leh thu leh la a puak khempeuh tungah lungdampihna leh zahtakna kei mimal mahmah in ka puak nuam hi. Israel te hun lai in Levi minam te pen Pasian nasem dingin a kiseh tuam mah bangin Zomi sungah zong Pasian nasem ding a kiseh tuam om hiam cih ding zah phial in Pasian nasem i kizui ziahziah hi. Galkap hon bang hi leh lampi ah, zang sung ah, tualpi ah kigual in pai ngeetngaat ding a, muh nop mahmah ding hi. Tua bang nasem te hangin i nasepna maban meikuang bang hi leh a mitlo ding thupi kasa mahmah hi. "Biakna tau tungah mei kikuangsak tawntung ding a, kimitsaklo ding hi." - Siampi Laibu (Leviticus) 6:13 a kicih mah bangin i omna mun ciat pan i sep ding thupi mahmah hi. Ka tawpna lam ah ka behlap pak nop khat pen - Lom 2, Hawm 15 na sungah thulu dingin - KIZOP SIAMNA kici in kizop siamlohna thu vive hong ki at mawk hi. GOOD RELATIONSHIP gen nuam hi napi in a hoih lo teng hong kuisuk mawk ahih cianga i sim kawmkawm in ki ip tantan hi hang. Zomi te guallelhna tawmcik omte gen lozaw in gualzawhna tampite gengen zaw leeng cih khawng na ngaihsun ing. Gual lelhna thu, a nuihsuak huai, a zakdah huai, a muhdah huai thu cihte laisungah i khum loh hang i bil in a zakte zong hunsa ing. Tua manin gualzawhna thu, thahatna thu, mainawtna thu leh a thupi, a lian, a namtui te kizasak leng - ciin keima lunggulhna hong pulak hi ing. Nong theihsiam ding uh hong lamen ing. Hau Za CinPhuitong Liim

Sukte Chronicle XII, November 2006

Zola khat hi:

(a) Miim bang pian'pih TAANG laizomte'n Sianmang kei' aa tuam ci e.

(b) Tung Pasian in siam tuam nei lo, ka laizom ci tuam lo e.

[p. 28]"Thu I Cih La Hi" by Siapi Mang Za Lian (Pu Suan Pum' tapa),

Sukte Chronicle XII, November 2006, pp. 29, 30, 28

Tongsan, Lom 2, Hawm 14, April 7, 2007page 2, column 2MIKANG LAI KIMAWLNA: A nuai a laigualte ah participial modifier leh subject kituak lo hi. A kituak leh a man dingin gelh pha in.

(1) Plunging into the water, the drowning child was rescued.

(2) After painting the car, it was given to the man's life by the man.

(3) Guiding us through the museum, a special explanation was given by the director.

NOTE: Hih a tunga dotna laigual thumte a vekpi amantak a bawl theite pahtawina kipia ding hi.

Benny Hinn Singapore ah

Pasian mizat Benny Hinn Thugenna leh cidamsakna, (Singapore Indoor Stadium) ah Nipini nitaak nai 4 hun kava kihel kha leuleu hi.Khatvei paitawh zong phazo, dam khinzo, Zomi Innkuan kikhop ding zong nitak nai 4 mah ahih sam hang, Kawlgam pan leh gamdang muntuamtuam pan zong ong kipaibuang aa, ei aphual aa om lawmlawm kacihteh paiding lam in ong zozawhi. (Muan zawhlohna hang hilohi). Kikhop kapaima in Zomi Innkuanpih teng hopih kawikawi in, "Kuateng Benny Hinn kiang paiding/" kacih leh kua mah paituak lua khollo ahihman in, "Tuni Zomi Innkuan ka gel hang kitheitham ke'n ciai" kei leh kei ka kici hi.Kawlgam, Mone-ywa pek pan aa hih kikhopna ong zuan kazinte (ka ute nupa) pen lawp mahmah, tha ngah mahmah uh ahihman in nitak nai li hun dingpen zingsang nai 10 in innpan pai khiata uhhi. Tua nangawn amasa lam bek ngahzo in amasa pen ngahlo lai uhhi.Ko innteek pawlpite bel sun 12 teh ka paizo pan uhhi.Kikhop sung mah in, Singapore khuami ahilo gam tuamtuam pan aa paiteng kimel theihna in ong dingsak aa ko zong kading uhhi. Malaysia leh Indonesia pan tampen uh aa, muslim gam ahihsi tawh Benny Hinn mahmah in tha ngah mahmah hi. Abeisa asawtnailo lai in, Indonesia pai khin ahihman in Malaysia ah zong ong pai ding hi'ng ci-in kamciam pia aa, mipi-in khutbeng ziahziah in kinuam mahmahhi.Malaysia leh Indonesia khit a atam Sen gam pan hi-in Sen gam pan aa paiteng amuh ciang nuamlua in ki-ip zolo in kap kha ta hi. "Communist gam pan hizah nong pai uh na upna uh, na kipiakkhiatna uh thupi lua hi, tuni Thu kahilh nawn kei zongin kei Thuhilh sa'ng no onglahkhiatna in thupi zaw khin ahihman in ih Pasian lungdam hi" ci-in tha kingah mahmah in Thupha kipia ziahziahhi.Tua khit Saudi Arabia pan, Newzealand pan, Sweden pan, Sri Lanka pan, India pan cihbangin abanban aa akigen khit ko ong donghak ahihman in ka dingding lai uhhi. Kawlgam pan zong kitam sam napi'n munkhat ah tukhawmlo kahihman un kitheitham zolo hi. Thutampi, gam tampi in ong kalhelh khit ciang, "No ee leh koi pan? ci-in kagal lam vua pawl khat dong aa, "Myanmar pan" acihleh theipaklo in agei aa omte'n, "Burma pan" acih teh, "Aw! Burma pan maw" ongcih san ziau hi. Mipi in muakna khut abet khitteh ong tukik sak ziau in ong veivetlo hi.Tuakhit Sen gam pan ateng Pulpit tung sam in kimel theihna, Thunget khopna, Thupha kipiakna, holimna phial neihpihhi. Tua aman teh,Malaysia aa teng kamai ah ong pai un ci-in kaikhawm aa, "Nagam vuah kongpai ding nong deih uhhiam" acihteh, mipi ki-awng zuah in, "Ong deih mah ung" cihi. Na gam kumpi tetawh sem khawm ding hihang acih khitteh, Malaysia pan aa paiteng, khut kilensak in Thupha pia in puksak ziahziahhi. Tua khit ciang Topa tung lungdamna ko aa, Asia aa om gamteng aban aban aa alawh khit teh, "Asia gam ah Kha khanlawhna ong tungsak nahihman in" ci-in Topa tung lungdamna kohi.Tua agam agam aa alawhna ciang, India, Sen, Indonesia, Malaysia, Japan, Korea, Vietnam, Laos ci-in abanban in lo toto napi'n, Thai leh Kawlgam ong lo khanawnlo in Asia gamteng cisuk ziau aa, den mahmah aa "Burma pan"kici khin hang aa tu'n ong mangngilh hita, Kawlgam peuhmah alungsim vuah/uh-ah om zo nai hetlo, ong kivei nai hetlo hitah ci-in ka khasiat ong suak phial mawk aa, "Topa aw mite'n ong mangngilh hang Nang ong mangngilh tuan keiteh" ci-in kei leh kei tha kala kik hi.Hih Singapore ongpaina ah, Singapore aa om City Harvest Church te innteek sepna hi-in Singapore aa Pawlpi lian pen hipahhi. Pawlpimi 22,000 pha ung cihi.
Hangkhanlian

APRIL kha pen pawi hun hi

1. Zomi te' aading in: Lawm Annek pawi (Sialsawm)Hih pen, Dopi Kha; Khalik laitak in Zomi te in kibawl pawithupi khat hi,'Lawm', ci in, lawm kithot a, lokhawh kilawm, sabeng khawm, adangdang te zongh kinei kawikawi a nuamtak in ki om khawm ngeingai hi.Sa kibeng, gam kihal in vui kai phengphang hi.Hih hun in, Ei Zomi, Minamlian te in i Ngeina lokho in Khaici kituh khinzo ta hi.Daih kihah hi. (Khua kiim khua paam te gamkang in ong lawh loh na ding ki hah siang hi.)Han kipuha a, Pupate' kha te va kithoih in, va kibia hi. Hi pen Daihawh kici hi.Gamlak mual tung teng leh, mualzang munnuam teng ah Dawi kithoih hun zongh hi.Zogam mualkuam teng mui khu cieiciai a, mualdawn teng ah meikhu leh khawmui kai zilzial hi.Gamkeu laitak hi a, kial laitak zongh hi mai hi. Gamlak ah singteh no nuam lua kisa a gausan in, pulh zuahzuah mai hi. Huih ong nung hiauhiau a, shelshel ci in, mual dawn leh ngallak a omsingteh te leh sing hiangte ah heu thilthial in gumgawtang in ong ding hi.Tehlui teng suah khia in, sel siuhseuh geuh uh hi.2. Sente (Chinese') aading in: a. Qing Ming (movable - early April) A Chinese ancestor-worship extravaganza in which family graves are spruced up and offerings of food and wine placed on ... Ci uh a, April (Dopi Kha) kall masa sung in--Pupate' kha va thoih uh hi. Han ah daihawh in;Kall nihna (2nd week sung zongh) Meihal biakna, Thungetpawi pi khat bawl uh hi.b. Tua Peck Kong: Other Chinese Festivals which tend to be more localised and are celebrated by means of ... March/April : Tua Peck Kong, on 26th day of the 2nd moon, 3. Kawlte' aadingin:TinKyan (Water festival), Tuibuah pawi, Guah leh huihlak a cing To khat om a- tua pen, dawi hi, ci in upna tawh, tua gua a cing Dawi a lungnopna ding in kibawl Tuibuah pawi ki nei den hi. Tu kum bang pen, Kawlgam bup ah, TinKuan Holidays (0fficially) ni 10 kiseh hi. April 15 zongh nithupi ni khat in koih uh hi. 4. Israelites / Jews Zudah minam te aading in:a. the 15th day of Nisan (on the Hebrew calendar ). Passover commemorates the Exodus and freedom of the Israelites from ancient Egypt. As described in the Book of Exodus, Passover marks the "birth" of the Children of Israel who become the Jewish nation, as the Jews' ancestors were freed from being slaves of Pharaoh and allowed simply to become followers of God instead.b. CHRIST IN THE PASSOVER, by Curt Sewell He was killed on Passover Day, was buried for three days during the Feast of Unleavened Bread, and rose from the dead on the day of FirstFruits. ....A Harmony of the Gospels In Modern English: The Life of Jesus Christ ... He was crucified on the Passover day in the spring of 30 AD, and His body was in ... c. Jewish friends in a much more subdued Easter Sunday service at ...4. Hindi, Kala te aading in;Hindu year falls on the 12th April, New Year's Day is observed on different days by different sects of Hindus, according as ...5. Arab te aading in: APRIL FOOLS' DAY-COOKERY April tuna melt, recipe 1790:31 ARABIAN NIGHTS Sinbad the ... recipe 1784:184 ARGENTINA- FESTIVALS-COOKERY Three Kings Festival; ...6. Leitung bup minam tampi te in a zat;Religions of the Ancient World:by Sarah Iles Johnston - 2004 - 736 pagesOn April 4104 BCE, the black stone symbolizing the Magna Mater (Great Mother) was ... Two festivals celebrated the virtues of wine. In autumn (August 19), ...7. Japan te aading in:Sanno Festival, on April 14-15 according to its centuries old tradition. We Japanese: Being Descriptions of Many of the Customs, Manners, Ceremonies, Festivals, Arts and... - Page 1by Frederic De Garis, Shôzô Yamaguchi, Atsuharu Sakai - 1947 This ceremony is of National &ag of Japan. an unknown origin but it seems ... These festivals had their origin in the ceremony that the Emperor Jimmu held ... 8. African te aading in;African Dispersal in the Deccan: From Medieval to Modern Times - Page 163... African ... During the Holi festival (March- April) that year, when the Maratha garrison was ...9. Mikang English te aading in:England's Parnassus (the first and in many respects the most interesting of English anthologies) ; ...10. Christian te aading in:Easter Friday; ....; Easter Friday ki nei hi. Dopi Kha Kal Nipi masa/nihna.. .----A tul ngeilo Zomi Ngeina Nang tawh a kibang in ong itpih

SianSang

Karen te thu

Karen te khat leh khat kilem lo, KNU sung ah Christians leh Bhudists om aa,Christians Tualgal te'n zakhan na ( promotion) ngah ziah ziah ,Bhudists Karen te'n ngah loTua hang in SLORC hun sung in, Karen Bhudist te leh Kumpi te kipawl in,Manepalaw a ki pan Karen phualpi lian te,Kawl Kumpi in khat khit ciang khat la hi Amau a phot in Karen National Union na ci na pi,tu'n a mau ki lem lo a hih ciangin KNU pen Karen Never United ci in mi-in na na ko sawn sawn uh hi.Kawlgam , Sq-miles tul tam pi a khut sung ah a koih khinKaren KNU te'n Kum 40 sung bang Kumpi a simh hang nana zo zo lo hi. Karen minam te'n sup na tampi nei khin hi/Zogam sung pan CNF ( Chin National Front ) ci in 1986 khawng ciangKumpi do ding hong ki pan aa, Kum 20 sung ah Kumpi galkap te tawhkhat vei beek galsim na lian om nai lo hi.Zomi te pen CNF te hang in haksat na tampi thuak zaw hi.Kumpi galkap ki lau lo in , CNF te tawh ki tuak ding ki lau zaw hi.Tun CNFman siang a hih lehnuaam mah mah hang ee,CNF pen Chin Never Fought Army ih cih diam?

Be-uih Bawl dan leh Gataam hoihna

BE-UIH BAWL DAN:

1. Bekan (soyabean) pen min takin tui tampi tawh huan sitset ding.

2. A min khit ciang a tui teng sit khia ding (decant).

3. A ha teng pen lawh/ ciang/ container/ etc sungah nahkia teh (Nahtang teh kizang ngeilo) tawh tuun dingin huthe lo in siin cip ding.

4. Tua pen khintung ah zan thum leh nithum koih ding (temp 30 degree celcius).

5. A ni 3 zan ciang a tuunna hong in en leeng, a baal na kaang pian le-la hi, tua ciang na uih ta a (fermented), nip hi.

6. Ut leh pho keu ding, ut leh a keulo in zong ne ding.

Ciamteh ding:

1. (Singtaang ah ciamnuihna in a gen uh bel Nupi te niik tawh um leeng lim deuh hi khawng kici se hi. Tua pen Nahkia teh a om kei leh puansah tawh tuuncip in huthe kei peuh leh hoih lel hi a kicihna hi in ngaihsun ing.)

2. A huan min hoih mahmah ding kisam a, a umna ah meilum a temperature a kikhek loh ding thupi hi.

3. A huanna tui pen - "Vokpi piak loh ding" kici hi. Ahang - Vokpi ciing thei kici hi. Tua manin mihingin zong neloin tuimun ah kibua zel hi.

4. A uih deuh ding i deih leh ni thum sang tamzaw deuh zong um theih hi. Ahi zongin sawt umlua leeng sia (teeng) thei hi.

5. A huanna tui a ki sitkang hoih kei leh tui in diah in uih lo in, muat thei hi. Kei theih dan tua bang hi.

Ko bawl dan.

Ka nu in Be-uih a bawl ding ciangin - "Tuni nahkia teh na lo un aw, nitak ciang Bekan huan ding, Be-uih bawl ding" hong ci thei zel hi.

PS: Taang pen kiciing tamlo ahih manin ki tam neek lo a, Buhsih leh Vaimim bek kine zaw hi, kei theih ciang ah, tua manin a huan ciang nu te in huan bek uh hi, naupang te in kihuan kha ngeilo.

Hau Za CinPhuitong Liim


---------------------------------------------------------------------------------
Re: "zomi te Gataam"
Posted by: "MOBILE KHAI" mobilekhai@gmail.com
Fri Dec 4, 2009 7:31 pm (PST)

*Gataam peen Zongeina ante anlak-ah athupi mahmah ngeina an khat hi.*

* Kawl te ngapik, ngapiktuui, Korea te kimci, Mizo te sathuu daan hi-in a ne
ngei naailo khat aa ding in anam dik hat mahmah hi. *

* Mikaang ten' Sulphric bean ci-in, sulphate ih cih, athuuk nam pian' hi
. A thuuk lamsang ahi zah in ih pumpi sung-aa a hoihlo atuamtuam that
hi. *

**

*Gilpi' angawi huh mahmah in ih sung-aa huih hoihlo tampi nottkhia hi. Neu
laai vaaimiin leh gataam nezo phet leeng veih ki peek ziahziah-aa, tua peen
ga ii Power khat hi aa, cidamna no khat hi. Civic nam khat hi in, Yangon
Zomi nupite bang Zo civic ci liang uh hi.*

* *

* Khangluui, nupi papi te kumtam pipi nasem zo ih cih peen hih ga' haang: a
hi tam ci ing.Tua a hi man in hih ga tawh a khang kia Zomi' tate, mite
nuai-ah ki omlo' hi. *

**

*MOBILE KHAI*

Taang huan dan

Ih khamtung lam-ah taang a tam keei ding ka sa aa, kuamah'n taang huan dan thei kei keei bilbel si hang ee. Ka neu lai un, inn lam pan taang hong ki khak teh, taangman ahih leh, tangho ahih kei leh, ki ngaan huan zel hi. Liagualnam in tangho bel thei khin hi ve cin maw. Buhman hi ta leh, taang hi ta leh ih ngaan huan ding teh tui tawh ki diah masa hi.(Diah loh in ngaan huan le'ng, min hak mahmah aa, min leh zong sak/hard mahmah ahih man hi. Sawtpi ih huan hang' a min lo bangin tang tiltul thei lai hi.) Zingsang tung aa ih nek nop leh a zan nitak-in, tui lum hiauhiau ( taang ih diah ciang' a tui ih sa'tsak luat leh, a min ciang' nawigawp thei lai hi.)tawh a taang/buhman a tuum dingin kidiah hi. Taang pen buhman zahin sawt diah kul lo hi. Nitak in ih nek nop leh bel zingsang lam in diah le'ng zong kingah hi.(A tui in tuum kei leh a taang/buhmah te'n, tui na huup ahih manin, a tung lam teng na keu thei in, min lo leuleu ahih manin, nitak in ih diah leh zingsang dong a tungtham a keu lo dingin tui a tuum aa kidiah ahi hi.) A zingsang teh a diahna tui ki khaihkhia/decant hi. Lawh/ciang zi'ing(container) cih te' sungah sung le'ng, a tui teng na luang khia in a tui a kan ciang' ngaanbeel sungah nahtangteh/ puan ki phah hi. Nahtangteh ih zat leh a nahtangteh pen tangho ih bawl ciang aa a bit theithei ih zat hang' ngaan ih huan ding ciang' a hu a lut theih nading in, a nahtangteh pen tawm ki vang sak aa, a taang a buakkhia'tloh nading in a thuapthuap in ki paihpeh(crossing) sakhi. A taang/ buhman ih guan khit ciang' a beelsiin ih si't maa in, puan paa ahih kei leh, nahtangteh mah tawh kisiin phot in, tua khit ciang' a siin tawh ki siin in a tuihu tam a leengkhia lo dingin, a beelsiin' gong zong puansia tui kawt sakin, ki siin cip hi. Mualtung lam bel an min hak in, Kawlgam khualumna lam bang ah bel min baih zawdeuh hi. Taangman kia zong ki ngaan huan thei-in, sageep khawng, be khawng tawh huankhawm le'ng lim zaw lai hi. Taangham pen ih beel huan leh, rice cooker tawh ih huan sang' a tui khit aa ih huan lim zaw hi. A tui khit kei le'ng buh nek in ki ne thei lo hi. A hoihbek aa huan theih ding haksa ahih man hi. Tu hun ciang' buhtui ki khit nawn loin, rice cooker tawh ki huan zaw ta ahih manin, tui khit aa an huan dan zong ki zang thei nawn mello mah ding hi.(Gamdang ah ih buhbeel/danbeel cih dan khawng ki tam zat lua nawn lo mah a'i ve.) Rice cooker tawh ih huan nop teeiteei leh, ih ngaan huan dan mah in, tawl khat diah phot in, tua khit teh ih huan taktak ding ciang' tui tawmcik bek tawh ki huan hi. A taang tungah tui khutmeneu cia (1 mm+) bang bek tawh ih huan kei leh, nawi lua pah lian hi. Tui tawh diah kholh kei le'ng deih bangin min thei lo hi. Ko' kiangah zong upmawh loh in, taang khawng vaimim khawng suksa tam bilbel hi ei. Zo an bel ih duh nak leh kingah mahmah cih ding hi. Zo Minam Ni khawng Khuado khawng ciang' ak taangciim leh sabuti(vaimin leh bawngsa huan) khawng a ki nezel hi ee. An zo teh khawng zong nei ung.Kawlgam ah ka lawmte pawl khat bang, taangman pen moh(confection) dan in bawl uh hi. Khum sak uh aa, coconut milk khawng tawh hel ahih kei leh, ih mai(pumpkin) te tawh a ciim in huan dihdiah napi uh, khum sak vet se uh hi. Butter khawng oatmeal(Kawlte' n taakuu hmonh) acih te khawng tawh zong millet cheesecake khawng zong bawl zanzan uh hi. An pi sangin, snack dan aa nek dingin, a ki nezaw hi mai ee. Tua bang ciang' a taangman pen hai lang(half) khawng leh tui hai 2 bang tawh sawt pipi a mei sa lua loin, so saksak uh aa, a taang mal a malh khit ciang' damdam aa ong man deda(sticky) in tua ciang' den aa, oatmeal, butter leh maida vui(flour) cih te [a helpih uh tam ngeingai ee] almonds, walnut, vanilla cih khawng tawh [hi teng bel a tuam aa pawi(hel) in] coconut milk kyaukkyaw dan hi mai. Tua khit teh tua mai ki huan a man deda pen a hul pian teh, a em nading beel(tray) sungah a thuapthuap(layer by layer) aa sung in, (sanuin makin) em/bake dan aa ki em cih khawng hi mai ei.Liagualnam in na omna lam-ah taang a tam leh a tuamtuam in na bawl in la, na ne dih aw leh. Kei bel tua bang biaibuai sang' ak pum khat khawng tawh aksa taangciim huan suk aa a ne nuam zaw hi mai ing. Ka cih teh, ih buaina leh, ih nek ciang' ih gilvahna pen kituak sa lo(not worthy) mai hi'ng ee. Mi tampi nek ding khawng cih loh maw.
Haukhek(Man Ngaih Hau)Tokyo, Japan
Taang pen hih US gam bang ah vasa, zulei an in nei uh aa, store tampi te ah ki zuak lo hi. Ahizong in Korean, Chinese store te ah pai leng amau zong Zomi te mah bangin Taang na lim neek veve uh cih ki mu thei hi. Kei zong a huan dan ka siam loh hang in i Zo an nam khat a hih na tawh ki zui in tua Taang ki zuak ka muh teh iplah in ka lei pong khe hel hi. Buh leh Taang gawm khawm in ka huan aa leh lim sim tham hi. Ahi zong in Taang tang kia huan dan thei lo ka hih man in a thei i om leh nong hilh na ding uh ong thuum ngeungau hi mai ing ei. Rice Cooker tawh ka huan leh lim puukpuuk kei mawk. A huandan khat om veve ding ka cih nop na hi. Khamtung lam ah taangman/hul ki huan leh lim thei mahmah hi ven maw.....

Thai Ann

Ko om na Thailand ah Ken Taang mu ngei lo cit ciat, Vaimim pen a Gap bek in leh a tang at khia uh in a hel pih tuam2 tawh hel uh in, ne uh cih loh mu ngei lo cit ciat,...Tang pen Ih nu te bek in Nipi ni khawng bek in Sun an ding khawng bek in ong huan sak thei zel uh hi lel in mi tam pi in ki thei kha lua lo dan ai ve...A huan siam ten ong huan dih un la ong zuak dih vua.A tang a sial in a hi zong a min sa ahi zong in ki puak in ki ciam sak ni ei guai.Tang tang pen deih tak pi ing. Ka gen theih mel loh hang huan thei ngei hing.A taw kang bang lim mah2 hi.
Pau Thailand