NA NGAIHNO HOPIH ZEL IN

NA NGAIHNO HOPIH ZEL IN
Posted by: "khai boi" laizomzomi@gmail.com
Sun Aug 16, 2009 4:51 pm (PDT)



Pasian thupha houh ciding ii hiam? I kamsiat luat man, Igam ii
lei ahaksat man houh ciding ii hiam? Sak leh khang leh tuipi gal ah, Nu leh
Pa, u leh nau leh atuamtuam te tawh, Pilna siamna,sum lehpai zongin ii
kikhen zelzul hi. Nungak tangval te bek aki zinkhia hilo in, Nupi Papi
tezong ahi thei sunsun hongzin khiata uh hi. Tuacibang kawmkal lak ah kamuh
katuahkhak thu themkhat ka honghawmsawn kahongtheisak sawn nuam hi. Papi
pawlkhat tepen khual azinkhiat uh teh innlam aveilua hiam? Zi lehta aphawk
lua hiam? Aphawk khalo hiam? Pa ci-a kisapding peuh zum ngaihsut uh a,
lawmtezak na ah katate min leh kazi neihlam gen kei in acipeuh om mawk ta hi
hangh. Tuabek hiloin innlamzong aciah nuamnawn mel lo athudon mel lo Zomi
papi pawl khat omta hi hangh. Hih thu kangaihsut teh inn lam aom a ngaihno
in limtak hopihzel laikhawng khakzel in nadamdam hiam? UNgambawm aw ii
tatenzong nongtunding kal hong ngak lah mahmahta uh hi, Cihbang khawngin
hopih zel le uh hoihdingin ka lamen hi. Papite bek genleng Nupi pawl
khatten nuam nasalua kha le uh amauzong themkhat gen leuleu ni.

Nupi pawlkhat te leuleu pen apasal innkuansung hamsatna hangin
khualzin sumzong paizongin gamlapi ah zinkhia uha, ahihtheih zahzah in sum
khak tanghtangh hi. Tuasum tepen namet sakning napungsak ning nakhol ning
cihbang ngaihsun vet lo in abeithei ngeilo dingdan in aduhduh nane nadawn
in ZOGAM mualdawn vangkhua panin kawlzang ah alawmpa sumkhak thohding lading
apai pen valak kul vasapkul liang in atekte leh a innkuan pihte apasaltung
ah gensia dikdek thei lai uh hi. Apasal zong kumtamsim omkhinta
sumzongtamkhak kisasimpianta in innlam ah thaisa (tu hithiatsa ane) tading
cih ngaihsun in lawp mahmah sa in inn hongciah teh ama lamet nabangloin
zitawh ahih kei leh nu lehpa te tawh kikhen lawh kisiat lawh zawsawp hi. Tua
ahih manin Papi ten zong innlam laikhakzel hopih zel ki kukhawm kiho khawm
ding hoih khading hi.

Hi cibang thu te kangaihsut ciangin khual zin-in koikoi ah
omtaleng Zi leh Pasal te tawh thuki zaden leng nupa kal cidam in nupakal
cidam leh innkuansung cidamding innkuansung cidam leh pawlpisung khuasung
gamsung leh kipawlna tuamtuam te na ngawn hongcidam tuam ding hi. Ka ki
thuahpih papi pawlkhat tebang alawmnu tawh aki hokhit uh leh aki homa uh
akampau aomdan uh kibang lo, ki lamdangzo tanghial hi. Tua ahih manin NA
NGAIHNO HOPIH ZEL IN la, A sisan manpha tawh hongtan ii mawhna te hongsawp
siangsak hongmaisak zuthawl hongpiak khit ban ah nikhat niteh hongpiding
hong lading ii Topa Zeisu zong zing leh nitak hun naneih simin ama thunungta
Lai siangtho sim in hopih den in.Tua hi leh Igam leh I minam hongcidam tuam
ding hi.

Khaibawi
ZOGAM