Hello! Zomi,
Lamdang asalo kuamah omkei hih Pa mawk pen...dihdih laizang... hihzahta aa, Ni satna sehneel gam ah Niangtuisai hong cihmawk. Tua bek thaamlo Mulkiatna zongh zuak ban ah, Zu zuaksim lailai ta sawnsawn, Khawngmawk diingmaw? ci aa, kilung khampihtek kiimlai lawmpa pen hong senpi luakeei. Mihingte asimtattat lam atel khinkhian khat aive maw... hih Pa.
Ni khat asai ah Milamdanglo khat tungvat...tua pa in " Niangtui haaikhat leh BE thawllang hongpai sin" Aw aw...natu pak ou...ci dihdih sailaa hong ciken la... Zu leh Niangtui banghangh dawnkhawm nahia... Mi dangten Zu leh Tuivot ahih kei leh Coca Cola cihkhawng hel hiven..." Belbal pepeuh ciai... Tua Mite tawh akibang kaut taak in kinawhsin"
2$ hi ei lawm nidang ciang zong hong paizel ou maw. " Sum kaneih taak in hih bang sai likliak ah hong pai diing kahia, Ngahna sangh in Piakna ah thupha omzaw hi, cih La biakinn ah nasa buabua ve leh, Thusiia sangh Thupha deihzawngel diing nahih ciang...bye. .bye...."
Khatvei leuleu amah leh amah kien zel, sabuai nuai khawng aen kawikawi, aphe laplap Mipa lamdang salua ahih ciang...Bangzong keei nahia lawm kasai sung ah? " Na khawlphot ou... hong genlua ning.Tuisa haikhat bangzahman ahia?" Amawkna hi ae..." Tua ahih leh tuisa haikhat hong pia ou..." Nang tuisa bek dawn diing maw? " Tuisa dawnlo aa, kei tuisa tawh kisil diing maw...phianphuan cin, tuisa haikhat hong pia mengmeng ou...ken Cikhum, Niangteh leh Bawnnawivui innpan hongpua" Halleluija. ..cih diing lah hikei deuh ven mete... thupi ciai lawm...bang ahia nazonzon hong gen ou leh....
" Ka nuntakna hiveh aw...ka nuntakna hiveh ka zonzon, kaw om ahia ka nuntakna?" Na nuntakna kawpai ahia lawm? "Akawpai peuhmah diing, kanun takna keitawh omkhawmlua kisa ihki hoho ve leh, Leitung aa, Mihai pen sangh haizaw ve ni teh aw....Nanghsangh aa, Haizawpa zongh nangzah in Hai kenteh." Tua ahih leh banghangh nanuntakna zongzong nahia? " Ka nuntakna pen kapumpi koimun ah om hiam? cih athei nuam hi veng aw...atheinuam hiveng."
Aw haw...hawh leldih cia le... na nuntakna na Lungtang aive...na Lungtang laikhia leng Sipah diing hive cin." Tua ahih leh ihlakkhiat khit ciang Thuahkik leng kinungta kikpah diing maw?"
Sese cia le...tua sangh 21 Grams movie en in la, tua khit ciang Sean Penn, Benicio Del Toro leh Naomi Watts te donglecin ai ve. Mihing khat asihkhit ciang ahinlai sangh 21 Grams zaangzaw kici veh aw...tua pen kaw om ahi tam...Mihingte adiing hih azaang mahmah 21 grams pen hiveh aw agik penpen.
"Tua dongdiing aa, USA painangh sum kaneihtaak, Vantung gam tungkhinlo diing kahia Zu tawh"
Khat vei leuleu Sakol khat Buhtuu lompi pua netnat aa, asai sung ah hong lutsuk " BE kuangkhat hongpia mengmengsin gimlua ing" Ken BE athawl bek aa, zuak hi veng. " Dihdih cia hih nakuangpi dim sungsuk peuh ve... thawl bangzahta diing ahia?" Ah mawk...thawl 7 valbang talo dia..." Suungsuk pah ve hun ngahlo kai ve... sum neilo sponsor zongkhawng aa, avaakvaai hongsa na hia Kuli apua taangtaang denpa kai ve"
A bangci biangbuang aa, buaituaksi cia..." Ka Pu neih hi veh aw....Buhtu zangkhat hong puakbeh saksawm mawk, tua pualian leng kakawng kitanlian diing ahih ciang, ataisim hiveng aw...kalaisai en ou en ou hia tak ah namuna ka Pu, hong delh valval hilo maw,na taiphot ning ei ki nungmuhkik ni"
"Ki dotdot kul maw, nong muhnak leh BE thawlkhat hipah lel" Tu phot in la, haitawh dawn ve Pu, manlah tuaksi cia. " ka bungbulam in ka dawn aa, athawl tawh kanawmvalh phial zong in nangtawh bang kisai aa, Sailaa pa aw,tua leh Buhtuu lompi pua kaSakol namukha na" Nangh zong lawmlawm hih Buhtuu zangkhat leltak agiklah hilo tawi lel ve, na Sakol gimlua hi ven. Ki sailo Tawan ( mawhpuak )pen tawan hi. Ken aBuhtuu zangkhat gik asa hilo in, ama Tawan kasepsak gik asalua kai ve.
Na sanggam
Cinpi ( Hello! Zomi )
No comments:
Post a Comment