1998-2005 kikaal thuthang

Posted by: "Nang Lam Cin" nacin_lam@yahoo.com nacin_lam
Mon Jun 22, 2009 11:37 am (PDT)



Zomi pih teng,

Nang" bangci nasa hiam thei keng, ken' ngaihsun kikkik ingh. Khamtung gam hi ta leh Kawlzang hi ta leh , a diakdiak in Yangoon khuapi sung ah Laisiangtho sang ki kah in kum sim in tua sangpan in tua teng in lukhuneel kaai ngah hi cih bekbek Yangoon awging sung-ah ih sim den keei hi. Tedim khuasung bang ah peen ciamnuih ki va te bang in sih zaanhahna khawng ah ciamnuihna in nei zanzan phial uh hi.
Bang ci ciamnuih uh hiam cih leh "" Tun ah Ihgam ah Laisiangtho sangkah sang in a kahlo peen tawm zaw ta ahih teh ko sangkah lo pawlhun hong hi ta ding hi. No Laisiangtho sang naupang te in mipi lak ah na om lel un laa, ko peen pulpit hong luah ta ding hi ungh. "" cih na-ngawn ciang ki ciamnui hi. Tua lai hun in hitak pi mah phial hi. Tapkual Laisiangtho sinna na-ngawn om ahih man in Laisiangtho sang kah in mannei lua ci ding ihhiam or man nei zolo liang ci ding ihhiam khat in peeng mahmah tawh ki bang hi.
David peen Goliath tawh aki do ding ma' in (behind the screen) gamsung ah bangteng thuak mawk aa, bang ganhing teng tawh kilai mawk hiam cih kua mah in theih pihlo hi hang. Pasian in a mah a ompih lam a kilat mahmah na ki at lo hi. A hihhang in ka Pasian a nungta Pasian in hih milim bia te hong zosak dinghi cih upteetaa na peen koipan na-ngahkhin mawk hiam cih thupi mahmah ding in ka um hi. Up ngamna ,sepngamna, hansanna te leh muanngiatna te na nei khinmawk hi.
Tu ni in ih kiphawkkik ding ka deihna in banghiam cih leh Josept in hamphatna( a khuan a jii") na la zenzen hi leh a zaa' (aanaa) khang nawn in ka um kei hi. Potifer zi anglum ah kigolh hi leh Izipt kumpi pa tanu dawng pingpeng peen hualkha lo ban ah,alu leh apum peen ki tuampaih tuak kha mai in ka um hi. Pasian in ZOMI te akoih nang hong neikhin ngel ding hi. Ham phatpak nang te iplah pah naikei dih leng them vei lai,,,,,
Hih te ka-ngaih sut ciang in Zomi te ihki thehthaang zia te leh Zomi te mailam ding ihet ciang-in lamkhial lo aa ih tuntun na ah , ih om nana ah puuklo hoilo tak aa, mapang ding in, Ih Topa Pasian in hunkhat lai in ama thusung ah hong naakphap zen mah si maw ka na cici aa, lamdang bang ka sa mahmah mai hi.
Kei omna Australia gam bang ah peen Christian atam mahmah hang in , Pasian thu atheih mahmah uh hang in um khollo uh hi. Kawlgam khawng leh Africa gam khawng ah Pasian in nasem hi ci zawtham uh hi. Kawlgam pai khawng hongciah kik uh teh a khatha uh dim mahmah sa in hong tungkik zaw uh hi.( kei muhna )
T.L Mungbawi in a laphuah na sung ah ""mun hongpia hong kizeelsak, Abraham thupah hong pia " a na cih sese te khawng ngaihsun kikkik leng ee, a lamdang mahmah vaihawmna khat a om ahihlam kiphawk huai ka sa mahmah hi. Ki phatsak ding lah hi ka sa kei aa, ki neuseek luatding in zong lah katuat het kei hi.

ZOMI aw, Ih thupha te simsiam ni;;;;

Nacin
Aus


To: Zomi@yahoogroups. com
From: hangkl@zomi. net
Date: Tue, 23 Jun 2009 11:35:36 +0800
Subject: Re: [ZONET] 1998-2005 kikaal thuthang

Pu Naa Cin,
Hih na thusun pen ahilua leh angaihsut huai mahmah kasak thu ahihi.
Hunkhat lai-in khangno khempeuh phial leh piteek puteek te nangawn Lst sang kikah takpi aa, "Pawlpi mi sangin Lst sang naupang tamzaw, Lst sang naupang sang' Lst sang tamzaw" kici liang in nuihzaakna in kigen zahdong hingei mahhi.
Nuih zaaknading hihetlo in alungdam huai mahmah, ong Piangsak Pa'n ong zat nading mu mahmah hi ci-in tha kangah mahmahhi.
Asawt nailo lai-in, hausa upa aa kipan, ih MP ding nangawn Lst sang mansa ih zangzong in bang phamawh hiam, zune, sane aa thapai, golhguuk nene te sang hoih zaw mahmah hi ka ci ngei aa, " Lst sangman Rev. President, Rev. gam-uk mang asem mungei, zangei khang" ong cihsan khat omngeihi.

Adang takei leh, Rome Kumpipa Constantine ngiat makai aa AD325, Nicaea khua aa, Christian makaite kikaihkhopna pan aa Nicene Creed ( Nicene Thu-upna) ongpian asawk banlo mipa hiding ci-in ka dawngkik nawn keihi.
Tuni dong leitung amakaih, leitung akalsuanpih in Pasian zat, Pawlpite ahihi.
Pope John Paul II omkei leh Soviet Union, Communist' Empire kitamkham loding aa, Berlin kulhpi kisat kham lodinghi.
Asawt nailo hunkhat lai-in, USA gam, Tulsa khua ah Zomite, Pawlpi miding omlo in Sia vive hi, ci-in nuih zaakna leh zahko na in kigen ngei mah aa, tuni tuhun teh, USA khuapite lak ah, Tulsa khua pen Zomite belh, ani ani aa ih kibehlapna, ihzuatna mun ahihi. Akhua bel hilo in ong makaihding abel ihihi. Tua nangawn kicing zo nawnlohi.
Gamdang paikhia Zomite in manthan ding namnih amanawh ihi aa,
Zomi nam pan mangthang ding cihleh
Tapidaw hihna pan mangthang ding cih namnih amanawh gige ihihi.
USA aa om, Zomite lak ah, Tulsa khua aa Zomite ong mangthang masa hetlo dinghi. Na up kei uhleh na encik un. Hunkhat lai-in Zomi-Pasian nasemte hangin Zomite mah in zahko, zahpih, nuih genna angah khua ahihi.
Zomi pan ih mangthang phial zongin ong Piangsakpa kiangpan ih manthang lohding thupi mahmah dinghi. Ong Piangsakpa kiang pan ih manthan kei naakleh Zomi pan mangthang loding hihang.

Lst sangkah nuih zaakna in gen ihihman in tukum sanghon(June) teh Kawlgam Lst sangte ah Zomi (Tedim) kua mah om nawnlo ci-in kazahi. Kang/bei tahi. Nidangin sang naupang atamzaw Zomite ahihhang, tu'n Zomi Lst sang naupang omnawnlohi. Pasian in, no nuih zaakna ding ahihleh ci hikhangel dinghi. Tua ahihleh ong dah huai mahmah dinghi. Pasian in Zomite ong zatsawm nawnlo cihna ahihi.
Pasian pen Zomite tung ah, nidang Tapidaw suahcil zah in lungduai zo nawnlo ahihman in, nuihzaakna, ciamnuihna aa ihzat khaak lohding thupi kasa hi. Ih gendingdang ihtheih mahmah kei leh, nuilo in om zaw lehang hizaw laihi.

Hang Khan Lian