Sat Dec 12, 2009 1:22 pm (PST)
Tu sawngteng Zonetah LIA leh TANG cih thu tawh kisai ngaihsutna tuamtuam ka na sim kha thei zel hi. Hi thu tawh kisai keima mimal ngaihsutna palkhat tawh kong nih thuah nuam hi.
LIA LEH TANG cih kammal pen la kam hi a, kampau-ah LIA cih kammal a kizat ngei lian loh hangin TANG cih kammal pen a thu tawh kizui-in khiatna tuamtuam nei in kizang kawikawi hi. Ettehna in; " Kha mawk zan ciang kha TANG lo hi, TANG tak in pai in, TANG loin om hithiat in, Buan nawi lakah moto TANG hi, TANG taaksih ka ne hi, TANG vei naupangte hehpih huai hi" cih leh a dang pawlkhat om thei lai ding hi. Hih, LIA LEH TANG cihna mun santaka kizang TANG cih kammal zong i lawhzia, a aw luanzia zong man zo lo deuh in ka thei hi. Tua ahih manin LIA LEH TANG cihna mun a, TANG i lawhzia ding pen, "Khat TANG sawl bang heina-ah, Nang kia in na TANG om kei in, Ngalkhaat zong TANG tat hi, Vompi ngal TANG maia tai lo hing," Hi lai mun santaka TANG cih kammal kizang i lawhzia, aw luanzia zuiin TANG pen lawh ding hi leh kilawm hi. Tua mah bangin hi lai mun san a, a kizang TANG cih kammal leh LIA LEH TANG cihna mun a kizang TANG cih kammal pen a
kibang hi a, a khiatna zong a kibang, koppih nei lo, a hih kei leh kholhpih nei lo cih a gen nopna kammal hi pah hi. Ni dang in pite -pute in, vompi- ngal tang a na mat uh ciangin innka taang dawn-ah han la sa in, "TANG in e, ka lung tup e, lung tup khua mual suah tang e," ciin tuang na kheng uh hi.
A taktak in ci lehang, LIA LEH TANG cih kammal pen la kam hi a, nungak- tangval a gen nopna kammal hi pha diak hi. Ni dangin nungak leh tangval zi leh pasal a nei nai lote pen LA/LANU-TANG/ TANGPA zong na kici veve uh hi. Zi neisa leh pasal nei khinsa ta nei nai lo tan pha in NUPI LA/PAPI LA kici a, huang khiat khawi leh vulh tan pha in, BAWNG LA, SIAL LA kici hi. Mi pawlkhatte in LANU/TANGPA cih kammal pen ei pau a hi o zah dong dingin ngaihsutna nei thei uh hi. Ahi zongin i khanglui ngeina late leh a diak in THANGKAAI LA sungah hih kammalte pen a kizang kawikaawi khat ahi hi. Tua ahih manin i ngeina la kammal khat ahih lam i phawk den ding kisam mahmah hi. Ni dangin tangvalte in a lawmngaihte uh zan kim zan khang in na heel thei zel a, khelahpipi-a a ciahsan ding uh ciangin, " Ciah ta ning e'i, Zotui LANU zan ciang zalmang pha man aw" ciin la tawh na kideen uh a, mangpha na kipia uh hi.
Tua ahih manin LIA LEH TANG pen man lo hi ka cihna hi laizang lo a, numei leh pasal genna la kam hoih mahmah khat hi a ci nuam ka hi zaw hi. Ahi zongin khangluite in "I la kawng hei dih ni" a na cih ngei zel mah bangun, lai tawh gelha i ciamteh ding ciangin tawm khat a kitel, a kician zawkna dingin nungak leh tangvalte min bulah LA/LANU-TANG/ TANGPA cih zangin, zi neisa leh pasal nei khinsate min bulah a kum i ciang tan phial ahi zongin a kilawm khawm khat ciangah LIA/TANG ci kammal zangin, a khanghaamzaw leh a taltaakzaw nupi-papite min bulah NU/PA cih mah zang to zel in, kum 60 tung siah piteek-puteekte min bulah PI/PU mah zang leng bang a ci tam?
Hih kong thusun pen a dik, a manpen hi ka cihna hi lo a, zat pah ding ka cihna zong hi tuan sam lo hi. Na khat peuhpeuh a zatna ding mun santakah zang thei lehang kilem,kituak, kilawm citciat a, a zat nading mun lopi-ah i zat khak ciangin kiha dawng thei a, khiatna mel nei loin maimang kha thei hi.. I thu i late kankan, puahpuah, zuunzuun ding pen mihing ngeina mul po khata piang khangthak Zomite tavuan ahih manin kikum phapha ni.
____________ _________ _________ __
From: mung tung
To: zomi@yahoogroups. com
Sent: Fri, December 4, 2009 4:25:20 PM
Subject: Re: [ZONET] Lia leh Taang
lia le taang vai pen tulaitak a a ki lutangpi sak mahmah Zamthuam pat hi se hi ven maw..
lawmpa' cih dan in abuai huai het lo thu khat ki buai sak gawp pong le'ng kitotna ,kiseelna
leh kilemlohna lam a manawh nawh nuam a a hanciam mahmah dan hi zaw mai lo di i hia ci veng eee..nang e na ngaihsutna bang ci tawm khawng ci dih ve!!!!!!!!
Re: Lia leh Taang
Posted by: "Eddie Hang" eddiehang@gmail.com
Thu Dec 17, 2009 8:01 pm (PST)
Friday, December 18, 2009
Hih Lia leh Taang vai pen e'n gen loh dinga i ngaihsut mawkmawk hang a
zangte'n zang, zang hithiat bek lo-in ei a zanglo dangte nangawn hong
zangsak nuam lai ahih manin minam makai-a kinei, minam kina kineite in bel
gen loha koih theih dingin ngaihsun khol ke'ng. Sehnel sunga lutang phuma
leitung ama thu-in na kiheihei lel hen, cih tawh kibang sa lel ing.
ZNC meetingah pen keimahmah in ka bila ka zak ahih manin, Lia leh Taang pen
vote lel khawng tawh beisak ding agente pen Zomi makai dingin i deih ding
hiam? cih hi sa zaw ing.
A gen nuamlote na om hithiat lel un la, minam it, minam kinte na gengen sak
un. Salai leh Mai khawngtawh hong meng cip nuamte deih lo hi hang. Zomite
sialek den' hong bangsak hih Salai leh Mai hi. Ko University kah lai-a thu
piang hi-a no tu lai khang khawngte'n, ko za kei ta ung, ci-in gen loh
dingin ngaihsun mawkmawk kei un. No khan' ma-i Zomi tampi khang khin hi.
Salai leh Mai tawh Zomi dangte a buaisak nuam a om laiteng gen kul ding hi.
Sehnel sungah na lutang uh na phum nawn kei un.
Eddie N. Hang
No comments:
Post a Comment