Kawlgam Ethnic Makaite in US Palaite Tungah

Kawlgam Ethnic Makaite in US Palaite Tungah Bang Thu Kisung
Posted by: "M L Thang" kaputhang@gmail.com
Wed Nov 4, 2009 9:20 pm (PST)



Naute no nakizen uh cin lungdam mahmah ing. Katha hongdawn bangin na
ngaihsun pah ing. Mailam ah zong nong zoptoh detding uh hong hanthawn ing.
Kuakua in bangbang agen zongin ih US palaite'n Zomi movement hong cidamsak
uh hilel hi. Ei' thupiitluatna zong hikhollo zawin adang ding na om mahmah
lo hi. Ih gengen sa mah bangin Zomi cih kammal pen Pasian' kiang ih apsa ih
min ahih mah bangin Pasian' sathaunilhna om gige hi. Lungkiatna ding malkhat
zong omlo hi.

Ih beh Kachinte zong lampi man hong tawnta uh ci aa ih pahtak mahmah laitak
in tutung in Saboi Yum samkha mawk uh in "Kobel kiteelna ah alutdingin
kigingsa in om ung" cigiap in asung vuah tulaitak tua thu hangin buai mahmah
uh hi. A minam it takpi te heh mahmah uh hi. Ama'n bel ama' angsung dingbek
mah ana ngaihsun himawk in amipihte khasiatpih mahmah ing.

Karen min tawh Sai Mon Thar' zi Rebecca zong pai ven "Keibel nainganzi
(politics) zong thei meelkei ingin ki dodo ki thahthah pen hoihsa keng. Ki
thahna abeitheihna dingin hong hanciam pih un" ci bilbel in sialua sam kei.

US palai pawl in press conference abawlna vuah kiuthum kituah kihona
(tripartite dialogue) mah ngen mawk ven hongpiang takpi leh ei' adingin hoih
mahmah sam naven uital te'n bel tuamah autlohpen uh hiveh aw. Thaltuk
lianding uh hiven.Tuatang aa NC ahei uh hi aa heikhialpian khabek uh in.
Thukhat pan bel pawlkhat khiapkik kulding cihtawh ngaihsun khol uh zong
hithei sam inteh.

Bangbang ahizong lungdamhuai veve hi. Lametna ni vaang khat hong taangkik
tawh kibang hi. Kawlgam in laimaithak khat hong hi acipa former Foreign
Minister Win Aung' sih ni tawh kituak sese ven lamdang sa bilbel ing.

Hanciamto Lai Ni !

Thangboi
Zangkong