Dawi te'n lenpih cih thu

Dawi te'n lenpih cih thu
Posted by: "Father Go Lian" fathergolian@gmail.com
Wed Aug 12, 2009 3:25 am (PDT)



Dear All Netters,

Augt. 8, 2009 Saturday ni-in Kawl Zozang khua a teng
tangval no *Kap Sawm Tuang* , a khualui ( A pa te khua lui Tuitawh ) , kum (
17 ) pen a bawng ci’n na pan in *numei 7 in kaigawp* in, tua a kipan bang
mah phawk nawn lo, thei nawn lo in, a zingciang Augst. 9, 2009 Sunday nitak
khuamial tungin, a mahpen Tedim Sakollam tualpi nuai ah ki khia in , tua pan
in khua phawk kik pan a, a tun na Tedim khua a hih lam thei lo, hih Tedim
khuapi tung ngeinai lo in, a mawk pai pai a leh *Laipian- Siang sawn* te ten
na khua *( Bualzang )* ah va tung kha in, tua khua Siang-sawn khua lut na
Gate ah, Duty a om te in, a mah pen bang vai tawh hong pai a hiam cih thu
limtak in na dong uh a, a mah in zong a ma ii pian zia teng a gen khit teh,
a mahpen Siang-sawn khua ten lup na ding bawl sak in an pia uh ci hi.

A zing ciang Augt. 10, 2009 Monday zingsang tungin
dong leuleu uh a, nang pen bang pawlpi na hiam ci’n a dot kik uh leh R.C
pawlpi hiing ci’n na dawng a, tua a hih leh R.C pawlpi thu um khat ko ii
melthei khat hong sap sak nung ci uh a, Tedim Myoma a teng Pa Leo Deng Hau
pen R.C thu um a hih man in thu za-sak uh hi.

Tua leh tua pa Kap Sawm Tuang pen 10.08.2009 Monday
nitak khuamial in Siang-sawn khua te’n a mah pen Myoma a R.C upa lui thudot
pi U Leo Deng Hau te inn ah motor cycle tawh puak uh a, U Leo Deng Hau in a
mau inn ah hih pa pen zan khat giaksak in, mawtaw sap guan in, 11.08.2009
Tuesday zingsang tungin, Tedim pan in Kawlpi lam ah Shwetazin Line Bus tawh
paisak suh kik hi. Hih pa ii a khua pih Kawl Zozang te U Leo Deng Hau tawh
Telephone ki ho uh a, a mau in Tahan a, a na dot ding uh ci’n mawtaw hawl te
tawh vaikhak in paisak ci hi.

*U Leo Deng Hau te gen na:*

Hih thu pen a man thu ci hi. Numei 7 in kaigawp in a
hih hangin a mai te uh pen hih pa in mu lo ci hi. An zong ki pia lo, tuizong
ki pia lo in, zong a gil zong kial lo dan hi tuak hi. A mah pen zong lau se
lo in, om hit-hiat lel ci hi. A bawng ci’n na a , a silh a ten teng mah kim
lai ci hi. A puan khedap leh a lukhu te zong kim lai ci hi. Tu-a pen a 2 vei
na kaih-khiat a ngah na ci uh hi. A masa a pen ciik lak ah ki khia ci hi.

Tu-a dan mah in a bei sa kum 20 val lai in zong
Saizang te Tama ( Co-operative ) lam a sem *sia Neng Za Hang* a ki ci zong a
khual zin na a, a lawm te tawh lampi ah pai khawm – Mualbem khua pan a, a
ciah pen a dailen ( zun-thak ) na pan in, a lawm te kiang pha nawn lo, ki mu
nawn lo, tuni dong ki mu nawn lo in, a puan silh leh a kawllukhu pen,
ken-baang khat ah ki mu kik in, a mah pen tuni dong a mang suak ci hi.

Tuzan Augt. 11, 2009 Tuesday nitak in zong Tedim
Myoma kumpi Bank mai a misi om na misi Pa Suan Gin Hang kum 65 si inn pan
in naupang no khat a tai pak pen , ki zongzong in, a tawp na ah Lawibual
hausa pa in ah kimu kik cih thu khat zong om zel ei.

Hih a tung a Kawl Zozang a *Kap Sawm Tuang* thu
pen Tedim khua-Myoma a teng *Pa Leo Deng Hau te: Phone: 070-50028 leh 50559
ah kidong thei hi.*

* OR*

* *E-mail: leocafetedim@ gmail.com

Ah zong kidiong thei hi.

Thupuak::

Fr. Go Lian

Tedim.