Gin Khan Nang' La Phuak-1985

Ka La Phuak-1985
Posted by: "Gin Khan Nang" nanggk@yahoo.com nanggk
Thu Sep 17, 2009 11:20 pm (PDT)



Lawmte,
Khatvei ka laibu teng ka pheklek a, Zo Aw sunga ka laigelh ka mukik hi.. Tua pen laigelhzia sinna-ah ka pai lai a, laigelhzia ka phuah hi a, a nuai-ah a sim nuamte adingin kong gelh hi. GK

Rev. Khup Za Go in Gauhati-ah Christian Literature Centre ah Director a sep laitakin Sept. 26 pan Oct.7, 1985 ni 10 sung "Writer´s Workshop" kici laigelh kisinna Gauhati a Mission Compound sungah hong bawl hi. Tua lai-ah kei zong CBA Pawlpi tangin ka kihel thei hi. La phuak ding ka lungsimah hong omin minam tuamtuam pai khawm teng min loin la ka phuak hi. Meter leh Rhyme zui a kiphuak hi a, hih a nuai a bangin Zo Aw ah kisuaksak hi.

WRITER´S WORKSHOP: GUWAHATI


Khangthak momno lailung pilte´n,
Siamsil laikung tui tawh gawm te´n;
Sianmang simthu sa bang ciahsak,
Len thelnah tawh va bang leengsak.


Namcih vontawi khau bang kizun,
"Writer´s Workshop" zalai min lun;
Banzal zawikaih siam bang sinin,
Gauhati tual lenna´n nei-in.


Tedim, Lusei, Naga, Khasi,
Rongmei, Chakhesang, Ao, leh Adi;
Sianmang tongdam naubang sang khawm,
Tung Pasian min lam bang paak khawm.

(Zo AW, Oct.-Dec.1985: 18).