Posted by: "Nau Dal te" naudalte@yahoo.com naudalte
Wed Jul 15, 2009 7:02 am (PDT)
Paul Thangpi te Sia TVL te gen peen maan sa ing.
Guai te aw, tang thu a om sa, laih (kheel) sawm kei ni.
Zong laih zo kei ni. A kilaih thei ding zong hi kei.
I pu i pa te zong thu dong ni.
Ei up mawh bang in thu gen kei ni.
I theih kei leh dong ni.
I Tedim khuapi, Tonzang khuapi te leh Zangkong ah
hong hilh cian thei ding kawlkumpi, mangkumpi te in zong
mipil a' hong ciaptehsak upa khang ham tampi nung ta lai.
Tedim mi, Tedim pau a ki cih peen hih Zonet a zang ei khempeuh te
suah mah pek pek in a ki zang khin hi.
A hi sa peen a hi mah hi lel hi.
--- On Wed, 15/7/09, Thang Van Lian
From: Thang Van Lian
Subject: Re: [ZONET] tedimmi(chin) hi keng......
To: zomi@yahoogroups. com
Date: Wednesday, 15 July, 2009, 3:45 PM
Lawmte,
"Zomi pau" hi, ci a gen ding hi thei kei deuh veh aw.
Lawm Paul Thangpi' gen dan mah hi pen sa ing.
Tedim hihna i identity sungah piangthak khawmin kithu tuak leng Zomibup kihuai zo baih pen dingin um ing. (Pau tawh kisai diakdiak ah ka cihna hi).
Lian, Seoul
2009/7/14 Nang Lam Cin
Guai te,,,,
Tedim pau pen maw"" na theihnop leh ,.... Gawng khua tawh, Lamzaang khua tawh, Ngennung khua tawh leh lailui khua te pau hi venn,,, tua lo te bel, Teizang, Saizang, Sihzang, Dim, Khuano, Vaiphei, Zou, Thahdo(kuki) , Hualngo(lushei- mizo), Phaileng, Khuangli(simte) , Gangte, Guite(paite) , losau pau hi mah ei.. Tua a hih teh in pau pen ZOMI pau ci lel leng,,
Kigawm aa pau kizangh khawm a hih leh ZOMI te pau hi cih ding hi sa lel ingh ee. Ih kibat saknop leh ZBC labu Zolai tawh ki at peen bek zangh ni,,,, A kee te zangh nawn kei pah leng eee,,, Ih Laisiangtho sung laimal te leh Ih Labu te laimal kibang leh hih bang thu gengen kul nawn lo ding hi...Tedim khua peen a kiu li pan aa omkhua a tung a teng in umcih in a pau uh na kibangh a hih man in a kibang tampen kizxangh hi lel hi.
Tedim pau ci ci nawn ken laa, ei pau ei lai ci zaw in ,, ei te ZOMI te, ei te ZOMI lai zangh te ,, a tom in zolai, zopau, cih pahpah ding hi sa ingh.. San lahna a om leh kikum toto ni ee,,,,,
Nacin
--- On Wed, 15/7/09, Paul Thang
From: Paul Thang
Subject: Re: [ZONET] tedimmi(chin) hi keng......
To: zomi@yahoogroups. com
Date: Wednesday, 15 July, 2009, 1:14 AM
T - Tedim pau ei ma pau.
Pu Ngeisok cihmahbang-in Tedim pau icih anei peng ki omlo in Teizang, Saizang, Sihzang, Dim, Khuano, Vaiphei, Zou, Thahdo(kuki) , Hualngo(lushei- mizo), Phaileng, Khuangli(simte) , Gangte, Guite(paite) , Losau pau teng gawmkhopna pan hong piangkhia pauthak (Common language) ahi hi. Gentehna tomno khat-
Kaw pai ding? cih laigual en pak leng:
Kaw pai di? = Saizang pau hi in
Kaw pai ing? = Teizang pau hi in
Kaw pai di + ing = Tedim pau hi.
Tedim pau pen pau hoih le pau zatnop mahmah khat ahi hi. KVBA (Kalay Valley Baptist Association) sung ah Haka le Falam te a taikhiat ma in Pawlpi sim Choir kidemna kinei zel hi. Choir kidem na ah Tedim kam, Haka kam (or) Falam kam tawh la kisa thei in Natchaung lam a Falam kampau Pawlpi pawlkhat bang Tedim kam tawh Choir hong sa zel uh hi. A mau Falam (laizo) kam sang Tedim kam tawh lasa le uh ngaih zaw, tel baih zaw sa uh ahih man hi. Ei Zosuante bek hilo midang ten zong ih Tedim pau, amau pau sang' zatnop na sa zaw uh hi.
Tedim pau in pau hoih khat hi in Zosuante hong gawmkhawm pau zong ahi hi.
Note tawh Tedim pau azang khawm,
Paul Thangpi
Germany
2009/7/12 Tl Ngeisok
Tedim hi keng; tu hun mi pawl khatte pau bang in hong pau leng kei zong tedimmi hi lo in tuma 1950 tung siah hun lai in ka pu leh pate uh pen tu hun in paitepau/paitemi i cih te hi uh in a pau te uh huai ash hiai ah zangte ka hi ngei uh hi.A hi zong in tu hun ciang in zomite lak ah tedim pau sit pen leh tedimmi sit pen khua lak ah khat a hi ding in Bo sing khaw Khai in a lai gelhna khat ah na gen ngei hi.Tedim kampaumi or tedimchin cih pen khangno mahmah lai in a tangthu sutnop mahmah lai lel hi.Chin hills mikang te in SDO khen thum in hong khen uh ih tedim,falam leh haka in hong khen ciang un tedimchin official in hong ki zangpan hi lel hi.Tua tedimchin te pen tedimgam sung mite hi a,tuciang in tedim,tonzang, laitui,kaptel leh cikha township teng huam kha hi.Tom gen pak leng ciimnuai ta teng hi pah hi.Burma Handbook 1943 ciaptehna zui in tedimchin cihte pen,Thahdo,Kamhau, sokte leh siyin ci in ki ciamteh hi,falamchin cihte pen,tashon,lombang,
laizo,khuangli, whelngo lehyahaw ci in ki ciamteh hi,hakachin southernchin cihte pen,hsenthang, zhotung,lawhtu, vamtu,haka, yokwa,klanklang, bwel lehkwalringtlang ci in ki ciam teh hi..
Zomi sung ah tedimchin hi keng a cithei namte; mikang kumpi khenna zui in falamgam leh haka gam mitre hi in tua lak ah hualngo(mizo) te pakha lo ding hi lai hi.
Tedim kampaumite; Tangthu ki sut kawi2 na zui in tanglai in tedim khuapi ah teizang,sazang, dim,khuano, vaiphei,zou, thahdo(kuki) hualngo(lushei- mizo)phaileng, khuangli( simte)gangte, guite(paite) ,losau teng tengkhawmna pan in pauthak (common language) khat hong piang khia in tua pen tedimpau or tedimchin ki ci hi,hi a tung a minamte tedim kampaumite hi a,a theilo a zonglo te zong a zangding te a hihi.
Tedimkampau zangte hi keng; sa ci thei ding zomite sung ah Falamgam leh hakagam mite hi a tua lak ah hualngote hilo ding hi.
Tedim kam in hong gawmtuah; Tibet mogolia leh sengam pan in zomite i pai khiat ciang in vai tuamtuam leh thu tuamtuam hang in i pau i ngeina themkhat tek hong kat ciang in,Pasian in unau teng hong khen thang nuam lo in eipilna siamna hauhna leh hatna tawh cikmah hun ciang i bawl zawh ngei loh ding zomi tedimchin teng hong gawmna in pauthak khat hong pia a tua pen tedimpau a hihi,tua i pau in khat leh khat hong ki it sak,hong ki lemsak.hong ki pumkhat sak leh khantohna zong hong pia hi.hi bang in zomite kalsuan henla minamlian suak hen cih a deih mi khempeuh in hi thu leh i pasian thupha phawk in tedim pau zang ta hen.Amen...
Tedimpau tawh zomite gawm lai ding; a tung a minamke teng in,i tedimpau leh lai limtak it in puah in zun in kem in i sep tohtoh ciang in i sanggam falam leh haka gam leh mun tuamtuam a om zomi pih te hi i tedim pau tawh zomi sung ah ki lemna,ki pumkhatna,ki itna leh khantohna a pia ding in pasian in i minam sung ah hong teltuam te i hihna phawkta ni.
Zomi in hong gawm; mikangte,kawl te leh vaite in,i min i puam lo pi in hong sapna hong theihna te uh pan in ei mahmah i ki sap na,tedim gam ah a na kem kha lai zoute,falamgam ah laizo leh hakagam ah hzotung cih bang in hong mang thang sak tuanlo in tua hang mah in st Haugo in zomi baptist convention tawh hong dinpih zawh na phawk tek in zahtak ni.tua min pen pasian in thu pah hong piak sak in leitung uno,india leh kawlgam muntuamtuam ah i min a hihna hong theihpih uh a hih man in Topa i phatphat hi.
No comments:
Post a Comment