Fuller Theological Seminary

Fuller Theological Seminary
Posted by: "J.M. Ngul Khan Pau" jamangpau@gmail.com
Thu Jul 23, 2009 3:48 am (PDT)



Zonet a sim u leh naute

Zan nitak lam (21st July 2009) nai 1:00 in Los Angeles vanleng tualpi ka
tung uh hi. Kolkata panin July 20 ni zan nai 12:00 a lengkhia, Singapore
Changi airport zing nai 6:00 in ka tung uh hi. Tua panin zing nai 9:30 in
ding leuleu in Narita (Tokyo) nitak nai 5:30 (nai guk sung leng) ka tung uh
hi. Narita ah nai khat vai deuh khawng a khawl zawh ciangin Los Angeles lam
zuanin kipan leuleu a, nai 9 sung vingveng tawlnga loin a len zawh ciangin
Los Angeles ka tung uh hi. Los Angeles International Airport ah Dr. Chin
Khua Khai in hong na dawn a, maitai takin "Cidam in hong tung maw?" hong cih
ciangin nai 19 sung vanleng tuan gimna teng bei hiau tawh kibang hi. Ama
mawtaw nuam pha mahmah tawh pai in Fuller Seminary, Pasadena ka tung uh hi.
Ko om nading innah Sia Gin Khan Nang (Tulaitak Ph.D. sin lai) in aksa,
anntang, dawn ding thei tui leh nahtang cih bang hong puak in vaidawn
thungetna hong neihsak hi. Vanleng tual panin inndong, innah zong hih banga
hong muak siate hangin Pasian tungah lungdam thu ka puak uh hi. Hih bang
hamphatna leh deihsakna ka ngahte uh ka et ciangin, David Kham la "Jesu hong
itna bek hi" cih leh Pumkhothang la phuah, "Topa ei di'n hoih na e" cih ka
lungsimah hong suak hi. Topa ei adingin hoih takpi hi. Thungetna hong
neihsak u leh naute, mawtaw kha nih sung hong zangsak Dr. S. Neng Ngaih
Lian, kum 12 ka omna inn uh ka nutsiat ding uh cianga sep leh bawl ding hong
huh Dr. Hau Za Chin leh Nu Gin Ngaih Ciin, note khempeuh tungah lungdam thu
kong puak hi.

J.M. Ngul Khan Pau
251 N. Oakland Ave. # 4
Pasadena, Los Angeles
CA - 91101, USA