Lamdang veve isa kha diam?

Posted by: "Tongseal" tongseal@yahoo.com tongseal
Wed Oct 21, 2009 8:01 am (PDT)





Enoch pen, leitung mawhna hizah tam lah ah, Pasian maitang aa siangtho sinsen in nungta hi. Pasian in leitung aa a nuntak ding paamaihsa in Vantung ah a hingtang in, na lato hi. Asiantho mahmah laitak, vantung aa lato pah kei leh mawhna sung aa zongh sikik thei ding na hi veve hi. Ama ii van, ahingtang aa a kah pen, leitungmi te sihna ciamkha lo in, vankah ding tampi om ding cihna lim la khol hi.

Lesson
1. Enoch a siantho lai tak in, Pasian in vankah sak.
2. Tua mah bang in, leitungmi khangno khangham tampi zongh, a pianthak laitak, a siantho laitak in, Pasian in, a nuntakna laaksak thei hi.

Moses zongh pen, Israel mite i spiritual leader khat hi. A hihangin, amah zongh mawhna na bawlkha zel hi. Misiangtho te in nungtolh thei hi. Moses zongh Pasian teltuamsa hi. Misiangtho hi zel, mawhna a bawlciang misiangtho lo hi zel hi.

Ahihangin, a sihma in, amawhna kisiik kik ahihman in, Topa Zeisu in maisakna napia hi. Satan in Moses pen, mawhna sung aa, a si na sa kha hi. Kei aa hi na ci khin hi. Ai hang, Zeisu in, Moses a mawhna kisik kik khinta hi, ken maisak khinta ingh na ci hi. Moses asihna pan thokik in, vankah hi.

Lesson
1. Misiangtho te zongh, mawh kik thei.
2. Ih sihma mawhna i nusiat a, ih kisiik kik aa leh Zeisu khutsung pan, Satan in sut zo tuanlo.

Peter leh Judah siakazuh zongh Zeisu in a nungzui ding in, a telsa hi. A nih un Zeisu nungzui te hi khawm hi. A nih un, Zeisu melsia khawm hi. Ahihang in, Peter kisiik kik in, Zeisu in mawhmaisakna pia hi. Judah siakazuh ahih leh a mawhna kisiikna maan tawh kisik kik lo in, amah na leng na kithat mawkta hi.

Lesson: a theih huai
1. Zeisu nungzui te zongh, i pianthak khit kimawh thei lai hi. Kisiikna maan tawh i kisiik kik kei leh gupkhiatna kitaan thei veve hi. (once saved always saved hi lo hi)
2. Gupkhiatna isaan ni in, van a kikah pan hi lo a, leitung mawhna tawh a kidim sun ki om lai hi. Satan in, hong khembawl ding hangsan tak in kisasa lai ahih man in, Pasian telsa te na ngawn, nungtolh sak kik thei hi. Gupkhiatna tan sak kik thei hi. Tua man in Ei leitung mite Pasian khutsung ah a khuavak imuh dungzui in, nisim i nuntak ding a kisam ahi hi.

Pu TS