Posted by: "gen mung" Genmung@gmail.com
Mon Oct 19, 2009 7:36 am (PDT)
LAITEI DAN LEH LAI GELHZIA
AGELH – PA SIAN CIN ZAM
TUUN NGAIH TAIH
PINLONG ( 8 ),
KALAY MYO
Pasianin ei ZOMI te hong tawisang hong lamto bek hilo –in, hong lawnto hi
zaw a lai thei lo te nangawn USA hong tungsak hi. Laipil na zong kikhang to
mahmah in, ipawlpi tek ah, laisiangtho leh ZBC labu i neituam ta hi. Ahi
zongin, ei ut tumtekin, laimal, kammal laih in, itei thopmang gawp a,
nopnadahna mun te ah la nangawn ki sakhawm thei nawnlo dinmun ciang itung
tazen a hong pilvai lo mahmah hi. I kiim’a, I Zomi pih ten bang hong cimuh
ding uh hiam? Tham loin, mailam ah i khangno ten a kualaitei dan, akua
laigelh zia maan pen hiam? Ci-in, buai kipat na in, a neih ding uh pa
tauhhuai mahmah ahih manin, i minam leh i kampau, i laite ka it manin, a hun
lai in ki puahpha leng ci-in, hih lai kong gelh hi.
BANGCI KI PUAHPHAT DING
1. LST leh ZBC labu kammal, laimal kimawklaih khempeuh zangh nawnlo
ding.
2. Pasian cih nang’ Dawi ci kha ahih kei leh laimal kammal mawk laih
nawn lo ding
3. Mi’ laigelh sa, mi’ laphuah sa ideih leh phalna ngen phot in, zangh
pan ding
4. A.G. Sia, Thang Za Kap in ( 90% mite nun zia) laibu kawm lim
hongngen in ka pia pah lel hi.
5. Laimal I zatloh, Q, W, R, Y , F , J , X. te leh I min ( Mung pen
Moong) (Pum pen Pome ) ( Lian pen Lyan ) izat ciangin pil hong kici loin,
kipilsak hong kici hi. Mung in khiatna nei a Moong in khiat na neilo hi.
6. Laimal, Kammal kinai, ki gamla, laimal pi, laimal neu zatdan te a
kipan, kammal tawlnga, kamkhak na, , . / * & @ ! > < \ | ‘ “ ‘ ‘ ci’ cih te
zang thei lengi lai thupi sak in simnop mahmah ding hi.
7. Hih pen, Zolai zuun makai te leh ei lak ah Zolai tam agelh zawdeuh
teng in lai gelh zia hong ki bangsak le uh cin i gam zelbaih pen ding hi. Tham
lo in
*i* khat zat na *ii* zat na, *ih* zat n ate zong laigelh khempeuh in ki
bang sak ni. Ih peh ihmu bek aa king zangh hi.
ZBC LABU TEIDAN ENKIK NI
1. A khiatna kibang veve kammal laimal i laih teh, kigamla mahmah in la
kisakhawm theilo hi.
2. ZBC 416 - Khaici manpha vawh un cih pen ( *tuh un, phum un, theh
un, paai’ un, khia un, lawn un , pawi un , ciing un, cih kul sese lo
hi*.) Vawh
mah man pen hi. (*Pawlkhatte lam gei ah , ling, suang , leihoih cih te ah
tu** )*
3. Phat ve un cih pen, ( Phat ve vua, phat vuau leh, phat dih un, phat
gawp un, phat dih un, pahtawi un, thang sak un, phat ziahziah un cih kul se
ding hiam?
4. ZBC 41 – Bangzah na lian cih pen, ( *Lian si cia maw, gol si cia
maw, gol, ngeeng,zaa, zai, thuk, sang , sau hi* )cih kul ding hiam?
5. Zeisun’n anbang hong itna pha lam bang ( puak) zaila sani hilo – in,
( *Lambang paak’*) hi zaw hi.
6. Thangvan dawng i tun ciangin, cih pen ( *Vantung ah, lengvan ah,
vansang ah, sangvan ah, tungthang van* ) cih sak thepthup kulse lo-in, agelh
masa ta mang lel ding hi hang.
7. Ka vagammang mualtung khua paam lak ah hi lo-in,( *Khuadam lak *hizaw
hi.
8. Laimal ki khial te leh, lakam I telloh te, leh a ki mangngilh te bek
puah lel ding hi.
LAISIANGTHO TEI DAN EN KIK NI\
1. Matt. 28 : 1 –“After the Sabbath, at dawn on the first day of the
week…” cih pen Sabbath ni bei khit, Nipi ni zing sang in, Zeisu thokik hi,
ci ding hi zenzen lo a, Cope topa ong teisak mah bang in, “Sabbath ni bei
khit or nipini bei khit ni sagih lakah ni masa bel ni cih ding hi zaw hi.
2. REVELATION – Hih pen, Direct in tei leng, lahkhiatna, tell ah na,
pulak na, cih te hi kha mah ding hi. Ahi zongin, mailam thugen khol theih
te, mi’ muhpih loh a mute, misi ding a theikhol te pen, Tedim mite’n
mangmialmual ki ci hi lo hi. Hih zong Cope topa’ hongtei sak s amah maan
pen ding hi. Direct, vive in teini ci leng Sakhi tui huup, kawl lai in tei
leng a khait na dawk thei lo hi. (Daye kah yii soh de ) cih peuh hi lel
ngel hi.
3. Isaiah 66 : 23,24 – Vanthak leh leithak ah, kami te in Sabbath khat
pan Sabbath khat kamai ah hongbia dinguh hi, cih pen, a lai gual bup in
kigelh lo hi. A mangngilh i hih leh thukhat hi-in, agelh nuamlo ihih leh
lauhuai mahmah ding hi. Mangmuh na 22 : 18 kua mi kuami hi ta leh hi laibu
beh lap aa, a lakhia a om leh hih laibu sunga gimna khempeuh thuak ding hi,
ci hi.
4. Luke 23 : 54 – Zeisu sihni pen kigin ni hi a, cih pen nipi zawh
ninga ni hi a, cih ze zongh kul lo hi. Judah te’ laisiangtho ki zang hi.
5. Mi laigelh sa itei kik ciangin, ei upna, ei deihdan, ei hoihsak te
hem khiaphot in a kigelh sa bang in tei phot himhim leng thu maan te leh
mipil te i taang zaw ding aa thupha i ngah zaw ding hi.
MITE’N BANGGEN HIAM?
1. ZBC Labu sangin, a masa a, Tedim labu, Sia Po Ku, Tun En, Vial Nang,
Dam Suan , Cin Langh, Khup Thang, Ngul Suan, Dam Khup, On Khua Neng te in
November 21, 1923 kum a, abawl te uh hoih zaw ki ci aa tu lai aa, laimal ki
laih thopthop te sangin ZBC hoih zaw ki ci leuleu hi. ( *a hang in pawl
lungsim tawh tei lo in Pasian phatnopna lung sim bek a neih man uh hi zaw*
2. Tu hun a, LST ki mawkteitei te sang in, Cop topa’n ong teisak
maanzaw in I lungsim hong bunzaw hi, ki ci hi.
DEIHNA PUL PI
** Zomi te in thu i gen ciangin, kipumkhat na ding i tam gen pen
hi. I kipumkhat theih na ding in, ( ingeina, ikampau, ilaitei dan, kibang
sak thei leng i kipumkhat baih pen ding hi. A telsiam ding leh a kipuah
nuam, a ki kheel nuam ding in, Topa Pasian in lungsim nip, hongguan tek ta
hen.
*2004 kum a ( 90% MITE NUNZIA) laibu pan a kong tei khiat kik hi.*
No comments:
Post a Comment