Lam lak aksipi

Zozaam:Lamlak Aksipi
Posted by: "mc khaipu" mckhaipu@yahoo.co.in mckhaipu
Tue Dec 22, 2009 12:43 pm (PST)

Dear All
Hih pen Zozaam(Weekly) Christmas Special issue Editorial a ka gelh a hong tung ding nimit 25 Dec a ki hawm khia ding sung pan kong suah khiat masak hi.

Thulu: Lam lak aksipi

Lai Siangho Mun: Amaute in aksi a
muh uh ciang in lungdam mah mah uh hi.

Mat. 2:10 (ZIV)

Mipilte’n Jesu hong piang ding Aksipi leh Kamsangte gen-kholhsate tung pan in a
thei a hi uh hi. I Lai Siangtho limtak sim leng mipilte Israelgam a zin patna uh khong zong hih tuak hi.

Bang hang hiam cih leh Aksipi zuih cihtak a zui uh hih tuak zaw mawk hi.
Ei Chennai Zomite tawh ki khiatna om lua lawm lawm lo hi, ei zong Chennai a zin
ngei zong hi lo. I khua ciat pan ki pan in Chennai ah nasem in, I sep kawm mah
in I biakna mangngilhlo hi. No pawl ko pawl cih ding omlo in in Zomi Christian
Fellowship Chennai bang I na phuan khia khin zo uh hi. Tuni in zong Zomi Christian Fellowship Chennai min mah tawh Lungdam Pawi(Christmas) I zang uh hi. Hih bang in Zomite a hong huai-khom I biak Pasian min ka phat hi.

Miplite’n a hong kipat khiat uh a
ki pan aksipi a hong zui uh hi; cik in
zong a ki thei ngeilo ngen hih tuak zaw lai sawm sawn uh a hih man in thupi hi.
Ei zong inn-lam, leh khua lam zong a ki theilo tampi tak Chennai a Zomi I om
hi. Tuni in lawm leh gual, zi leh ta a hong ki nei tawm Zomite tampi om I hih
man in mipilte tawh I ki lamdang na uh a om kei hi.

Mipilte Judea gam a hong tung tak ciang un, buaina a om pan hi. Amaute in a zuih gige uh aksipi a mang ngilh mawk uh. Judeagam a hih man in Jerusalem
khuapi a piang ding in tuat in a va delhipah uh hi. Hih pen tu laitak mah mah
in ei Chennai Zomi sung ah a piang thu hi. Ei pilna leh siamna, ki maunna tawh
na I ong sep ciang in buaina a hong piangsak hi. Zomite’n ki pumkhatna na ding
geel in a zing a zan in, buai in, a suk tai, a to-tai om laitak hi.

Chennai ah mi bang a tam zong hilo, mipil mi siam a tam lua venvan zong hilo hi. Pasian na sem mah kisa sa in a leh lam satan na sem khat zong a leh suak theih khat hi in ka um hi. Hih pen mipilte’n a zuih gige uh, a gam pan a hong zuih khiat uh aksipi limtak a khawl dong na zui le uh Jerusalem ah thathawn in va tunglo ding uh hi.

I Lai Siangtho mun teelna ah “
Lungdam mah mah” uh cih na gen uh hi. Mipilte lungdam zia ding ka ngaih sut
ciang tulai zawl laikhak mute bang khat in nui hieuhiau kom in om kei ding uh
hi cih ka ngaihsun hi.

Bang hang hiam cih leh
mipilte’n Kamsangte gelh thu thei napi in zuilo in, Jerusalem va delh tei tei uh hi. Pil a ki sak
uh pen a pil lua a hih loh lam uh kiphawk thak uh a hih man in a lungdam lua
mah mah uh hi dingin zong ka tuat hi.

Tuni in ei pawl zong mipilte bang in, i ki patna uh theilo in, leitung minthanna leh pahtawina ngah
nuam man in Jerusalem
I delh khak ding uh lau huai ka sa hi. Jerusalem lam i va tung
zong un, bang mah i mu tuan kei ding uh hi. Bang hang hiam cih leh Bethlehem
khua ah Jesu a suak ding a hi zaw hi.

Topa’n mipilte aksipi tawh lam a
lah bang in Zomite leh Chennai ZCF tu
leh a ton tung in hong makaih ta hen
la, sun ni sa I thuak zawhlo ni in zong
i ma-ah meilum bang in hong tuam hen la, belh ding neilo, mang bang in I om ciang in zong Amah meikuang in I
lungtang tha hong pia leh khauhsak ta hen. A teel siamlote teel siamna hong pia
ta hen!