Zomite' An duh namte

Posted by: "Hang Khan Lian" hangkl@pacific.net.sg
Tue Feb 5, 2008 8:35 am (PST)
Lawmte'n uisul thu ong gelhgelh bek hilo in, sau veipi ihduh lo ahiphial zong in neek khat a ih lunggulh mahmah an namkim tawh ong zom toto uh ahihman in,Zomite duh namte, Zomite' gong ngaihsun khadihdih ing.

Gatam tui

Gataam tawh lah kibawl thei, be, buh khawng tawh zong kibawl thei in, ane ngeilo te ading nek sateng suahkhiat kik nading lian ahihhang Zomi te ading namtui vangvang hi. Cii nop mello in kisil ngei kei lehang gataam kinam baih mahmah hi.

Sathu-um

Kei bangin ka neek ngeilin lohhang, asiangtho aa sa ki ui sak (adiakdiak sa thau naam) hi-in neek theih in ngaihsun kei lehang, sau vei kikoih, hankuang bitlo gimnam dingin ka umhi.

Be-ik, be-uih, bekanBe-kan huanmin in, amin khitteh anam dong kiilh hi-in, tuak kei lehang anam dan khauh ahihhang akituak vanglakte namtui ihsa mahmahhi. Ankhing sauvei kinusia tawh anam kibanghi. Anam ma, akidiah laitak in thukkhia in sathau tawh kanggam lehang lim zaw kaan lai ahihhang, Papii pawl khat in anam viauviau ma lim sa zaw uhhi.

Khuaino

Ataktak in than namkhat ahihi. Tuhunteh ihduh zongin kine zo nawnlo, ki mukha nawnlo hi. Lung/than cihding hi-in minamdangte' n duh hetlo ding uhhi.

Zasan/Kawlsing tawh kisaiLo namsia, khaanglaang, lengmasel cihte leh lothangkang/ san bul le ateh su-khawm ding.Sing apa silsil aa le-emding/ at ding in ci tawh phulhding.Tu hun ciang Kawlte ngapik, ahih kei leh nga-chauk/nag- keu cih zong ki ne thei mahmahta hi.

Hih atung aa teng pen, vaimim leh gataam tawh meh lehang, gilmul vangliang aa a ne zo Zomite ihihi.Hiteng duh dihdih minam akiman nading bang a omtam?Hih atung aa lianteng minam dangte nesak lehang, avek aa neekkhawm gengen loh nam khat nangawn anezo minam kikhaat mahmah dinghi.Tua ahihman in Zomi te'n ih neek bangbang lim asa minam ihihi.Neek bangbang lim asa minam pen Pasian in azat nading nathei aa, koikoi ah ihpai zong in, neek leh dawntawh genhak hetlo ihhihman in, Gospel taangko nading aa hoih mahmah minam ihihi. A uih, anamsia theithei ane zo pa, anamtui theithei napiak hang ongawk, onglualo in genthei kisa hetlo dinghi.Zomite pen ihgil avah naakleh athasial hetlo minam hi sawnsawn hihang. Tua ahihman in,Topa aw Zomite ong gilvah sak peuh lecin, Nang ading thasial hetkei ve-ung aw! cih ih pianpih lungsim in ih Topa lungdam sakdingin ka-um hi.No ee koi ci-muh.hkl