Hell gam paina lampi

Posted by: "Tual Khan Suan" zolentang@yahoo.com zolentang
Sun Apr 27, 2008 7:05 pm (PDT)
Hell gam paina Lampi:Tual Khan SuanKawlgam galkap te’n 1988 kum in gambup thuneihna sang pen a buluh khit uh ciangin 1993 kum pan Kawlgam thukhunpi ding gelh kipan uh hi. May 10, 2008 ciangin tua thu khunpi kipsakna ding in gam mipi te’n thukimna la ding ci uh a, gam mipite linglawng mahmah hi. A hangtampi om ding hi. Tuate sung pan khat ah galkapte pen mipi deihtel palai hi lo uh a, gam bup thu khunpi gelh theihna ding thu neihna neilo uh hi. Gam khat i thukhunpi gelhna ding ah tu leh tu thupiang teng bek tawh enkak a gelhna pen khialhna tampi om hi. Tua bangin Kawlgam bup thu khunpi gelhna ding mun ah zong a beisak Kawlgam tangthu’ etkik ding kisam hi. Kawlgam sungah Mangkangte hong lutma hun a, tangthu i gen nawn kei ding hi. A hizongin i gamsung ah Mangkangte hong lut khit thu leh suahtakna i ngah zia thu pen Kawlgam bup thukhunpi gelhna ah thapia ding leh bang ci gelh leng gam nuam suak ding cih panpih ding lamen ka hih manin ka pulak kik ut hi. 1. Kawlgam sung a teng minam te a mau leh a mau ki-uk a, a suakta minam a hihi. Kawlgam sung a teng minam khempeuh pen mangkangte’n hong luh ma hun un, a mau leh amau kumpi a nei vive, leh a suakta minamdang khutnuai a om lo vive minam a hihi. Mangkangte’n 1824 kum ciangin Tanintari gamkai teng leh Rakhaing gamke teng hong la uhhi. Tua khitteh 1850’s kum kim pawl in Kawlgam khanglam (nidang a Mon gamteng) hong la leuleu uh hi. 1885 kum ciangin Kawl kumpi ten na Mandalay hong la zo uh a Kawl kumpi King Thibaw man in Kawlgam pen mangkangte khutnuai ah koih uh hi. A hizongin tua hun lai in Zogam, Kachin gam leh Shan gamte pen mangkangte tung zo nailo uh a, a suakta gam in om lai uh hi. Mangkangte in kawlgam a lakzawh uh ciangin a kiim leh pam a om kumpi neuneu teng a banban in sim in zo toto uh hi. Tua gamte pen Kawl kumpi ukna nuai a om sa gamte tawh hong gawm khawm uh hi.A hizongin mangkangte hong lut hun a kipan leh a pai khiat kik dong un Kayah gam pen a suakta gam in om a, buffer state in kikoih hi. Tua bangin Mangkangte’n kawlmite tenna gam leh mualtungmi te tenna gam a hong lak zawh uh ciangin kumpi khat nuai a om khawm ngeilo i hihna hong thei uh a hih manin ki-uk zia (administration system) zong a tuamtuak hong pia uh hi. Kawlmite tenna mun diakteng pen Proper Burma ci uh a, mualtung mite tenna mun teng pen frontier areas ci’n Upadi zong a tuam in bawl uh hi. Hih pen minam tuamtuam i hihna lahna leh a suakta minam tek i hihna bulphuh a hong piang a hihi.Kawlgam suah takna ding vaihawm makaite’n zong Kawlgam suahtakna ding a nget laitak un, mualtungmite tenna munteng pen ngaihsut masak in nei lo uh hi. Mualtung mite pen a mau khutnuai a om ding sa in tuat kha uh hi. U Aung San leh Mr. Attlee in Kawlgam suahtakna ding tawh kisai thukimna lai a bawl laitak un Shan minam makai te in Mangkang kumpi tungah sikkhau sat in “ U aung San leh a pawlte pen ko mualtung mite palai hilo a hih manin, a ma gen thute ka thu kim kei uh hi” a cih tak uh teh, mualtung mite hong ki thu sim pan a hihi.Tua pan in 1947 kum February 12 ni’n Pinlong thukimna laipi ah “ minam khempeuh satanh kikim ding” cih thu bulphuh in suahtakna lak khawm ding kithu kim a hihi.Tua pan in tuhun a Kawlgam kici hong piang khia a hihi.Kawlgam in minam tamna gam ( Multi-nations state) a hihi. Kawlgam pen minam khat bek tenna gam hilo hi. A tam zaw (majoirity) pen Kawlte hi a, minam neu tampi tawh a teng khawm a hihi. Tuhun a galkap te genna bangin in leng Kawlgam sungah minam neu (ethnic) pen 135 sangin tawmzaw lo hi ci uh hi. Tua minam khempeuh pen ngeina, lai leh kampau kibanglo vive a hihi.Tua bang minam neu tampi tenna pen a khui khop siam kei leng kikek baih mahmah ding a kilemna ngahna ding hamsa ding hi. Bang hang hiam cih leh minam khempeuh in a mau ngeina, lai leh kampau mah thupi sa masa pen tek hi. Minam khempeuh in a mau ngeinate kemcing nuam uh hi. Khangto sak nuam uh hi. A manthat ding lau uh hi. Minam dang khat peuh in a suksiat ding lau ciat hi. Tua bang hun in minam pi khat in a mau ngeina leh lai, kampau te zawh thoh thu tawh a hong guan ciangin lauhuai na tampi piang hi. Minam khempeuh a kibang suahtakna a pia thei ding thu khunpi (constitution) kisam hi.A khenpi khempeuh a neu nono in i en nawn kei ding a, lampi a khial sak mun diak teng ki kum leng ka ut hi.Chapter IGambup thu meilet/thu bulphuh te (State Fundamental Principles)2) (f) na sungah “Mailam ah gam sung leh minam sung vai khat peuh ah galkapte kihel theihna ding” (for the Tatmadaw to be able to participate in the national political leadership role of the State) pen gambup khat I thu meilet dingin lauhuai hi. Kawlte’n paunak sungah “ A bul hoih peuh leh a tawpna zong namtui hi” a cih uh bangin hih thu bulphuh lai teng a thu dang khempeuh hih pan a peengkhia ding a hih manin lampi hoih tung ngeilo ding hi. Tua a hih manin Kawlgam ah galkapte thuneihna bei ngeilo ding cihna a hihi.Chapter IIGam lam khiat zia (The State Struture)3. Gamkhen (region) leh gamke (state) khempeuh a dinmun (status) leh thuneihna ( authority) kikim ding hi. (Regions and States are of equal status and authority). Gam lamkhiat zia a man loh manin minam kikal ah tanh kikimna om theilo a hih manin i gamin hih bang haksatna thuak i hihi. 1947 kum gambup thu khunpi sungah Proper Burma leh Frontier Areas sunga om minam neute gam lam khiat zia manlo, kibanglo a hih manin miman kikal ah tanh kikimna (equality) om theilo hi. A beisa khialhna pan kipuah lo in, thei pipi in i mainawt teitei leh gamsung ah kilemna om ngeilo ding hi.7. Gambup sunga om gamkhen (region), gamke (state), union territories leh automotive district region khempeuh cih mah hun in gambup pan inntuan khia ngeilo ding hi. (No part of the territory of the Union, namely regions, states and self- administered areas etc. shall ever secede from the Union). 1947 kum in Shan makaite’n Pinlong thukimna laipi sungah kawlgam pan ut hun in inntuan khia thei ding cih a nget lai tak un, U Aung San in “ a thu in hoih sa ing, tua a hih manin inn a tuan khiat lohna ding un I sep ding ei ( Kawlte) ta vuan in” ci’n nag en hi. 1947 kum thukhunpi sungah kawlgam suahtakna ngah zawh kum (10) khit ciangin inn tuan thei ding cih a om hangin kuamah in inntuan nuam ung ci’n ngen lo hi. Kipawlkhopna a thupi na mu tek a hih manin bang cih leng nuam ding hiam cih a kizong hi zaw hi. Gamkumpi hoihna gam te ah gamke khat peuh a hi zongin inntuan ding sawl leng zong utlo lai ding hi. Tua a hih manin inntuan noplohna dingin minam khempeuh a kikim hamphatna lehsuahtakna ngah tek ding kisam hi. Minam khempeuh lungkimna ding kisam hi. Tua hipeuh leh inntuan ding vai pen thu khunpi sungah I koih kei zongin kisam lo hi. Inn tuan ding maw, inn tuan lo ding cih thu khunpi sungah a kikoih hangin a thupi penChapter 3.The head of State1. Gambup i lutang in president a hihi. (The Head of State is the President of the Union),2. President in gambup a palai a hihi. (The President of the Union represents the nation),3. President in gambup sung leh gam mi khempeuh i lutang a hihi. (The President of the Union occupies a position of the highest honour in the whole of the Union of Myanmar),Democracy i cih hangin a tuamtuam om bangin galkapte gelh thu khunpi banging en leng, Presidential democracy a hihi. President pen thu nei pen leh a lian pen hi ding hi. A hizong in President a sem thei ding mite ci’n a gelhna uh en leng;4. (iv) na ah President in gam vai tawh kisai politics, ki-ukna leh economics leh galvai ah theihna nei ding hi. (The President of the Union shall be well acquainted with affairs of State such as political, administrative, economic and military affairs) ci uh a hih man in, galkap sem ngeilo khat in President a sem theilo ding suak hi.Gam ukna ding ah galkap dan theih hamtang sak uh hi. Tua a hih man in a pualam mite’n gam makai sem theilo ding hi.1947 kum thu khunpi pen Parliamentary Democracy paizia hi a, President pen minam lian, minam neu sung pan khatpeuh in ngah thei a, Prime Minister a hih leh Party a hat penpen pan makai te’n sem thei hi. Galkapte gelhna zui in cileng minam neute in President ngahna ding lampi om lo hi. Kawlte sung pan mah zong galkap te bek in sem thei ding hi.Chapter (IV)LegislatureFormation of Legislature2. In connection with the two Hluttaws,(b) Gamkhen leh gamke khempeuh pan a kikim palai kiteel te leh galkap mangpi deihteel palaite tawh kilam khia innpi pen inndei tungnung (Amyotha Hluttaw) kici ding hi. (the Hluttaw formed with Hluttaw representatives elected in equal numbers fromregions and states and Tatmadaw member Hluttaw representatives nominated by theCommander-in- Chief of the Defence Services shall be known as Amyotha Hluttaw.Hih bang in palai kisawl hi leh Kawlmi (8) a kiteel ciangin Zomi (1) bek hi ding hi. Tua banah, galkap mangpi deihtel mi pen Kawlmi sung pan mah hong hi ding hi. Upper House ( Amyotha Hluttaw) pen minam khempeuh satanh kikimna ding a tawikhaina mun hi a, hih mun pan tanh kikim lo pah hi. Tua hi a, Zomi leh minam neute pen Kawlmi te ukna nuai ah a om ding deihna bek a hihi. Tua banah galkap mangpi deihteel mite pen Hluttaw mimal i 25% hi ding a hih manin thu kikupna ah Kawlmi te’n a mau deihna bang bek in vaihawm thei ziau lel ding uh hi.Chapter (VII)The TatmadawHih khenpi pen gambup thu khunpi sungah khenpi khat a koih dingin kilawm lo hi. Galkapte thuneihna ding bek ngimna a hihi.Ken zong hih tawh kisai ka gelh kei ding hi.Tua a hih manin hih thu khunpi pen Kawlgam sungah gal pianna a hangte mah tawh kipelh tuan lo a hih manin hih thu khunpi kip mah leh zong gamsung ah kilemna om lo ding hi. Kawlmi te’n minam neute a uk cip theihna ding lampi leh galkapte bek in thu neihna a let suakna ding ngimna hi a, gam mipi a ding nuntakna leh suahtakna ngahna ding om lo hi. I gam sungah thu kham zui in sila suahna ding lampi a hihi. Hih thu khunpi pen minam makai khempeuh leh mipi khempeuh in nial ding a hihi.Ngetna: Hun kici'n loh man in ka lunggulhna zah in gelh zo kei ing. A hizong in Kawlgam sunga om Zomi te'n hih lai a ngah theihna ding hong vaihawm sak thei a om leh lungdam mahmah ding hi.