Posted by: "thang kim" thawthawn@yahoo.com thawthawn
Sat May 17, 2008 5:55 am (PDT)
Nakhat peuhpeuh thu leh la khatta tawh ama munciatciat ah kiptak leh khotak in kilam dimdiam ciat hi. Mihingbek hilo singkung lopa, a sing a suang, ganhing a tuamtuam te apianzia te tangthu tomno khatta tawh piangkhia aa a mahtawh kipaaikaan kha thu leh la khat peuhpeuh a om ciangin a pianzia atangthu te a banban in ki sutsuk deudeu den tawntung hi. Hih penleitung kalsuan zia hi aa, leitung beidong mah hihbang in akalsuanto ngiatngiat dending ahi hi. Nuntakna a nei khempeuh lakpanci leh sa tawh a nungta ahi mihing leh ganhing te pen thugil lagil te tawh ki nahvawh hamtang ngiat hi.Ganhing nam tampitak te sung pan kheli nei leh khe nih nei pentam kimu khaden penpen hi. Nisim hunsim in i muhdet hang ahitammaw a lamdangna kthei khamel khollo, ki phawkkha ngei khollo hi.A lamdangna omkhollo ding in ki ngaihsun tawntung den lel hi. Khenih nei ciatciat vatawt te omzia khawlzia te a mau pumpi te enle-hang, lamdang mahmah phadeuh sese uh hi. A khe langkhat bekuhtawh ding linleen, a nungzang aa a kha kawm kikal te ah, a lu a muk te phual in ihmu theizel uh hi. Ak te ahihlehbel a ihmutuh ciang un bawk khikhe in ihmu uh hi. Vatawt pawlkhat te zong akte mahbangin bawk khikhe in a ihmu hithiat zong om hi. Ahi zongina tamzaw ahihleh a khe langkhat sel, zep kawmsa ban ah, dingsa aaihmuh uh hi. Hih pen vatawt te pianzia a lamdang na a kilangkhiasak penpen ahi hi.Tangtawng pekpek a kipan vatawt te in khe langkhat bek nei uhhi, tuaban ah vatawt pan luangli ( Mal Li ) bek om hi, kicihi. Ak leh vasa te ahihleh bel khe nihta neikim dimdiam ciatuh hi. Tua ahih manin annek tuidawn zon'na ah a hi zongingamtat luhek nate ah a hi zongin a ut anuam un zangthei ziahziahlel uh hi. Vatawt te ahihlehbel khe langkhat bek nei ahih mahbangun, lam a pai ciang un diang letlet uh hi. Vatawt te nuntakna sung ah, a hawh aciah, annek tuidawn zon' nate leh gamtatluhek nate ah haksatna tampi tak ong pal kha ngekngek uh hi.Leimai tang bek ah hilo in tui pek le-uhzong lemtang thei mahmahlo, zek zialzial thei hetlo uh a, lungneu tawntung uh hi.Hihbang teng tawh a tup a ngimna khat uh zong atangtun' saknading uh nakpi tak in hanciam mahmah kul phadeuh ngiat se uh hi.Ahi zongin a sauvei ciangin avekpi un ong thanem mahmah uh aa alungsim te uh puakhak hongsa mahmah ta uh hi.Kum tampi ong kantan toto uh aa, hihbang teng tawh khe langkhatta a ngah amuh beh, a neihbeh zawh nading un honglungngai hong khuadak diamdiam uh aa khe zong dingin hongkithawi hong kuankhia ngiatta uh hi. Hong paipai uhleh biakinnkhat ong tuakkha uh aa tua biak inn sungah siampi khatbek omhi. Vatawt tenn biak inn sungteng a tung anuai a banban in etin hong khuadak diamdiam uhleh pakbel khat hong mu uh hi. Tuapakbel koihna pen a khe mal giat tak pha siasua mawk hi.Tualeeh a makaai penin ngaihsutna khat ong nei in, pakbel koihnaaa a val khe li te Topa Pasian kiangah hong ngen hi. A mau telunggulh a ki tangsap uh awging, thuumna tauna aw-ging te a zaPasian in a deih mahmah uh ahi, kheli te thakhat thu in piapahlian hi.Topa Pasian in khe langkhatta a piakkhit ciangin hih banginvaikhak hi, ngunkhe ahih manin zahtak unla, hong ki suksiat hong ki guksak loh nading kepsiam zepsiam, zuunsiam nung cih,kamciam hong pia un, ci-in a gen ciangin vatawt te inzong kamciam pia in kiciam uh hi.Hihbang teng tawh vatawt te pian'zia, nuntakna sung ah tuanituahun a kipan tuni tuhun ciangdong khenih hong nei uh aa a kiguksak khaakding a lauman un a khelang khat uh, sel kinken tawntung uh hi, kici hi. khutkim khekim in ong pian'khiat na uhmanpha salua uh a hih man un, zuutzuut namnam mai uh hiven....Eite inzong vatawt te mah bangin kamciam te ciampel hetlo,kipsak bikbek tawntung, kamciam piak mah bangin gamtat lu-hekding leh i ngah thupha te zeksiam zuunsiam leh zahtak siam ciatni. I pian'na zahtak siam ciat ni.Leitung ah, vatawt pen BC 2500 hunlai pekpek a kipan leitungnisuahna gam lampan ong ki khawimasa aa tuni tuhun in ahihlehleitung mun tuamtuam ah kikhawi zihziah ta hi.Note itna sungah,thaw thawn
No comments:
Post a Comment