Kamsiam siallei sang

Re: KAMSIAM SIALLEI SANG
Posted by: "Hang Khan Lian" hangkl@pacific.net.sg
Wed Apr 9, 2008 8:13 pm (PDT)
Ong kigenngei khat,Khatvei,Tonzang a sangsia B. Laang Cin Pau' tapa Hau Lian (tutak US ah om) in aneulai, a innlak pano te kiang aa vankawm ding vapai aa, Pano kiang atunteh, alawm, akithuahpihte lawhdan zui-in, "Gang, ka Pa'n a singnawtna vakawm in ci-in ongsawl acihleh" a innlak pano hehlua ahihman in, "B. Laang Cin Pau in, gang vaci-in ci aa ong sawlmaw, Uino" ong cihsan ci-in anuihnuih lam thei ngei-ing. Kacihnopna ah, kilawh kisap ziading a om hi aa, tuabang in ikilawh ikisap theih keileh asam theilote thanemna hi-in akilawmlopi ong suakmawk mahhi.Adiakdiak ei Zomite ngeina dung zui-in kilawhdan kikhen dimdiam ahihman in, kilawhdan thupi asadeuhte hipahhang aa, kilo khial lehang, lungnoplohna piangsakhi.Dr Cinpu (Phuitong liim) ii Nu pen Samte beh hi-in kotawh akibehbawl kahihman un kei nangawn Pu ci-in ong sapciang, ka angtan ban ah "Aw, na Nu nangaihna lian mahsi!" cihding simloh omlo in lungkim huai mahmahhi.Kilawhdan namtuam napi lah anuammawhloKa neulai un ko unauteng khankhat pian kahihman uhleh katenna uh Lawibual, Lamzang-lamka veng ah tengkhawm pian kahihman un ka veng kapaam khempeuh in, ka Ni pen kosapna zui-in Ni ongcihpih ngeingai uh aa adiakdiak Laitui pan aa ong lal masasa in 'Ni' mah ongcihpih ahihman in kosaang bangin Laituite' leh Gawngte 'Ni' suakphial mawkhi. Tu aa atapa' zi nangawn in aneu lai aa Ni ci aa ong lawhpih khelthei nawnlo in amo ahihhang 'Ni' mah cisuak dan hihtuakhi. Tua dan zong om veve leh nopmawhloh nakhatnei kacihna.Lawibual mah aa teeng Pu Kai Nang tapa neupen zong a U te zineih khit pek aa nung pian ahihman in a u-te' ta teteng in 'Pa Cin' ci uh a, ko adang Lawibual naupangteng in zong zuihpih kahihman un 'Lawibualte Pa Cin' suakhi.Tuazong anop nakhat omhi.Tua ahihlleh, guai, asamte'n hilo in, ihsapte'n nuam asakding hanciam in ih kilo, ihkisam diam!hkl