Sente icih pen Japante hi

Kumthak beikhin panleh kumthak aomden keeina pen Malaysia ahi hi. Kha khat hal, khanih hal bangpeuh in kumthak hitawntung mai hi. Alungsim khauh zolo, apiangthak te ading bangin piangthak pahpah, luiman ngeilo himai hi. Tuamah bangin nung mahmah aa kumthak kibawl hici le-hang, sente khumthak ( or ) Sente khuado pawi zong, ong tungto leuleu zel hi.Sen te icih pen acii ngolam vive tamzaw uh aa, an bang anek uh ciangin ciangkang nih bek zangin akhutka te vuah tep liklek uh aa, namsia, vot sidawn bangin alu te uh phum titep zawzen, mehkuang kilpan amit te uh, hak ke-kak, abil kawmte vuah aciangkang te uh kipei sak leklek uh aa, a omom na uh pen Baibek zingtho mah bang ziahziah uh hi.Ahon gamtat ahon om deuhdeuh pen Sente hi cileng kikhial khollo maiding hi. Ahonhon alomlom in aom mah bangun aomom navuah nopci mahmah ziahziah uh hi. Baibek zingtho tawh kibang uh aa, gamlum mahmah kawikawi uh hi. A omom atuntun navuah amau pau amau pau, lai, ngeina te akhahsuah hetlo, alen tinten dente ahi uh hi. Minam dang te sangin amau minam mah thupi asazaw ngiatte ahi uh hi. A diakdiak in Japan te tawh akiteng tamlo uh hi.Aminam pih khat akikhoih sakkhakleh khuai bangin lum hiahua uh a, hon deh pah ngeingai uh hi. Ahi zongin adehdan siam mahmah uh a, kilangsak mello uh hi. Abeisa kum sungin sente sumzon paaizon khat ahih banah, anek mahmah uh aduh mahmah uh vok pen Malay kumpi te in khawisak nuampha nawnlo dankhat in bawl ningniang uh hi. State khat leh khat kikhiat deudeu uh aa, akhawi saknuam kuamah ompha lo uh hi.Kumlui hunsungin hihbang buaina te omngei mello ahih manin Malay kumthak pen limpha takin pawlpi ngeingai, advertisement sak zihziah uh hi. Ahi zongin tukum sungin ahihleh Sente sumzon paaizon nate leh vokkhawi nate ong nawngkai sakluat uh ciangin kumdang bangin vabuaipih hethat nawn lo uh aa, va tualbual vathupi bawlsak mello uh hi. Tuamah bangin nungkum Malay kumthak pen aomlo aneilo abawllo uh tawh kibang phialmawk hi.Sen te khuado pawi ong tungna ding khakhat bangin sam dipep lai napi, a tung nailo agimnam ahusa teng bekbek zong, a inntek ahi, Malay kumthak sangin hong nopci khin zawmawk hi. Lungdam bawl abei khit phetlian in Sen te khuado pawila te ong ki hong pah ziahziah a, kim leh pam teng lum hiahua keeimawk hi. Zomi te khua do pawi tawh kibang lianmai hi, apawipi uh pen, apini leh akhekleh ni ci-in ninih sung nasia takin gualnuam mahmah ziahziah uh hi. Kumkhat sung apawinei khempeuh lakpan a thupi penpen pawi ahi hi. Tua ahih manin nasem sumbawl te in kalkhat sungbang khak in tawlnga hithiat uh hi.Lamkim lampam khuamsung khuapua san zeizai, vanlei vandawp bekbek in mi kiphu ziahziah mai hi. Sen ngeina lim, milim, zam, khuang, daktal, nektheih nekmawh, pak nam tuamtuam, .... etc. A ngeina vante uh phokhia zihziah uh aa zumpih hetlo uh hi, atheilo khatbang omleh mihai zahkhat in mulai uh hi. Lamkim lampam sumbuk kici teng ah, sen te van bekbek, la ki hong ( Open ) te lah sen kumthak la bekbek himai a, lum ziahziah puak ziahzaih mai hi.Nasem aa aom gamdang mite kumkhat khatvei suahtak hun, hunlimci angah hun uh ahi hi. Tunpi leikua ii tawh ciangin anasem asal te suakta lua kisa delzen in ataikhia mah bangun, semkumthak ong tunciangin nasem gamdang mi khempeuh te, khuapi tuipih sanggam u leh nau tawh aki mu, a khawlkhawm ding in kipei ngeingai uh hi. Khuakhat tuikhat lawm leh gual te kumkhat khatvei limci tak leh nuamtak in maitang ki mu kituah hun ahi hi. Eimi pawlkhat bang pen Senpau siamlua kisa, Sente bangin Senpau dong phial mawk uh hi. He, he, he, he,....Nasem tingteng uh ahih manun mataw hoih nono van hoih nono nei uh hi. Khat leh khat kimawk neksak hetlo, sum mah kipia ngiatngiat, unau nangawn summah kipia ngiatngiat uh ahih manun, azawngtamlo thadah tamlo uh hi. Tuamah bangin Malaysia ah, anzuak vanzuak pen sente bekbek mah hipah uh hi. Senkum thak ongtung ciangin sumbuk khempeuh phial kikhak mangkhin ahih manin misi nung tawh kibang hi. Khuasung khuapua dai khipkhep in avak aciah zong ki ommello hi. Khuasung khuapua alumsak ziahziah, aciaksak zihziah den, anopci sak mahmah, a etlawmsak, azem apuah sente ahihlam leh sente kithu tuahzia, sente kalsuan zia te pen Malay, Vai minam te tawh tehtheih bang hilo hi. Sente om leh omlo, sente huu neihzia, sente huuzap, sente huu khauhdan pen senkumthak ong tungciangin kithei, kilang mahmah hi.