Posted by: "Hau Za Cin" suante2002@yahoo.com suante2002
Fri Aug 15, 2008 5:46 pm (PDT)
America Cingno: July 4, 2008 ni a Oklahama khuapi Zomi gualnopna hun ah "Zolia Oklahama 2008" a ngah zawh ciangin a innkuan un Florida lamah khuadak dingin hong zinsuk uh a, Burmese AG Church ah "Your love is life to me" cih la siamtak in hong sa hi. Lasa dinga hong dingto bek zong Zolia hi cih kitelpah hi. Banghang in maw? Aw..... a melhoih a, a samsau in, a maitai hiven. Ka pi in a genzel, "Numei pen maitai ding, sam hawi ding, thanuam ding...." a cih khawng ka phawk vangvang hi. Tua pen Zomi te in numei omdan dinga a tuat uh, numei hoihna a teh dan uh hih tuak hi. Zomi omna khuapeuhmah ah i zin ciangin Zomi numei peuhmah samsau kimu masa hi. Mikang gam leh mundang ah numeite samsau ding cih kithupisak mahmah tuanlo tawh kibang a, Zomi pawlkhat zong tua banga gamdang a tun uh ciangin a Zomi hihna uh mansuah tawh kibang hi. Sam tomsak, ut leh san sak, kaang sak... etc. Suahtakna gam America ah Zomi hihna kemlai, la lah siam, mel lah hoih, maitai lai..... cih ka ngaihsut ciang hih zaha Zomi hong tawisang, Zomi hih a nuamsak mahmah Mary Cing Kham pen Zolia taktak khat hi mawk ei ciin ka ciamteh a, "America Cingno" ka ci mai hi. Ka khatvei muhna ahih hang koi mun peuhah kimu hileng Zomi ahihna ka tel theihna ding khat om hi. Kikhop tawp ciang, "Dam maw?" ciin ka hopih leh Zopau siangtak in, "Dam mah ing..." hong ci hi. Mikang gamah khangkhia ahih hang Zopau siam sitset a, zat ding maizum vetlo hi. Upmawh sang tua bang ding baihlo cih ka um hi. Zomi hih mah nuam zel ei...Lasiam ahih manin a lasakna 'khui' (CD, DVD, Cassette) honghawmkhiatpah ding a ngaklah... Hau Za CinPhuitong Liim
No comments:
Post a Comment