Sermon:ZOGAM' AADING THEELNAH

Thupomzia nih Zogam aw ka Lai Siangtho (LST) sangkahna pan ka muh thumaan pawlkhat kong hawmsawn nuam hi. Lungduai sinnem tak in na simsak dih ve maw, tuun nu Zogam. Christian upna sungah aki dawkkhia thu pomzia namnih om hi. Tua te in Calvinism upna le Arminian upna ahi uh hi. Tua i gennop pen Calvinism upna sung-a, Highper Calvinist (Extreme) te' thu hi lo-in Lower Calvinist a ki-ci te' thu hi. Lower Calvinism upna pen Evangilical kalsuanzia khempeuh ahi (WEA) le a diakdiak in Reformed Baptist te'n len hi. Reformed Baptist te' upna pen tatkhiatsa mite puk nawnlo cih hi. Ahi zongin tatkhiatna pen Jesuh ong sepsaksa tung bek ah ki-nga hi cih bangdan hi-a, (Salvation is what Jesus has done for you) cih bangdan hi. (WCC) Arminian upna ahih leh hotkhiatna ki pukpih in ki taan theilai hi cih thu hi. (Jesus has done his part) cih bangdan hi. Hotkhiatna pen bang sem, bang bawl, bangci khensak dingna hiam cih tung ah ki-nga sak phadeuh uh cih ding hi. Ciapteh ding: hotkhiatnapen ki taan thei lai a, tatkhiatna ahih leh ki taan thei nawn lo hi. Zomite' aading thum gawm Pasian' kammal Honkhia cih teh Egypt gam pan Moses maikaihna tawh a paikhiat lai un San-tuipi sungah tui a kia mangkhin ding Israel mite Pasian in honkhia hi. (Tui sung pan tui kia khat hotkhiatna). Tui sung pan hotkhiatna a ngah khit uh teh kum 40 sung sehnel gam a vialpaina uh ah Pasian langpang in Pasian in a thah tatkhiatna ngah lo Israel mi tawm lo hi. Bangbang ahi zongin Tatkhiatna pen na bawl ding mawhna pan hi zaw lo in na bawlsa na sep khialhsa mawhna pan hi zaw hi. Salvation is not from what you are going to do. Salvation is not from what you will commit sin. It is not from what you gona decide. Salvation was and is from what you have committed sin. Salvation is from what you have decided. Salvation, ofcourse is belongs to our God (Rev. 7: 10) cih ding ahi hi. Tatkhiatna or diktanna (justification) pen ei' tang ding a ong sepsak pa' hangin za-ah-za ki ngah hi. Za pan za-le-khat (100 to101) zong khang to thei lo, za pan sawmkua-le-kua(100 to 99) ah zong kiam suk thei lo hi. Gupkhiatna cih leuleu ciangin a hotkhiatsa, a tatkhiatsa a tate a huh a gum dingin Pa le Tapa' tungtawn in Kha Siangtho hong ki sawlsuk hun a ki pan Kha Siangtho in gupkhiat nasep sem den hi. Zomi te pen Pasian gupna hun sung-a, Pasian' it tuam le guptuam mite i hih khak citciat pen i hamphatna hi. Hebrews 12: 5, 6na ah "Pasian in note, tate, ci-in hong genin hong hanthotna thu mangngilh khin ta na hi uh hiam? Pasian in note kiangah, Ka ta aw, Topa' hong thuhilhna zangkhai ngaihsut kei in la, gim a hong piak ciangin lungkia kei in. Banghang hiam cih leh Topa in a it mite thuhilh a, ta taktakin a ngaihsut mite a tai hi" na ci hi. Na tate na gupna lamin na saat hun zong om ding hi. Tua tawh ki bang hi. Midangte sang na tate gum zaw cihna hi. Banghang na tate gum? Na si na sa sung pan a piangkhia ahih man ahi hi. Banghang Pasian in a tate gum? A gup loh in a tatkhiatsa atate hi mawk hi ven, sam ve tehh! I tel ding-a ki lawm thu khat in"Honkhia" "Tankhia" le "Gumkhia" kammalte ii sepzawhna (power) le aki lamdanna i theih masak kul ding hi. Tua ban ah Khazih pen LST ii a laitaat (Christ is the centrality and the heart of the Bible) ahih ban ah thumgawm Pasian sungah zong a ki laitaat Tapa Jesuh Khazih ahi hi. Tua mah bangin kammal "Tatkhiatna" zong kammal "Hotkhiatna" le "Gupkhiatna" ii a laimu ahi hi. A ki laittat thute ei thu-ummite in zong laitaat ve ni maw tuun nu, Zogam. A ki khel ngei lo tatkhiatna A ki khel ngei lo tatkhiatna pen a ki khel ngei lo Pasian hong itna pan ki pan hi. Jesuh Khazih pen zani tuni a tawntung-a ki khel ngei lo hi (Hebrews 13: 8). Jesuh sep le bawlte, a kampaute ki khel ngei lo hi. Mihingte ahih leh zani tuni a ki khel toto nuntaakna ahi hi. Huhpa Kha Siangtho in tatkhiatsa mite i puksialsial in ong phong kik zel ong phong kik zel ahih man bekin a suakta liailiai zel ihi hi. A ki khel ngeilo Pasian in a hong it, a hong teel, a hong tatkhiatsa mite, i pukna, i khialhna, i mawhna le i lampial khakna te pan ki khel in Pasian kiang i zuat kik sialsial in tua a ki Khel ngei lo Pasian in, hong itna khel kik themthum lo in i mawhna te hong mai sak den hi. Tua ahih manin ki siik in tho in la na mawhna pulaak in. Ni sim na mawhna ii hong mawhsakna pan Jesuh khazih ong tankhia pa ii Kha (the Spirit of Christ) ahi tua Kha Siangtho in hong gum den in, minthanna (glorification) ah hong kalsuan pih hi (Rom. 8: 30). Tatkhiatnaa khel kik zo dingin kua in Pasian' langpang zo a hiam? Tatkhiatna ki khel ki ngei lo hi. Pa Pasian sialsa hotkhiatna lampi pan in Tapa' tatkhiatna hang-a Kha Siangtho' gupkhiatna a ngah mite in a tawp dongin nang zo ding uh hi. Banghang hiam cih leh tatkhiatna pen ei' khut sungah omlo in a ki khelngeilo Pasian khut sungah na om-a, tua Pasian in a Kha Siangtho tawh ong gumtuam ong ciamteh tuam-in ong tatkhiatna ong kepcing sak ahih manin muanhuai in (techia) mahmah hi (Ephisians 1: 14). Theology thuklut zawh nangin kammalte nasep guan, panmun pia, dinmun kician neisak Theology i thuklut zawhna ding le i thuklutna tungtawn in i teel theihna dingin Zo kammal te singsing ding, tattat ding, ki pek sak ding, taangkhia sak ding, dinmun ki cian nei sak ding, panmun le nasep guan ding hi hang. Be exercised your language as you will exercise your faith. Hotkhiatna, Tatkhiatna ahi-a Gupkhiatna ahi zong in phamawh lo hi ci ken. Na theology thuklut zo lo ding hi. Na kammal zattheihna (power) a tawm (a ki limit) leh na theology kammal zatzia ding zong tawm ding (ki limit) mahmah pah ding hi. Gentehna in: Pa in Tapa le Kha Siangtho' min tawh hotkhiat nasep semin (Predestined by God the Father), Tapa in Pa le Kha Siangtho' min tawh Tatkhiat nasep sem-a (Justified by Christ the Son of God), Kha Siangtho in Pa le Tapa' min tawh Gupkhiat nasep sem hi (Sanctified by the Holy Spirit), cih bang dan hi pah hi. Kammal "LE", "LEH" or "I", "II" Mikaang kammal 'and' taang dingin Zo kammal 'le' ki zang-a, 'if' le 'turn back' cih bangdan khiatna nei te le dotna kaai pian kammal te le thupiakna kai pian kammalte' aadingin 'leh' ki zang hi cih zong thei pah ni. Gtn: Tua ahih leh (if sense) nang le kei (conjunction sense) adingin lauhuai ahih manin ki leh-kik ni (a sense on a decision or some condition or questionable or commandable) . Tua ban ah Mikaang pau-a "Possessive of first person plural" zatna kaai kammalte ah "i" aw-kaih tom ki zang a, "Possessive of third person singular or plural" khiatna kaai kammalte ah Zo kammal "ii" aw-kaih sau ki zang hi cih zong phawk ni. Gtn: I Zogam khantoh nading cih laigual ah lai malkhat bek "i" ki zang hi. I Zogam ii neihsa cih te pawl ah "ii" mal nih ki zang hi. (Let our Zolai be exercised!). Kua ki deep ki uksak zaw ding Tua mah bangin hih thupomzia upna lam zong ka khinkhai-khai ka exercise sak tak ciangh hih lower Calvinist te ahi Evangelical Reformed Baptist te' upna pen Tuiphum upna taktak a na hih lam phawk sansan ing. Kei' LST sangkahna pen hite hi. A kua mah ciat i sangkahna in hong deep ciat ban ah ei mau sang ciat mah ki phat nuam ciat hi. Mihing pen ei a hong deep a hong (influence) te ahoih leh ei zong ki hoih a, a siat leh ei zong ki sia hi. LST i ki deep sak leh LST pen i gamh luah ngeina hong suak zo bek ding-a, i ngeina mah i ki deep saksak lai leh i ngeina lui te ii sila le sawltangzaang ki hi hi lai ding hi. "Paih ding om a, laak ding om hi" i ci tei-ta zongin ke'n kong dot in ah kua ki deep sak zaw ding LST maw, i ngeinna? Judson in Christian pawlpi dang khat ii thu-up le zuih khat peuh hoih a sak leh la-in a zat hangin tua bang-a zatna hangin a Tuiphum upna a suk-khaksak loh bangin ka upsa thupomzia khahsuah kei ning cih na ki ngap sinsen kei leh na LST sangkah na ding limtak lungngai masa in, na mailam hun a ding hoih zaw kha ding hi. A hi zong ken ka cih in ah, ko sang [Grace Ministerial Academy (CRBC), 21, Harvard St, Cubao; 1109 Quezon City (Manila), Philippines] pen degree ki pia lo in, sang man ciang zawhna lai khat ki pia bek hi. Pastorial Training hi in, Blibical taktak in ki sin a, pastor te' sin dingin hoih mahmah pha diak hi. Degree level pen a quantity in ki tehkaak ding hi leh master level hi. Not to depend on the quantity but on the quality. Ka sang kah pih te pen London Theological Seminary khawng pan sang man sa pastor pawlkhat zong om uh hi. A theme pi uh pen "Training men to preach the word of God & pastor the church of Christ" cih bangdan hi. Upna pen, it is by faith alone (sola fide) not by work hi lian hi. But you may learn what is faith. WEA le WCC koi zaw? Sangdang pawl khat te gentehna in, World Council of Churches tawh ki zom sangte pen thu-le-la a khinkhai siam khin sa te le LST bang a upna a pukpih nawn lo sia te' a ding in, thu theih ki behlap semsem nang le degree lunggulh te' ading in a hoih mahmah hang, tun liberal or ecumenical movement lua mahmah a, siang gen leng Biblical teaching zo lo hi. World Evangelical Alliance) tawh ki memat sepzia sangte ah a kah te sin dan pen Biblical zaw hi. Bang hang biblical lo? Gentehna: Moses le Isareal ten San tuipi a kan tan lai hun in, a gun dungah pumpeng tam mahmah a, tua te tungtawn in kan tan uh hi ding hi ci-a, lunghiang neihna(doubt) tawh sinna, Pasian hih theihna pen nialnuam pianta uh, hih pen (modernism) ki ci hi. A hi thei thupen hi thei saknuam lo in, ahi thei lo zaw thu pen a hih theihna ding lampi zonsak teltal sena cih te hi-a, ki philosophy sak cih ding hi. Tua ahih man in Biblical teaching taktak zo lo hi cih ding hi. MIT bangah tua bangdanin ki hilh hi. Bangci bangdante ah WEA le WCC ki lamdang hiam? Gentehna: WEA in John 3: 16na a, Leitung (the world) cih teh Leitung mite "the people" a cihna hi a cih lai tak in, WCC in "the world" cih ciangh mihingte bek hi lo in ganhing le singkung lopa na khempeuh a huamkim hi ci hi. Tatkhiatna (salvation) tawh ki sai in WEA in "mihingte" aading bek hi a cih lai tak in WCC in Ganhing le singkung lopa nakhempeuh aading zong hi ci in pom uh hi. A tom in khup leng singkung kungkhat pen Pasian in it lo lah mudah lo hi. Tua mahbangin tua singkung' aadingin tatkhiatna (salvation) zong om lo hi. Ahi zongin Pasian in mihingte mudah thei it thei hi. Jacob I loved, Esau I hated (Rom. 9: 13). Evangilicalte in lungdamna thu pen a tuntunna minamte ii ngeina tawh kituakin lahkhiat ding hi Text tocontext) a cih lai tak un, (WCC) Ecumenicalte in bel tualsung thu-omzia (context) hoihtak kantel masak ding hi-a, tua khit ciangin tua mun aadingin hih LST mun in bang ci khiatna nei ding(context to text), hih minamte' ngeina (context) aadingin hih LST mun (text) pen koici deihkaih thei ding cih bulphuh uh hi. A heading mahmah ah zong Ngeina (context) masak uh a, Lai Siangtho (text) pen nunung sak uh-a Context to Text ci in 'the Text' pen secondary person suah zaw uh hi. Evangelicalte in Khazih pen Christian biakna a tumdangsak Topa in sang uh a, Khazih aading nuntaakna bul phuh uh hi (Rom 14: 8). Ecumenicalte in Khazih pen leitung bup-a om biakna khempeuhte' bulpi hi, ci-in sang uh a, midangte aading nuntaakna bulphuh uh hi. A khitmi (most modern) tawntung Jesuh Khazih Jesuh Khazih pen Greek philosophy khempeuh te' buai pihpih pen na hi a, gentehna in: Justin and Clement saw Christianity as the fulfillment of Greek philosophy. Alang khat leuleu ah Tertullian in bang na ci hiam cih leh, Greek te' philosophy in LST tawh bang ci in thu gen khawm thei ding hiam? Christian te ki sap thuman khempeuh Pasian kammal LST in hong gen khinzo hi na ci ziau hi. A taktak in pumpeng hang hi lo, Zekhariah 4:6 na ah agen mah bang in, Topa' vangliatna bek mah tawh San tuipi ki kantan zo bek hi. Praise the Lord! Thuman LST ki hilhna leitungah tawm mahmah ta hi. Taang le tahum a po khop hang i omna, i panmun ciat pan Taangkung ki hi gige tek thei veve hi. Pasian' thu ah akua mah ciat "hau sim hau le sim hauh sim" i cih tawh iki bang hi. Ei' lam Tuiphum upna pen Calvinism le Arminianism upna aki gawm gawp hi. Din mun ki cian ki nei lo hi. Ei mi te pen i upna ki bang gige na pi-in ki mimal khen kha thei hi hang.A lang khat lam leuleu ah i Tuiphum sia te pawl khat pen a sangkahna uh sensang tektek ahih mah bang un, men's idea tam tektek uh a, LST pen muanlah-kaai thuhilh zia khawng tawh thu hilh nuam se uh hi. Reformed upna pen the Bible is the absolute word of God cih lian hi. Gentehna in Topa Jesuh in ankam tang tawh athu ngentehna (Matt. 13: 31,32; 17: 20) pen tu lai sia pawl khat in, tuhun hi leh Microsoft Atom tawh genteh ding hi ci hi. Microsoft pen ankamtang tawh tehna vet om lo-a aneu mahmah hi. Topa Jesuh in a neupen agen nopna a, ankamtang a zat pen tuhun adingin update lo khetmi lo suah nuam se uh hi. Ka cihnopna ah, kei mahmah in zong computer ka zatzat hang Microsoft i aneuna zia tel thei nai mahmah lo hing. Tua hi-a leitungah computer zang lo, zang cihtha dah zong amu ngei lo mihing gen vet loh in kitam zaw-a, Microsoft ii neuna tawh Jesuh in tumahmah in hong genteh hi leh zong kua ma'n ki tel zolo ding hi. Tuhun mahmah in zong ankamtang i neuna pen a zawng ahau apila hai in ki tel kim ciat hi. Ankamtang i neuna pen computer thu thei ten lah telsem ei. Mi zawng te le mi hai te na ngawn in thei zaw kan lai hi. Ankam pen tu ciangciang ka tuntun-na gam ah Bazaar ka pai ciangh aki zuak lohna mun ahi-a, ankam nelo minam ahi zongin om lo phial hi. Tua hi a, Topa Jesuh pen akhetmi a (modern) pen hi-a, a khetmi (modern) lo pen ama kammal te eimau ciat ki theihsakna, ki pilsakna, ei ma' theihna ki laitat masak den keeina leh idea tuamtuam tawh a gensawn ei mihing te ihi zaw gige den hi. Sin semsem mihing kilaitat semsem ding hi lo zaw a, sin semsem Khazih lai tak semsem ding na hi zaw hi. Christ Centre preaching pen pastor te' khut let ding na hihi. Some had been suggesting that it was time to move forward and to give up the old model standard, the old doctrine and the old faith. But it was the old faith by which they had come to know the gospel. Christian te pen 'thee' bang-a tawtawn ding te ihi kei mah hi. Ahih hangin i upna le i muanna pena beisa-a Singlamteh tung-a thupiang (the Christ Event) ah ki nga tawntung hi. LST doctrine in bang gen? Ei' lam ah doctrine divides service unites ki ci hi. Hih pen Swedem gammi Nathan Soderblom in "Thupomzia paksak luatna in pawlpite kikhenkhamsak a, sepkhiatna in pawlpite kithutuaksak hi" cih a gennopna hi. Ama genna zong maan hi. I theih ding thu khat ah LST doctrine ki hel lo i serviceste i sepkhopziate le i ki pumkhat i ki thutuahnate khempeuh pen men service a hi manin Babel tausangpi lamkhawm i hih lel khak ding lungngaih huai hi. Ken ka cih in ah true doctrine never be divided cih ding hi. Our doctrine should be based on the Bible itself ding hi. It should also be text to context. Not to be context to text. LST tawh i ngeina tuam suk ding hizaw-a, ei ngeina tawh tua lungdamna LST tuam ding hi lo hi. "Tuam suk" cih kammal pen a huzaap zaw ding bel ii tungah aki zang kammal na hi den hi. Ei ngeina tawh tuamsuk-a eimau mah ki laitaak masa in LST deihkaihna pen ki khial thei zaw tawntung hi. Akpi in akno-te hi ta leh aktui-te hi ta leh akhanuai ah koih in a tuam suk ciang bek in, a kisam lo aktui-daate damdam in kek-khia in ak-no hong piankhiat mah bangin LST bek in mihingte le a ngeina uh hong tuam suk ciang bek in akno bangin aki keuh thei pan ding na hi zaw hi. Late lai at pa'n zong "Na kha lim ah hong seel in" ci ngiat hi (Late 17: 8). LST pen i doctrine le i ngeina ding hi-a, Christian te pen tua kha lim nuai pan a khangkhia dingte ihi zaw hi. Bang hang hiam cih leh LST mahmah pen ki pawng up ki pawng nuntak pih in i nuntaakna ah doctrine pi taktak in ki nei zolo mawk hi. Gentehna in LST sunga, leitung bup tuicin a cih ciang Palestine gamteng agenna hi cih khawng te pen the doctrine of the Bible hi lo pah hi. Palestine gam le leitung bup genteh nuam ihih leh tuni mahmah in zong Palestine gam ciacia mah apha Bangladesh gamkhawng gamdang muntuamtuam khawngah kumsim in tuicin tungden in, mihing atul atul in si den hi. Pasian in tui tawh lei tung ka susia nawn kei ding a cihna LST sung ah imu ciat hi (Piancil.9:11) . A kipsakna in sakhituihuup tawh hong lak den hi (Piancil.9:13- 17). Leitung mun khempeuh pan sakhituihup ki mu ciat ahih man in leitung bup tui cin tung takpi hi cih hong lak hi lo hiam? Alangkhat lam leuleu ah, Bangladesh gam khawng Palestine gam khawng, gam khat bek tuicin tung pen Pasian in leitung bup tuicin in na sim lo ahih man in, tu ni in, tuicin tungin 'ziluanmu-muh' cih gamtuamtuam pan i za den lai hi. Bang hang hiam cih leh leitung bup tuicin atun ngei bang tham hi deksuai nai lo a, gam khat a thu piang hi lel ahih man in, Pasian in a kamciam pel cih ding hi lo a, mihing te'n Pasian kamciam muangmawh cih ding hi zaw hi. Believing that the Bible is the infallible and absolute word of God will make you free. Thumaan i cih bang hiam? Tumaan i cih pen thumaante tungah thumaan ahi hi. It is like this. Best of best, Real of reals, God of gods, King of kings, Priest of priests, Truth of truths. Topa Jesuh in, "Kei mah in Lampi ka hi a, thuman le Nuntakna zong ka hi hi," a cih ciangh, (material truth) ahi gentehna: Mawtaw khat pen vanleng khat ki ci thei lo in, mawtaw mah ahihna thuman (truth of philosophy) cih ciang bek na hi lo in, Amah Jesuh Khazih pen Judah mite' lamet-et pa ana hihna, lampi dang hi lo, lampi man ahi David' sataang teek mah (the line of David) ah hong suakkhia pa ahihna, Buddha, Muhamad, Hindu upna le Laipian pa Pau Cin Hau tungtawn ahih lohna a gengen na hi-a, Amah suang lo hanciam upna leh ngaihsutna khempeuh in kuamah Pa' kiang tunlo ding ahihna ana hong telgen na hihi. Tua hi a, Jesuh Khazih mitsuan upna LST sung bekah ki gen ahih man in, tua Jesuh Khazih a laitat laibu i nuntaakna ah laitatna in nuntaakna bulpi' adingin suahtaakna hong piangsak bek dinghi. Lai Siangtho khiat dan LST pen Literal a khiat ding a om mah bang in Symbolic a khiat ding om leuleu hi. Symbolic a-khia cih ciangh atung a i gen pawlkhat te' khiat bang a khiat ding cihna hi lo hi. Gentehna in: LST lui sungah 'tua suangpi pan tui' cihte pawl ah tua suangpi pen Jesuh khazih hi ci-a gen dan te pawl hi. Bang hang hiam cih leh LST sung khempeuh in Jesuh na kawk ahih man in, Jesuh laitaak upna pen khial thei ngei lo hi. Symbolic or figurative cih ciangh thungentehna genkaakna cih ding hi a, mualtung thu hilhna khempeuh genkakna na hi pah hi. Gentehna in, na khut in hong khialhsak leh saattan in, a cih ciang saattan pahpah ding na hilo zel a, Literal (a laigual a om bang in) ki la thei lo zel a, saattan ding hilo in semnawn lo ding cihna hi zel lel hi. Pawlpi' pa (church father) khat ahi Origen in, LST a kammal (literal) bang-a khiatna pan khalam nuntakna ding in a thuk zaw in a khiatna na om lai hi ci hi. LST pen tuipi tawh ki bang a, a thuk mahmah na ah saipi tuizam ding a, a dai mahmah na ah keelno zong zamzo veve ding hi cih bang dan in, telzawh loh ding in LSTna thu-thuk mahmah thei a, ahi zong in tel-lah hetloh dingin a dai mahmah na zong na om zel hi. Origen regarded the literal meaning of the Bible as less important than its moral and spiritual meaning. A laigual bang sang a, a thukzaw khiatna pen allegorical meaning na ci se hi. Allegory cih ciangh thusun khat, taangthu khat sung-a om kammal te' in khiatna ki kim nih nei hi cih hi. A khat pen a ki tel pah khiatna hi a, a khat pen a kiselsim khiatna (secret meaning) hi. A gen bang in a ki telpah khiatna, gentehna in "mihing pasal thum in a tate uh nek ding an pawl khat bawl uh hi" cihte hi. Hi laigual mahmah a dang khat in ki khia thei hi. Mihing thum cih ciang (Trinity) thumgawm a genna, an cih ciang nekkhawm a genna, tate cih ciang pawlpi mite (the church) a cihna cih bang dan hi in, hi pen ei' pau in athukzaw khiatna (allegorical meaning) cih ahi hi. Mun leh mualkhat peuhpeuh na pai ciangh na lungsim sung ah na ciapteh na dan nih om a, na pai kik ciangh na lungsim in tua mun khat pen ngaihsutna nih (two different feelings /views) tawh na ngaihsun kha thei hiam? Tua bangdan tawh ki bang kasa hi. Hibang-a allegorical meaning tawh khiatna mah ah zong a khia-khial pawl le diktak-a khia thei na om sawnsawn lai hi ei! LST lui pen Jesuh hong ki meihsetna (introduction) hi a, LST thak pen api cinna hi. A lui omlo in athak a piantheihloh mah bang in, LST lui zanglo in LST thak ki kalsuan to thei lo hi. Tua mah bang in ngeina lui nusia lo in ngeina thak ah ki kalsuan to thei lo hi. Zomi te'n ngeina thak laibu khat nei hang-a tua pen LST bu ahi hi. Tua sungah i ngeina tawh ki tuak thu tampi om a, i ngeina maanlo khempeuh hong pholaak khia Pasian' kammal zong kicing tak in om pah hi (Thank be to the Lord). Judah ngeina khempeuh a laih khia pen i Topa Jesuh na hihi. I Topa Jesuh hun a ki pan kilaihna pi (Reformation) pi khat hong piang khia hi. Tua in reformed faith hi. Tua ii a thu a la (documents) khempeuh LST thak sungah sim thei hi hang. Tua ahih man in LST in hong deep mahmah ong hu-zawh mahmah le ong tuam ong khuhsuk mi khat i suah mateng LST koi ci upding cihna ngawn atel thei thei lo ding minam te i hihi lai kha ding hi. Be influenced by the Bible. LST simsim mi khat in LST genna telthei pan bek hi. Gentehna : Hih LST a tom a kong at ziauh pen Lai SiangTho i' atukauh (abbrivation) ahih lam nangh na tel pah hang LST zia le tong a thei lo, sim ngei cih thadah zong a lem ngeilo minautaang pawl khat le Laipian te'n bang acihna hi ding hiam cih thei khol lo ding uh hi. LST...LST bang a cihna a leh? Lia Su Duh a cihna hi vak, ci lenglah atawpna laimal 'D' hi lo in T hi zel aih ciangh, Lia Su Thau acihna hi inteh khawng ong cih san lel ding uh hi. "LST" ii a longform pen "Lai Siangtho" cihna ahi hi.Khazih laitak naasepnopna hong pian semsem khak ding cihna tawh, thupawl khat kong at hi. Tuun nu Zogam aw a tel-siam ding in Topa'n thupha hong pia ta hen. Amen.