Lano tungah tuangin..:

1Jerusalem khuanai, Bethfage khua a omna Oliv Mual a tun' uh ciangin Jesuh in a nungzuite nih ma sawl a, 2“Mai-a a om khua-ah va pai un. Na tun' uh ciangin la nuta khau a kikhih na mu ding uh hi. Hong sut un la hong kai un. 3Mi khatpeuh in hong paupih leh, ‘Topa in deih hi,’ ci le uh cin hong paisak pah ding hi,” ci-in a vaikhak hi. (Matthai 21:1-3)Topa in deih hi! Topa in a tuanna ding ganno khat deih hi. Khe tawh a lut ding kilawmsalo ahi tam. Kumpi khat lawmlawm Ama khuapi ah lut dingin khe tawh a pai vauvau ding kilawmsalo ahi tam? A tuanna dingin lano khat Topa in deih hi.Ka neu thumang mawh a ka pano te khat kawlgam pan hong zin zel in, gawpawng thau hong bawlsak zel hi. Gawpawng thau pen vantung lam nga in ka lawn uh hi. A ging ngaih theithei ding ka kidem zel uh hi. Tua laitakin aman thusam (slogan) khat nei a, "Sakol tung tuang Pum Za Mang, Thau lawngpi puak kham del dal"ciin a gawpawng thau lawn zel hi. "Ging tuam hiam pano?" ka cih leh, "Ging tuam tuan kei. Nidang lai in ei hong uk kumpite hong pai ciangin vaidawnna in a kisam zel khat hi.." hong ci hi. Tu'n ka ngaihsut kik leh, tua hun lai in hausa leh ukpite khual a zin ciangin a zinna khua mipite in thupi takin na vaidawn in, limtakin na pahtawi uh hi dingin ka um hi. Amau zahtak man hi ding a, lauh man leh kiktaak mana vaidawn hilo dingin ka um hi. Zomi te pen ei hong uk kumpite a pahtawi, a thupi bawl 'minam picing, minam lian' hi hang cih kidawk hi. Piancil 12:2 "Minam lian khat in nang kong bawl ding hi" ciin Pasian in Abraham kiangah a gen bangin Zomi te zong minam lian, minam picing khat in hong bawl hi cih i thei hi. Bang hang in maw? Tungsiah zahtakna kinei a, a kileekkim a thu ngaihsut theihna, rational thinking kinei hi. Zomi te in a kumpite uh thupi bawl uh hi. Minam lian lungsim pua uh hi. Israel te in a kumpipa uh a thupi bawl uh hiam? Zeisu hun in Amah lei leh van kumpi hi cih theilo uh ahih manin na thupi sim lua khollo uh hi mai thei hi. Tuni in Zomi te in Kumpi i nei hiam? Kua hiam Zomi te Kumpi? Pawlkhat in India kumpi hi ci kha ding hi. Pawlkhat in kawlgam kumpi hi ci kha ding hi. Pawlkhat in US kumpi hi ci kha ding hi. Pawlkhat in amau tenna gam kumpi ciat Zomi te kumpi hi ci kha ding hi. Ahi zongin gam khat sungah a tengkhawm lo, mun tuam gam tuam ah a kithehthaang Zomi te in Kumpi khat i neikhawm thei hi. Tua in eite mawhna pan hong gum ding pa amin Zeisu hi. Tua bek mah i neihkhop, eite nuntakna hong uk, hong makaih, hong geelsak, hong vaihawmsak leh hong khoi, hong kem, hong vaak..... Amah bekmah ahi hi. Amah pen Kumpi hoih hi a, eite nuntakna a bucingsak ding, a cingtaaksak ding, Nuntakna cingtaak pia dingin a hong pai ahi hi (Johan 10:10). Kumpi leh ukpi pawlkhat pen a gu ding, a suam ding leh a laksak dingin hong pai uh a, ahizongin Pasian tapa Zomi te Kumpipa bel NUNTAKNA CINGTAAK pia dingin hong pai ahi hi. Zawhthawh thu tawh mite neihsa laksak lo a, zawhthawh thu tawh mite kizahtaksak tawm lo a, zawhthawh thu tawh amah a nialte hawlkhia tuanlo in, ITNA tawh amau adingin Kumpi a sem hi. Kiphatsakna lungsim nei lo a, kiniamkhiat tak in a mite adingin a sem hi. A mite thu hoih, la hoih hilh in, gamtat nuntak hoih hilh a, zuih ding zuih loh ding a kilawmte ahilh hi. A leitung nuntakna bek uh CINGTAAK SAK hi lo in, a kha nuntakna zong a it hi. Hih zah a Kumpi lian leh eite hong it i neih man in MINAM HAMPHA hi hang ka ci hi. Kumpi khempeuh in a mite uh it khin lo a, a meet dawk nuam bek pawlkhat zong om hi. Ahi zongin Zomi te kumpi ZEISU pen a meet dok cih thadah Ama nuntakna nangawn eite damna dingin Singlamteh tungah hong pia lai hi. Laphuakpa khat in, "I mawhna leh i dahna teng, a pua ding Zeisu i lawm" (What a friend we have in Jesus) [Joseph M. Scriven, 1855] na ci hi. A dawng 2na ah: Dah teng thuakpih nuam Zeisu bang Lawm maan dang mu zo ding mawZeisu'n thei khin i sap bangbang, Ama kiang thungen in aw... Min hong simmawh hong huat ciangin Zeisu kiang i pai ding hiA angsung hong pom hong dal inLungnopna hong pia ding hi.... (a good shepherd, He is)I dah, i kah teng hong thuakpih nuam lawm tampi leitungah kinei lo hi. I it mahmah i zi i pasalte nangawn in a vekpi in hong thuakpih nuam khollo maithei hi. I nu leh pa, i tanu tapa te in zong hong thuakpih, hong theihpih khin utlo mai thei hi. Ahi zongin Zeisu in i kisap khempeuh hong phawkpih, hong hih pih, hong panpih nuam hi. Ama kiangah thungetna tawh ap peuh leng LAWM HOIH PENPEN ahi hi. Tua zahta a Zomi te bek hilo, leitung minam khempeuh adinga Kumpi a sempa tuni in nakpi takin phat huai hilo hiam. Tua bang a phat thei dinga minam tampi lak pan Zomi te i kihel khak pen hamphat huai hilo hiam. Kineisak taka "Lungdam si ung" ci a ei zong Jerusalem mite banga "Topa tanga hong pai mipa Pasian in thupha ngahta hen! A hong tung ding Pasian ukna, Pasian in thupha pia ta hen! A sangpen a om Pasian in thupha ngahta hen.." ci a awtawp a kiko a phat hun hilo hiam. Amah zah a phattak Kumpi i nei ngei hiam. I nei lai ding hiam. Neih i sawm lai hiam. Hong it hi. Hong ngai hi. Hong khual mahmah hi. Ama meetna ding zong lo hi. Ama angsung bek theilo hi. Zahko, cilphih, bawlsiat namcin thuak ngam hi. A nuntakna nangawn pia in eite adingin Singlamteh tungah hong si hi. Hizah a lawm hoih mu zo ding i hi hiam? Husang thei khempeuh in Topa phat un, Topa phat un. (Late 150:6)Tuni in muh theih in Lano tungah hong tuang ken teh. Na puan hoihte a paina dingah na phah nop hang mittawh muh theih in hong kilang lo ding hi. Ahi zongin na lungsim tawngah, a tawngnung penpen ah (inner most) hong teeng nuam hi. Tua Zeisu na lungsungah na lutsak diam? Kumpi in na sang thei diam? Na nuntakna hong uk dingin na zintung sak diam? Na innkuan sungah na zindo ngap diam? Na lawmhoih pen dingin na sangzo diam? Amah kongkhak ah dingin kongkhak kiu a, kong na hon leh hong lut ding hi lel hi....... Zomi te khempeuh aw, Topa phatta un! Hau Za CinPhuitong LiimWhat a friend we have in Jesus,All our sins and griefs to bear!What a privilege to carryEverything to God in prayer!Oh, what peace we often forfeit,Oh, what needless pain we bear,All because we do not carryEverything to God in prayer! Have we trials and temptations?Is there trouble anywhere?We should never be discouraged—Take it to the Lord in prayer.Can we find a friend so faithful,Who will all our sorrows share?Jesus knows our every weakness;Take it to the Lord in prayer. Are we weak and heavy-laden,Cumbered with a load of care?Precious Savior, still our refuge—Take it to the Lord in prayer.Do thy friends despise, forsake thee?Take it to the Lord in prayer!In His arms He’ll take and shield thee,Thou wilt find a solace there. Blessed Savior, Thou hast promisedThou wilt all our burdens bear;May we ever, Lord, be bringingAll to Thee in earnest prayer.Soon in glory bright, unclouded,There will be no need for prayer—Rapture, praise, and endless worshipWill be our sweet portion there.============ ========= =========