PA TAMLAWHNA

*"Aw kata kata absalom kong it ka ta"* tam lo ngeungeu kua hi mawk hiam?Hih pata te nuntakzia i et ciangin, hihzahtak a a pa tamlawh nadingin atapaAbsalom in a pa tungah bang thupha bawl aitam cin' i et ciangin kitam muh lomai hi. A pa tungah thupha bawlin, lungdam a koh genthadah, a ma tutmun, apakumpizaa suankhia dinga kipan Absalom ahi hi. Ahi zongin hong sih taktakciangin a pa in, awi bek ing ci loin, itna taktak tawh depngekna kawmsa in,khitui naptui tawh "*Aw kata kata Absalom kong it kata, nang sih tangin keinapa si zaw leng maw" *a ci veve pa vive ineih khak manin lungdam huaimahmah kasa a, PATE tungah zahtakna kong pia hi.Natate uh bangzahtakin gina ta kei le ung, itna tak tawh hong it a, hong kemveve pa ten' Pasian nasem gina mahmah khat nahih manun, tate itna,lainatnahangin aluang khia khitui, naptuiten' mannei in ni khatni ciangin na khamlukhu dinguh zong ahih manin kong lungdampih khol mahmah hi. Apumpi itin,pilding, siamding, neihding lamding deihsakna tawh hihzahin khitui naptuitawh na isep kawm in, anuntakna anei Pa ahi akha nuntakna adingin, khitui,naptui tawh bangzah vei thungetsakin, thupha ipia hiam? hih thaman in van ahna kham lukhu ding taktak ahi hi. Asi thei, amuat thei, abei thei pumpihihzah a hong it ten bel, a si theilo, amuat theilo, anung ta tawntung i KHAnong itsak dingdan uh kangaih sut teh genzawhloh lungdamna lianpi ka nei hi.Khaileh, guai!!! i pate tamlawhnate ei ata ten amawkna isuah khaklohdingthupi ngaihsut masak huaipen hi. Ipate khitui muangtuang giugiau imuh tehinuih san kha hiam? anap tuikai uh imuh teh kihhuaisa in i lehngaksan khahiam? nakpitakin ki ngaih sut ding deih hang. Pa mit pan a luangkhiamittuite leh nakngak pan a takkhia naptuite kih huai, nuihsan huai hetlo in,a siangthopen, Van thupha, lei thupha ingahna ding anak anipsak tui hoihmahmah nam khat ahi hi.Rev. Lian Za Huam
Zanni Chicago Fox River ah lawmte tawh ngasiah(fishing) dingin ka pai uh hi.Lawmte'n a gol simsim man ta leh, ken nektham cing a neu 4/5 ka man sam hi.Khua hong zingin guah hong zuk teh innlam ka zuat khawm un a beisa hun khatka lungsim ah hong kiphawng hi.Zogam khuapi Hakha khua ah hi, tu bang hun summer sung, sang khak sung hi a,No 1 sangpi a sia sem Sia Gin kici te pata le kei, ni khat TEHLOP, va sathang siah dingin ka kuan uh hi. Ka tehlop an thang pen PHULUM hi-a vasa induh mahmah hi. Tua ni vasa nam tuamtuam 15 bang ka man uh a, ka thum un akikim in ka hawm uh hi.Inn ka tun teh KA NU in a mul teng bot siangin sathau tawh kang namtui hi.An nekma, KA PA' thungetna, TOPA tung lungdam kohna pan in, ka vasa matte,inn ka tut pen, a masa pen ahihna, ka thei hi. Inn ka tut masak penahihmanin kei zong ka angtang hi.Zanni ka ngasa matte a gina kei zong, tawm ta leh tam ta leh, ka nu le paang sung ka tun nuam hi. Leitung ah mithupi, mipil, mihau tampi dil in dilta leh, ka nu le pa mah kei adingin manpha pen hi.Pate' Ni hong tung kik a, pa pahtawina, a diakdiak in KA PA ading gelh dingka kithawi a, ka gennop, ka pulak nop, ka pah tawinop hong tam lua a, ka gammang hi. Bangbang hi leh, pa kinei tek a, tua a neite lakpan, ko ka hamphadiak uh hi. Bang hang hiam cih leh "*PA HOIH MAHMAH KA NEI UH HI*".Happy Father's DayInn tun ding ngak lah ing,Thang Pil Mung