Zomite aading seem thei lecin, bangteng masak sawm.

Posted by: "Thang Siangh" zogampalpi@yahoo.com zogampalpi
Thu Jun 7, 2007 8:46 am (PST)
June7,2007Hih dotna pen tamveipi kaza a, kadawn mengmeng ngamlohthu khat ahi hi. Bang hang hiam cihleh muhna leh ngaihsutna kibangkhin lo ahihman, khatpeuh lungsim kasukkhak ding ka lau hi. Ih sepnop aom hangin kiseem theilo hi. Ih sepzawhding a om hangin kiseem theilo hi. Ka uut pente lakah...1. Kumpi in, minam deidan omlo, biakna deidan omlo, Application- form khat pepeuh tungah biakna leh minam kua cih dotna omlo Democracy gamnuam khat hong hih leh ka-uut masa pen hi. Freedom omna gam hipeuhleh gam kikhense uthuai kasa tuan kei hi.Ei Kawlgam gamneuno khat pen innkuan lungsim hong nei le uh bang lunglen kulse hiam? cin kangaihsun hi.2. Minam-lian suahna pen Pasian' nasep ahi hi. Pasian in asep ciangin leitung vangletna in khaktan zo lo hi. Leitungbup a uk Rome koi-ah om hiam? Nitum-ngeilogam British Empire koi-ah om hiam? Minam-lian suahna pen Pasian nasep ahihi, ei thahaatna kihello hi. Pasian in, kamite hong cih theih laiteng, ciangtan omlo atehna omlo iin kikhangkhang lel ding hi.Tu3. Zogam pen leikolh asuahlohna dingin, leihoihte apaikhiatlohna dingin,singkung lopa bangci kep ding, ganhingte aci-man loh nangin bangci protect ding, luituite akanlohna dingin Forestry bangci hih ding, innkhawi ganhingte bangci kep ding cihte thupi kasa mahmah hi.Ih omna-mun puah leng, midang aading hilo a, a omte aading hipah lel hi.Tu mahmah aa ih teenna, ei khutsung a om singkung,lopa, ciktui,luituite keem kei leng kuan hong kepsak ding hiam. Ciktuite khekeu pahpah leng cikciangin ihgam hingsuah ding hiam.Innkhawi ganhingte kepzia ding hausa upa in ngaihsut huai mahmah hi. Ganno khawite in, gankhumna hoih takin bawl masa leh mipi nuntakna tampi kidal kidomto zo ding hi. Ganhing khumpen kisumlo lailai hi. Gan 5-pan 10 ciang khawizo lecin zong a eek in innkuankhat vakzahna ding ankung leihoih pia zo hi. US aa bawngkhawite in anawi-man zah iin bawng-eekman sum mu uh hi. Ih omna-mun puah masa leng kikhial iin ka um kei hi.4. Zolai amanthan ding kilau mahmah hi. Pawlpi tuamtuamte ah, hahkat-sang( nitaak-sang) hongin sinsak leng hithei lel hi. Pau mangleh minam amang hipah lel hi. Pau leh minam kikhen theilo hi.5. Ih gam i minam phattuamna khempeuhah lung kituak takin seemkhawm ni.Thang Siangh.