A THAT A MANN KIDEM

Tanglai ih Pu ih Pate hunin Athat-Amann cihpen amau kidemna Sport thupi pen leh minthang pen ahi hi. Thautawi sabeng gamvakte sangaa Sport uthuai zaw amauhun in omlo hi. Saman-theite pen mi-minthang pente hipah hi. Pasal-cingtak, pasal-muanhuai ci-in kipimuh hi.Tuhun USA gamah kimawlsiam ten sum mu uh hi. Nungak melhoih pen te ngah uh hi. Nidanglai-in muinam neek ding hamsa mahmah a, saben haatte pasal dingin kideih petmah hi. Zukhum pen nesak a, pahtawina kipia hi. Zupi neekna munah amau kikai masa hi. Zucil leepsak hi.a. Malgam taangah kawlciang leh paitem kuahte sangtam kaapte pawh alawm ngelngel e...b. Sang zunsiam leh kawlciang in van taang lawm a,(lai tam hente pawh) ningzu aisa tawh alawm ngelngel e....ci-in laa phuak uh hi.Saben uukte in zothau, saili (sailung), thaltang, vaaithang, tehlop-thang, zusa-vasa aneupen pan kipan samatna namkim kinmahmah pah uh hi. Sakhau leh temta-hiam kithuah den hi. Thaulawng leh thau-sialki kithuah den hi. Tualkhau patpuan sah mahmah, abansau-in khui uh hi. Akhuk bandektakin bawl hi. A aang hong suaksuk hi. Tua pen a silh ciangin apuan-aang paipehin apumpi tuamin, savun kawnggak tawh gaak a, bombi-sing teng mah tawh kibang linlen hi. A puanpen guahtui in letzo mengmeng lo hi. To mahmah a, ling in akaih ciangin, doktat ngam lel uh hi. Lingkung kitatzaw vawt hi. Dial khim hi. Sakhau akuah khit ciangin thau liangpuakin kuan viauviau uh hi. Meisah ci-in sik letmatnih asau letmat-lang sah leh thausuang khat tawh nahtang-pann keu ahi Lee tawm tawh, sing kibuptuah bawmtano khutdawhcia sungah anello dingin guangaa vom tawntung uh hi.Sataangpang leh Sataanghawl kikhen uh hi. Thautawi kici Sataang-pangte in thau tawi uh a, Teitawi kici sataanghawlte in temtawng khatciat keng uh hi. Sataangpang leh sataanghawl pen thautawi leh teitawi kici hi. Nidangin tem kineizo kimlo aa, tei, molh, cihkhawng peuh kizang hihtuak hi.Sataang hoih amuh ciangin, Sataangpang thautawite mapai-in sa suakna zawihoih tengah kigual uh hi. Teitawi pawl in sataang kuamsung teng a sing a suang lokin awng uh hi. Amau tuntunna kithei dingin gamtaangin awng awng uh hi. Tua hikeileh sapangte khutkhial thei uh hi.Sabeng khempeuh in saman kimlo hi. Sa-ai neite bek in saman nuamdiak hi. Gamsa a keem dawite pen " Sakhaal " kici hi. Ahihkeh, "gamngak" kici hi. Gamngak akhai (abiak) masak lohin tuahsia thei hi. Sa-ai neite kiang bekah sa suak hi. Sabeng minthang Pu Tun Thual in hi bangin laphuak hi.a. Sang asuahna lal asuahna, simlei kankong om diam aw.b. Nahsing nuai a, zinsiam lakmai sangmang a kankong hi e.....ci-in la naphuak hi. Dawi tawh kop-a, sa-ai neite bek in saman thei hi, ama kiang bekah sa suak hi.Sa a kaap ciangin alawmte masuan aa suak sa kapsak lo hi. Thuman lo-in ngaihsun hi. Pawl dingin kideih lo hi. Pawl ngahzo lo hi. Sa pen khatvei-in tuklo ahihmanin, tua bang ciangin kaphuan thei hi. Aman ding kituh thei ahih ciangin thautang tawh sittel a, buai mahmah thei zel hi.Saman a omleh hanlaa sa-in awng pah ciaiciai hi. " Kabawl ee kabawl ee taang in ee lungtup ee sangluang naubang sial ing e, eee" cihleh saman ing ei, hong pai vo" ci-in alawmte sam hi. Agei tung masa ding kidemin gampa phul laaplaap in kuzakzakin delh uh hi. A tung masate Saphuipua kici hi. Anakguh leh apheisa kikal akawngguh pia hi. Anihnapa pen Samalman ci uh hi. A sanaak tangnih pia uh hi. Sakappa or samanpa liam or sihna khat nei zenzen leh aluang pham masa ding himawk ahihmanin SAPHUIPUA kitupi ngaisut mahmah hi.Khuamual atun ciangin Sa-mualsuah ci-in thau lawngkhat lawn masa hi. Mite khuadak tading hi, acih ciangin, a samat pen vom bang ahih leh " Vombuai e,( zangsa ngalpa e) alet e alet e, tang in kakawlciang phung e, alet e, alet e hong ki thangvai ciai e, taang in alung duh e, eee. acih ciangin amat ngal hiam, vom hiam cih kitel hi. Tua ciangin minlawhna cileuleu hi. " Takte takte Kaptel aami Kaptel aa mi, Sukzo tu Sukzo tu Thawng khaw Lian takte Thawng Khaw Lian takte" acih ciangin saman kua cih kithei pah hi. Tanu tapa zubeel tawh a inn nazuan pah uh a, lumziahziah in gamlum bawl uh hi.Zomite in Dah-hanlaa(minlo aa kitom taang) saman galmante hanlaa tuam tuam nei uh hi. Sahang mante hanlaa kaphawklai khat, "Lentu sanglian e, a let ee hong kithangvai ciai e, aliat ee hong kithangvai ciai e, aw kanu, aw kapa tho rawh tho rawh sang minthang tuang hong tung ee eee. ci hi.Kapa zangsial hanlaa, " Thawm ii sawmsial hi ee, a tatna e kangtui tualnuam ee, simlei galkhua adakna thangvan lenmual saang hi ee, lungtup dawn bang tuak ing ee ee " Sahang, vom, cihte pen Sapi kici a,amat ciangin, Sagau tang hamtang uh hi . Ahinglaite in alawm zongin agim sulzuih hi. Kamsia tawh kituak thei hi. Khanglui mite in vaikhempeuh mukim zo mahmah lel uh hi. Sapi acihte pen sasialne alauhuai ganhing gennuam hipha diak hi. Ei gamah humpi innsun kituah, sahang kamkei, sahang mualzul cihte bek om hi. Sapi acih ciangin Vompi leh sahang gennuam ahi hi.Sapi man a omleh aihloh phamawh sak uh hi. Aneite in meipum bawng sial zangin aipah ziah ziah uh hi. a. Sang aw natun nangaih leh lakmai-ah kigual dial e,b. Lal aw nazua nangaih leh khuamualah alvan bawm e.a. Amual kitawi tulliim liap peuh sangsawl kaphahna hi eeeb. Lentu sungah hawkguam damtui sangluang kadiahna hi ee.Leitung kilumlet aa gallehsa ki-ai nawnlo hi. Pilna zon hun leh sumleh neihsa zonhun in hong khengpaihto hi. Ahih hangin USA gamah mihau minuamsa dinmun saangte in saben-gamvak pen Sport nuam mahmah in zanglai uh hi. Vice President Dick Cheney sabengin kuan hi. Alawmpa khat vasa sakha a, ngimtete in kap ek hi. Silo hi. Comedy ciamnuihhaat ten ciamnuihna-in nei thei zel uh hi.Ei Zigam zong US gam mah hong bathun ih ngaklah mahmah hi. Khang bangzah ih ngak diam? Electricity zang a, nasephun hong tung ding hi. Singkung lopa sulo liamsak lo a nimdihdiah aa koih hun hong om ding hi. Gamsate leh van aa leengthei vasate nangawn lauhetlo suakta tak aa mite tawh teenkhop theih hun hong tung ding hi.USA gam bek hilo gam thupite-ah saben hun kiciangtan hi. November khasung hinuam diak hi. Anu-apa a kizuihloh laitak ahi hi. Ganhing te cimanglo dingin nasiatakin khaam hi. A citawmte leh anu ,cikmahin kapsak lo hi. Cimang zolo dingzah aa tam sazuknam, gamsial, gamlawi, gambawng cihte beng thei hi. Vamim, buah, vagik, sai-ak, te kaap thei uh hi. Hihte pen gam susiazo zahin tam hi. Ei gam zong tuabang dinmun hong tunkik nangin thungen ni.Thang Siangh. http://in.mc391.mail.yahoo.com/mc/compose?to=zogampalpi%40yahoo.com