Nimit 20 Tunkha Zomi nam ni India ah kizatmasakna

Posted by: "mc khaipu" mckhaipu@yahoo.co.in mckhaipu
Wed Jan 30, 2008 5:16 am (PST)
Laizomte awZomi Nam Ni hong tung ding sim in i Zonet uh ah, i Zomi Nam Ni min-vai gen khom na om den kei in ka thei hi. Pawl khat in Zo Minam Ni ci, Pawl khat in Chin National Day ci, pawl khat ta leuleu in Zomi National Day i ci uh hi.Indiagam ah Zomi Nam Ni 1986 in Pangzawl Khua ah Chin Baptist Assn. sai na'n amasa penpen kizang hi. Hih hun ah a Banner ah "Zomi Nam Ni" ki ci a, a nuai ah "(Chin National Day)" ci in ki gelh hi. 1992 dong mah hih bang min nih nei in Indiagam ah ki zang ton tung hi.1993 ciang in India gam Zotate sungah khanlohna a hong tung ciangin Zomi Nam Ni cih bek tawh hong ki zang ta hi. Hih ka gen nuam na in Zomi i ki cih ciang i Zo mipih teng in zong hong thukimpih mah uh hiam?, a hong thukim pih a hih uh leh Zomi National Day ci in zang leng a siatna om tuan lo hi in ka mu hi.Kawlgam lam gen kik ni, Tuni dong kei mah theih na pan in Kawl Kumpi in Chin National Day in ciamteh leh National Holiday in zang lai hi. India gam pan a piangkhia Zomi Nam Ni hi leh Zomi National Day ci in official recognation ki mu thei tham ta mah ding hi. A hi zong in Kawl Kumpite tung pan in Chin National Day pen Zomi Nam Ni (Zomi National Day) ci in a min i khek zawh ma teng. I Zonet hi in i mi nam suang ah hih kikupna uh veng lo ding in ka um hi. Zomi Nam Ni zang lah om ding hang a Chin National Day zang zang om ding hi hang. Lamka khua ah' Biakna Pawlpi' khat hi napi in a makaite uh ki tel siam lohna hang in tuni ciang dong in, a Pawpi min uh lah ki bang a piak pia khom thei lo om hi. A makai khat makaih teng zingsang lam in ki khom in, a makai khat pa a teng nitak lam in ki khom to to zel uh hi. A hi zong in a maute pawlpi khat mah a hi uh hi. I Zomi Nam Ni zong hi bang mah hiam ka ci sim mawk hi.I ki pumkhat na ding in Zo minam sung makaite'n (Sia) Fr. Andrew Go Lian in i Zonet nimit 18/11/2007 a gelh "Zomite ki pumkhat theihna ding (c.f. Gal3:28)" cih limtak na sim pha mah mah le uh ka deihsak hi. 1993 Zomite sung Indiagam ah khanlohna a hong tung bang' Zo minam bup tungah a hong tung ding ngak lah huai mah mah hi.LungdamTopan thupha hong pia tek ta henMC KhaipuBekanlei