Lengtong Pauno "Zomi Ka Hi Hi" - Et kikna

Posted by: "mc khaipu" mckhaipu@yahoo.co.in mckhaipu
Sat May 17, 2008 1:50 pm (PDT)
Zomi Ka Hi Hi (Etkikna)Amasa in Zomi Ka Hi Hi Lengtong Pauno Lasak Silver Jubilee Pawi a hong sawm khia Minuamsa Video leh Sunflower Musicte tung hih bang in a hong sawm khiatna hang un ka lungdampih mah mah hi. Bekthamlo Lengtong Pauno Late bek I Zomi sungah nungta hilo in a mah mah in zong A Tul Theilo late hong sakpih ka lungdampih pihna sang zaw sem lai hi.A thubek in Zonet I zaza a, a ngaikhia, a ngah I tam lua nai tuan kei uh hi. Hih Zomi Ka Hi Hi khui ka ngaih le et ciang in ngaih sutna tamlo hong pia in hihte thei kim tek leng deih huai sa in hong gelh khia ing.1. A Mun (Venue) leh A Mipite (The Crowd): Tahan I Zomite ki saktheihpih mahmah khua khat a hih man in a et-nuam ka sa mah mah hi. Hih hun ah Sia Job Thawngno zong ki hel a hih manin Lengtong Pauno La leh Lasak a siam salo ki omlo a hih lam I mu thei pah hi. A late sa theilo peuh om lo hi in I mu thei hi. A Stage leh banner Zomi Ka Hi Hi cih tawh ki tuak mah mah in I Zo-ngeina vante a hong ki lah pen thupi ka s amah mah hi. I Puanza leh nik neih khempeuh uh lak pan in I Puandum uh a hong ki koih pen thuipa sa mah mah hi. Zomite pen Numei a mu-niam leh a nelhsiate ki hi peuh mah lo in a lamsang Zomite I hih na hong musak hi in ka sang hi. A mipite zukham sakham a mawk awk-lua lua cih bang omlo a hih manin om zia zong a siam mah mah ta Zomi I hih I mu thei kik leu leu hi. 2. Lasate (Artist): A Lasa khempeuh lakpan in a min a ki za ngei nih bek Lengtong Pauno leh Thawm Khawm bek om hi. A dangte khempeuh pen khangthakte a hih manin ka lungdampih mah mah hi. A maute zong a lungdam mah mah ding uh ka lamen hi. Hih bang in Lengtong Pauno Late a mah tawh hunkhat sung a sa khawm ahih na hang un a angtang mah mah uh hi. Thamlo in hih Zomi Ka Hi Hi Khui pan leitung bup Zomiten hih bang Lasiam a hong minthangthak dingte galmuh theih I man lasiam in a patau vetlo ding Zomite I hih zong hong lak kik hi. Nikhatni ciang in international level in lasa leh lasak in zong nek a hong muh zawh pahtak ding uh zong ka deihsak mah mah hi. Kapal Heauta Kimpu & Sian Tawng sakpen hong Rap latlat mawk uh a hih man in ki lawm a sa zong a tampi mah ki om koi koi hi. A hi zong in La a omsa khat pen a omsa mah bang I sak ding pen a thupi mah mah zong ahi hi.3. Tumging (Music): Falcon Bandte pen gual a eng-vetlo band ci leng zong I khial kei ding hi. I bang band in Lengtong Pauno tawh ki pawl khom in hih bang vai a hong hawm khiat theih uh pen thupi uh ka s amah mah hi. Sum leh pai tawh a guaih ding hi peuh mah leh mimal khat a ding a a ham sa mah mah ding hi. Mailam hun ah zong Falcon band ten Lengtong Pauno Zomi Ka Hi Hi bek tawh a min uh hong bei loh ding zong ka deihsak mah mah hi. Zomi sung ah Music Band in om tei hang in a sawt hong dia mah mah omlo in, tawl khat sung bek hong daih mawk a hih man in a dah huai mah mah hi. Hih thei leh I Zomi Lasiam leh Music siam khempeuh Lia leh Tangte Lengtong cih mawh tawh hong pumkhat kik in I Zolate hong awi awi kik thei le uh pen Zomi ki ci peuh a a khasia, a sum ki sam om vet lo ding hi.4. A Saite (Organizer): Sunflower Music leh Minuamsa Video Productionte zong et the tak ka sa mah mah hi. Mailam hun ah zong hih bang in Zomi Lasiam Lengtong Pauno a bek hilo in dangte a hong a Lasak zawh Jubilee tuamtuamte uh a zong a pawite uh phawkpih in I Zomi khangthu sungah a mangthang thei nonlo dingin Lasak Pawi leh a Khui (VCD/DVD) khat ciat bang hong vaihawm khiatpih zawh le uh teh kong deihsak mah mah hi. Hih bang in na na senate uh a mimal a bek hilo in, I minam, I gam leh pasian na sem khat zong na hong suak koikoi sawn sawn uh hi.Zomi Ka Hi Hi cih ding pen a zum huai hi non hetlo ahi hi. Zomite la sam, pilna siamna nei zong ki ciang pian pian ta I hih man in, Leivui pan a hong lamto Topa min I phat hi. Lasiam leh Laphuak zong Zomi sung ah a kitam mah mah hang in hih zah in Zomite a hong phawng leh thapia, hong hehnem leh hong lungdamsak la pen tom mah mah hi. Zomi Ka Hi Hi cih pen a vekpin ki ciang khinzo a hih manin Zomi Ka Hi Hi, Zumpih Kei Ning!Meiteigun a kan ma tengMC Khaipu