Misi bang hun a phum ding?

Posted by: "Hau Za Cin" http://in.mc391.mail.yahoo.com/mc/compose?to=suante2002@yahoo.com&Subject=suante2002
Sat Jun 9, 2007 10:46 am (PST)
Misi bang hun a phum ding?I Topa Jesuh a sih lai in nitumma in a luang kila khia a, khuazin ma in kivui pah hi. Judah mite in misi bangci kep uh hiam cih ka thei kei hi. Ahi zongin zan giak saklo in kivui hi. Khanglui hun ah Zomi te in misi pen a sihni in vui pah lo in zan tampi, ni tampi (ni 3 bang) bang koih in uih man liang hi. Tu lai ciangin misi pen a sihni in a kivui man nak leh kivui a, a siatma in leisungah kiphum hi. Mizogam ah sun nai 12 ma in a sih leh tuani mahin kivuisak a, sun 12 zawh a hih leh zan khat giaksak in, a zingciang nai 11 ciangin vui uh hi. [Natna tuam diak tawh si a, inn ah puak dingin a kiphal kei leh (Zato te in a phal kei leh) zato inn pan hanmual a kipuasuak zong om hi]. Cidamna thupi ngaihsutna hang hih tuak hi. Misi pawlkhat pen a vun sung pan natna hoih lo khawng kilawh theih ahih manin kineh ding a kiphallo om hih tuak hi. Papi khat in a zi sun 12 ma deuh a si sun 12 zawh ciang a kivui pen, "a ci lum lai hi" ci liang hi. Mihing pen hinna a om nawnloh ciangin misi hi a, misi pen niin hita mai hi. Muat ding, sia ding, bei mang ding hi ta lel hi. A thupina teng bei a, a nuntak sunga a sep teng bek a om hi ta mawk hi. Ahi zongin mihing pen i si zongin (a diak in Zomi te) ki it ve ve hi hang. It huai veve hi. Mel leh puam a ki khek mateng kimumu nuam hi. Hopih theih kei ta leh ki it hi. A nuntakna thu te ki phawk in ki it diak hi. 1. Hinna a nei nawnlo misi pen a sihni mah in vui pah ding ahi hiam? 2. Sihsia pen sun hileh zan hileh a manlang theithei a kivui kum bangzah kizang ta hiam?3. Misi koih pen gim kipiakna, haksatna kiguan i hi hiam? (khanglui hun ah, tu lai ciang misi kikoih nawnlo ahih manin)[Shillong ka om lai, Zomi khat Khasi te tawh a kiteng khat a pi hong si in, a sih zawh ni 3 pha zo, a kivui ni dingin ka va gal uh leh namsia ding kipan ta a, innsung bang kizeel pianta hi. Mi cidam lo te leh (adiak in gilpi hatlote) mi pawlkhat a gim nam ah tu thei lo hi]. Hau Za CinPhuitong Liim
Misi koih tan ding tawh ki sai tawm ka hong kum nuam hi. I khamtung ah nidang, Christian i suah ma in ni tam pipi ki koih hih tuak hi. Kei theih ciang ciang ah bel ni thum ki koih hi. Misi koih tan ding pawlpi in thu khun in ki nei zaw hi. Ahi zong ahang atuamtuam vai tuamtuam anei te ahihleh inntek te nget na tawh ki zui in ni 7 bang akoih om veve hi. Inn tek lam a i om ciang asi khin ahih hang ki it lai mawk hi, ki pai nuam lo mai hi. Mipi lam ah om leng a sih ni mah in ki pai leh ki ut hi. Hi mun ah mipi muh na dik zaw in ka um hi, bang hang hiam cih leh sawt i koih na hang a mi si pan natna lungno ki ngah thei, cidamna tawh ki tuak lo bekthamlo in, hong aup veng le pam, khuapih tuipih, meltheih ulehnau te buai ki pia mah mah hi. Hong ki aup leh nuam mahmah in lung len khawngaih hong mang ngilh sak taum a mi pi ki ngai mahmah hi. Business view pan en leng hong aup mi khem peuh in tua hong aup ni teng, a nasep ding uh sem thei lo hi. Avai thupi te uh nusai ahong pai uh ahih manin ei siat tuak man a mi te gim a pia sawn sawn tawh ki bang ka sa hi. Tua ahih man in ei ki kup hong ki mang ding ahih loh hang aki kum i hih man in, vai tuamtuam nei ahih kei nak leh ki pai/phum pah leh cih zong hoih ka sa veve hi. Ki kum mawkmawk
SB. Dongbawi