Nong ciahta diam?

Posted by: "Hau Za Cin" suante2002@yahoo.com suante2002
Tue Jun 12, 2007 11:06 pm (PST)
Tawnsim (Champhai zong kici zaw ta) ah khatvei ka pa no khasum lakna ka zuih leh sumhawmpa (Cashier) pen sun annek hun in inn ah ciah a, hong tung baih pian hi. Hong tun ciangin a lawmte in, "I pu bel tu hun-a ciah zel a ngeina hi, ahi zongin tuni hong tungbaih veh aw, naupang sangkahte sun annek hun tawh kituak sese hi ven" ciin ciamnuih (ciammuih) uh hi. A dangte thutuam hi leh, a kivaikhak tangtang ahih loh hang a lungsim ah, "nong ciahta diam?" ciin a hopih den khat om hi dingin ka um hi. Inn i cih pen i ciahna ding mun hi a, i lungsim ah i inntekna penpen mun i ciahna ding hi. Tua inntekna penpen mun pen inn zong hi thei, mi khat lungsim zong hithei, lawmte khat kiang zong hi thei, biakinn zong hi thei, ... a koi koi hi ta leh i khamuanna, i lungkimna mun ah i ciahkik nuam zel hi. Tua san ah hong kisaang a, hong kituambawl lo a, hong ki zin et lo a, hong ki sanggam bawl, hong ki it in, ong ki ngai a, nuam kisa in nuntak namtui ngaungau hi. Tangval lawm ngaih neite adingin a lawmnu kianga om ding a lunggulhna pen, 'Nong ciahta diam? cih kammal, ngaihsutna hang hidinga, khualzin gamvak khat zong a innlum mah in tua bangin sam ding hi. Nupa kiteng khinsa te adingin a vakkhia zaw pen inngakte in "nong ciahta diam?" ciin sam kha dinga, kihil kha ding hi. Kha nuntakna ah Pasian nasemte in hong gen leh na kha nuntakna Topa lam zuan in na lampialna pan "nong ciahta diam" cih kammal mah hi kik ding hi. Tuni in nang kua in hong sam hiam? Nungak in hong sam hiam? Na zi in hong sam hiam? Na pasal in hong sam hiam? Na Kha nuntakna in hong sam hiam? Na gam in hong sam hiam? Na khua in hong sam hiam? Na ciah kik ding hong ngaklah a om hiam? Hong ngak ding neih loh pen khasiat huai kha ding hi. Hong ngaklah om cih theihna in lungnuam sak a, khamuanna khat hong pia in, hong ki it, hong kiphawk hi, cih kithei hi. Nang kua in "nong ciahta diam?" hong ci a? Kei a tawh a kibang diam... he he.... nanga hoih zaw sam incia, ngak lah huaizaw inteh,,, kei a zong ziakai ngam dingte pawl hi sam kei..... Ngaih Anglai Mah te in, "Taang za tam a paal zongin, ngaihnoKei lungnopna nang bek hi...."a cihte bang hileh nang zong gen loin omthei ding na hi hiam?
Hau Za CinPhuitong Liim

Sia Cin aw.,
nonglai-at in ka sinlaai hong phawng hi.Ka Zomipih akua mapeuh aw, Ngaihno(ki ngaihpih) nei-aa gamdang ah a zin kuateng om i hiam ?

Na ngaihno te-uh lai na khak ngeizel uh hiam? Na Phone pahpah uh hiam? Sia Cin gen (cih) kammal bangin Nong ciahta diam ? hong ci ngei uh hiam?Nong ciahta diam ?kammal pen kammal thupi mahmah khat hi.Bang hih ding aa ciahta ding ?Bang gel na,bang ngim na tawh e ?Sia Cin gen sa teng ki cing ci ni...

Kei ka ngaihno-in U aw,nang cikciang' hong ciah ding ? ka Phone simin hong dongden ee,kei' lah ni tawmno bekbek hong ngaklaai tapeuh in,ci-in ka it / ngaihna kammal te tawh a lungsim,alung lenna te na hehnem zel ing.A ciah nuamlo hilo,ciahta dekdek ding ee.

U aw, Nong ciahta diam ? Tua leh nang keibekmah hong ngai takpi maw leh ?? hoihtak i dot phat ciang' i ngaihno te'n zong' hong ngai mah ing kong cici hilo maw . Hong ci sensen sam uh hi.Banghang' hong ngai mah ing kong cici hilo maw, ci uh hiam ?

I ngaihno te'n zong a lungsim sung uh-ah ei bekmah hong ngai-uh na hi takpi-aa ka U bekmah ngai-ing ,ngai lua-ing,ngai taktak ing,ngai tektek ing ..ha..,ci-in kawl la bang na saklawh liang theidan uh hi. Hi ci bang-aa a lungsim ngaihsutna-uh 90% dong ah hong koih khadan uh hi. Ahizong' ei ' umtak phalo-aa i teldot ciang' khat veibek i dot hi napi-in amau hong don uhciang' hong ngai mah ing,kong cici hilo maw , hong ci-khia-kha na hihi uh hi.Hong ngai lua -uh cih na hi pak hi. True Love

Kong cici hilo maw , hong cih kammal pen Nungak (virgin) khat i kammal khum mahmah ahi hi.Ei a lawmpa te sang' hong ngaihsun zaw,/ den cih ki langhsak mahmah hi.A lungsim khempeuh phial hong piakhin suak mai hi.
Hong ngai takpi-uh,ei bek hong ngai uh hi,cih ki tel mahmah pah hi.Tua hi-aa ei'zong saang sawlbang' heina siing gamlei-ah akawl,avaii, amaang,asen hoihthei kisa liakle'ng khumding abangkha phial uhzong' hong ngai khaphial mah uhzong' Zo tawi Lia nu mah deihciibang' ka teelzaw hi pah hi.Mi dang,Nam dang te ki ngai nuam veh lo lel hi.

Kong cici hilo maw, hong cih siausiau uh ciang' eizong,Phone tawh kiho i hih hang' a meel uhpen i mitkha tawh hoihtak mutheipah hangh.Ngaihno aw,nong mu maw ?ci-in dong laaile'ng hong mu mah ing hong cilaai sawnsawn uh hi.OK hi pah hi.I lung nuam in ki munmuang mahmah pah hi.Ki ngaihmuang sak aa acih te ki hi pah lel hi.

Sia Cin aw,nang ee na ki Phone uh ciang' na ngaihno meel na mu thei maw ?
Na muh theih kei-leh na taksinthu hilo,hikha ding hi.Na ngaihno kiang-ah nong mu na ?ci-in na dong ngei hiam ?Hong mu keng hong cih leh a hemlam sinthu hong tongluansiam hikha ding hi..Ha ..Ha.....,ciammuih na hi ei,,,!!

Nong ciahta diam ? U aw, nang cikcing' hong ciah ding ? Hong ngai mah ing kong cici hilo maw .,Kong cici hilo maw U., Hong mu mah ing., mu..,hi teng himawk ci le'ng....,a sawtlo-in Ngaih Anglaai bek hi ta ding aa Zomi Zo lia Ang laai bek hi laai ding hi.

Zomi Tangval Taangpaal aw,na hei na mun peuh pan' nang e ?Koi ci dan ?

"kei ka lungzuan na mual singbang' saang ee
ngaih tawh heina khatlo vangin la-mah zong'
ka laailung gelna ngaihno siang-ah kawl denden hi.
ngaihno sinlaai kaiidanglo haibang' nong ngak na
tawh munmuang sawlbang' na heihei ing ee "


Lungzuan zatampi tawh......Tg. Sawmpi
Malaysia.
(boleh)