Ambassador Pu Vum Kho Hau (L) zi Pi Mang Kho Ciin phawkna in

Posted by: "Hau Za Cin" http://in.mc391.mail.yahoo.com/mc/compose?to=suante2002@yahoo.com&Subject=suante2002
Sun Jan 27, 2008 10:53 pm (PST)
Ambassador Pu Vum Kho Hau (L) zi Pi Mang Kho Ciin phawkna in:Min : Pi Mang Kho CiinA pasal : Dr. Vum Kho Hau (L), Ambassador (Rtd), Yangoon. Sihni : January 12, 2008 (6:30 PM Myanmar times)Sihna : Yangoon, MyanmarHong nusia zo Pu Vum Kho Hau in hong theih ding um ke'ng, tu ni a i gen ding a it mahmah a zi Pi Mang Kho Ciin in zong hong theih ding um ke'ng. Ahi zongin Zomi sungah mi masa, i zahtaak mahmah leh eite adinga lampi hong sialsak, lampi hong satsak, lampi hong honsak mipil khat leh ama pumpi langkhat ahi, a zi sihna thu i mangngilh khak lawmlawm ding ka dah manin a theilo pen ka hih hangin hong pulak nuam hi ing. Ka theihlohna tampi om dinga, laisim mite in nong huh ding uh kong thum hi. Zangkong amau inn sungah TV en in a tut laitak, a zingcianga Nipini kikhop ciang a silh ding a puante zong nawt khin a tu kimlai vantung lam en in, a lu kunsuk a, a beisuak hi ciin kiza hi. Tua a TV et program ah a thulu pen Romans 8:28: "And we know that in all things God works for the good of those who love him, who have been called according to his purpose" hi. Tua asih laitak in a tapa German gam ah om Leonard Vum Kho Hau (Pumkok) zong a nu kiangah a omlaitak hi, kici hi. Tanu 5 leh Tapa 3 nei Pi Ciin pen a pasal a it siam, biakna thupisim, mi dik leh mi muanhuai mahmah hi a, panpih kulte panpih tawntung Nu ithuai mahmah hi. Tu in a it mahmah a pasal kiang tungin, amah tawh kimu in i biak Pasian ang sungah tawlnga in nuamsa takin lengkhawmta ding uh a, ahi zongin amau ngai a omlai ei -- a nusiat a tate, a inkuanpihte, u leh nau leh sanggamte, amah a ngai a kapte khempeuh khitui Topa in nulsak in, Pasian Kha Siangtho khamuanna hong tung ta hen. Rev. Khup Za Go in, "ZOMITE AKSIPI" acih lak ah akihel Pu Vum Kho Hau in hong nusiat zawh ciangin tu in a it mahmah a zi in hong nusia leuleu a, Zomi te mi thupite in mual hong khupsan kik hi cih i phawk hi. Pi Ciin laukha khamuang takin Topa kiangah tawldam ta hen. Note tawh a dahkhawm, Hau Za CinPhuitong Liim