Anbuuk lam panin..Economy

Posted by: "Thang Siangh" zogampalpi@yahoo.com zogampalpi
Fri Jun 8, 2007 6:46 pm (PST)
June9, 2007Mi khatleh-khat nasep kibang kimlo hi. Innkuan nuntak paizia zong kibang kim lo hi. Nasep-hun zong innkuan-khat sung ahih hang kibang lo hi. Innkuansung sumtum khempeuh bangkua papi in azeek om ding hi. Amau ngahciat azang zong om ding hi. Nupa kilungtuakte in asumtum khempeuh azi aap thei hi. Ta lungsim-hoihte in apa or anu ( bangkua) sum kem pepeuh tungah aap thei hi. Tua bang a omte pen nuntak khakaai a nopci pah lel hi.Anbuuklam pen numeite tualbial zawdiak hi.Numei lungsim-hoihte in a kep sumte uut bangin zeek tuanlo hi. Sumtum leh apusuak tawikhai hi. Adeihpeuh bansot lo hi. Bang kisam hiam cih sittel masa hi. Bangkua papi tawh sumzatna kamkum tawntung uh hi. Tua bang mite bangkua sungah sumthu tawh buaina pianglo hi. Atawm leh tawmzat hi, atamleh azawh zahzah bangin zeek hi. Hih bang innkuante in leiba neilo zawdeuh uh hi. Sumzeeksiamna ngeihna-hoih naneih leh leitungah mi-thupi mahmah na hi hi. Innkuansung kilemna om hi. Apualam mite tawh sumthu hanga buaina zong tawm pah hi.Tua ahih ciangin, sumzeek-siam zi or pasal neite pen Bank aa sumkoih sangin lungmuan huai zaw hi. Sumzeek-siamlote Bank ah sum tawlnga zo tuanlo hi. Anbuuklam muanhuai leh innkuanbup lungmuan om hi. Sawtvei ahaute pen a tamzaw pen anbuuklam pan a kiciante ahi hi. Anhuan-siam, mehlim bawlsiam isap mah bangin, sumzeek-siam zong kisam hi. Tui taak kiaukiau zong kuangzawn dim thei hi.Zomite sumzon kisiam ta hi.Ahih zongin kikiamkik pahpah hi.Zonsiam beklo iin zeekdan siam zong kisin ni. Veng khat sungah mihau-ankham a om ciangin, innvengte in zong noptuampih hi." Khat vangin Za=100 tai" cih paunak zong inei hi.Thang Siangh.