Wed Feb 6, 2008 1:24 pm (PST)
Kongit,Zomi akua mapeuh, Zogam ah Pasian thu ongtun tunga kipan,Cope topa in Laisiangtho leh Labu a siamtheih zahin bawlin, Zomi te khantohna tampi ong pia hi.Atom thei pen in, gen sukpah leng,Zopauu, tawh,Cope topa in ongteisak Labu leh Laisiangtho kizangh in ihkhangto aa, ih sisan sung ah ong teeng khin ciatta hi.Pawlpi/Biakna tuamtuampan leh Mimal ie bawlphat,a diakdiak in,ZBC Labu te, en dihni, Kaphawkkhak sunsun teng,1. ZBC,Sya VialNang leh a lawmte a laimalkheklo in,la gawmbeh a,buaina om lohi.2.N A C Pawlpi in tuambawl uh hi.3.SDA in zongh atuambawl in kizangh zotuan lo hi.4.EBC, Sya khawmpau in bawl,5.AG, in zongh a tuam bawlin zangh kawmkawm uh hi.6.RC in zongh a tuam bawl uh hi.7.YAWEH ten zongh a tuam zangh uh hi.8."X tion la,cih bangkhat,St. HauGo tei,9 Sya Thawngno in zong zattangh zang ci in amalpawlkhat khek in ong hawm hi.Hih te ih ngaihsut ciangin,bang phawk ka hiam? cih leh, Minam mipawlkhat cih te kithu tuahna pen Nopna dahna ah genkhop/Sakkhop liailiai in Mihing lungsim tampi kagawmsak/kingaisak hi.Tun Zomi te tamna khua te aa, nopna dahna te ah va kihel leng,Labu tam kibawl luata a hihmanin La pen nuamtak in kisa khawm thei liailiai nawn lo in, Ki lunghem mahmah tek aa, Mizo gam a, Eimi te bangin, Lusei la a sasuk mai pawl zong ki om ta hi.Kawlpi Tedim Muntuamtuam ah nopna dahna ah ka kihel zelaa, Mipi om dan ka nangaihvengh! ciangin, na ka sa mahmah hi.Lusei te kithutuah dan etteh taak ih cih mawk pen, adangdang zong thukhat ci ni,Nopna dahna ah khat in lapan leh, Mundang pan aa, a pai Lusei pan zongnuamtak in, vuangngiahngiah kawm sa in, sa thei pah lel hi.Laisiangtho sim uh aa,a kammal kibang pah a hih manin nuamsa in ki khenglah mahmah uh hi.Tun Zomi te omna te ah, ihLa mal lawhdan kibang lo,ihzat Labu kibang lo, Ihtawi Laisiangtho kibang lo in, nuamtakin sakhawm ngeungeu thei hetlo hi hang,Pa,Sian CinZam[ Anlanghte] Tedim Sanisai in Leitungmi 90% te nun zia a gelhna laibu sungah ZBC/LaiSiangTho te sung a, kammal te in, Pasian a cih na ding munah, Dawi ci kha citciat/sese a hih kei naak leh, Topa ongpiak Pilna pen amun dangah zangh zaw leng, a cih pen dik ka sa mahmah hi.Zomi te zong tua mahbangin, Mipil tampi in, Labu bawlbeh sukpeuh lo in,ih puahsut puahtoh se na hangin,Mipi om zia bang ciangtung tuam hiam? ngaihsut phathuai ka sa mahmah hi.Topa ongpiakpilna pen, Zomi te khuaksung/Sisan sung a teengsa Kammal khumnono teng khekna lo, a dang zat nading mun omkha thei dingin,ka um hi.Ka kihehnepna!! !!!!!!!!Dr.GinKhanKhual in[UK] in, ZBC Labu a Luuipenpen Buu tulsawm khensak kik ding cih thu ka na zaa a, ZBC Labu tawh kisai a lawngkha teng laksungpan, pahtawina piakhuai ka sa hi.Hi thei ;leh, Eimi pen a mawkna aa, ihngah van te pen kipeng ngaihsut thei a hih manin, Dr.Khual mahmah a hi zongin, Mihau meeltheih nei ten,Ih Zomi bupin, a leizawh/a tawi zawh na dingin, Ks/100 khong aa, a kilei thei dingin, Sponsor bang om thei leh,hoih pen ding in, ka um lai hi.Dr.Khualpen, Labu bektham lo in, LaiSiangtho leh, vaaidangdang ah zongh,Mipi muhbat kimloh a simtham theihhuai thu tampi te , geelna neilai dingin, ka umhi.Hithu pen maaizol etlo sa a, ka muh bang kong gelh hi, a hoih penpen ding kikum toutou lai ni,Tawngneu
ZBC Labu a thak hong suak zawh Mizogam Zomi khempeuh in a bu thak kizanga, Manipur gam sungah zong a thak zang uh hi. India gamah a bu thak pen kizang cihna hi. Kawlgam pan khualzin pawlkhat hong pai a ZBC labu luite khawm in Kawlgam ah pua to a, "Ko a bu lui pen sak nuam sa zaw ung" ci hi. A zatsa uh ahih man hi mai thei hi. A bu thak pen India ah nuamtak in kizang ziahziah ta a, a lui sangin a nopzawkna kithei lua mahmah ta hi. A khen kik zo ding om ahih leh Zomi Christian Literature Society (ZCLS) mah tawh kiho masa in a koizaw khet kik ding cih khentat hi leh bang aci tam maw. Lai lam saite bawl pen a hoih pen ahih pah loh hangin amau nung zui phot in, eima hoihsak bang tek in pheng tat kei leeng bang aci tam cih kei zong Sia Tawngneu cih bangin ka ngaihsutna kong pulak hi. Hau Za CinPhuitong Liim
No comments:
Post a Comment