GALHAANGPA PU TUANG NGAM TAANGTHU

Posted by: "Thang Siangh" zogampalpi@yahoo.com zogampalpi
Tue May 13, 2008 7:02 am (PDT)
GALHAANGPA PU TUANG NGAM TAANGTHUKhangtaangthu a ki-sut ciangin, ahoih ding-a, kizuntawm tam mahmah hi. Pawlkhat pen pupa khangmasate nopsakna, gualzawhnate hangin kiphasakin tuangkhawng thei uh hi. Pawlkhatte in maizumlawh aa, gen ngamlo uh hi. Taangthu icih pen Taangthu bangin san ding hizaw hi. Phuahtawm aa zun zong hoih tuanlo hi. Ahoihleh ahoihlo tungtawnin khangthakte in pilna la-in kipuah ding kisam mahmah hi.USA gam pen Taangthu sungah, Gam-innteek Red-Indiante tawh kido uh hi. Africa pan aa kila sila mivomte tawh nasia takin buai uh hi. England kumpinu khutsungpan suahtakna dingin nuntakna tampi tawh lei uh hi. Minam-buaina tawlngalo-in nei uh hi. Khat leh khat kizawhthawhna leh kithahna tawh kidim hi. Khangthakte in tua haksatna khempeuh imciplo selsim selo-in pholak uh hi. Tua haksaatna tungtawnin Consitutions hoih mahmah piangkhiasak uh a, USA gampen leitungah a suakta pen gam ahih banah leitung dangte sangin nasiatakin khangto zaw hi.Tuhunin zong ih Pu ih Pate thuak haksaatnate hangin, kidona leh ki-elnalam manawtzaw lo-in, hanciamna leh gualzawhnalam leh kipumkhatnalam nawtna ahih ding thupi hi. Ih pukhat ih pakhatpeuh huntomkhat gualzawh picinna pen khantawn aa minamte lakah mualpho aa leituathun hinawnlo hi. Hih khangah bangci kalsuan leeng hoih ding hiam, cin mitkhaksitset aa ngaihsut -hun ahi hi.Leitung minam khempeuh in asuan-amuan uh galhaang minthang khat peuhmah nei hamtang uh hi. Taanglai Kawl kumpipa galhaang minthangte pen Banduhla, Kyansitta cih khawng ahi hi. Ei Khamtung Sukte manlai in, Tuang Ngam minthang mahmah hi. Tuang Ngam taangthu ih kikum ding hi.Pu Tuang Ngam pianna.Pu Tuang Ngam pen tuhun Tonzang township aa om Tualmu khua-ah teeng hi. Taanglai ih Pu ih Pate pen galmat-samat tawh kidem ahihmanin, galben leh saben pen Sport nasia mahmah khatin nei uh hi. Tualmu khua pasal thahaat khempeuh galbengin kuankhia uh hi. Numei-naupangte bek nusia uh hi. Pu Tuang Ngam pen naupangno hilai hi. Pasal khempeuh galbeng dingaa akuan kaalin, Khuangnung khua ten hong sim-a, athahbang khempeuh manin ciahpih hi. A pu, Lam Tuang galbeng hong tunkik ciangin, khuasung nadai dikdiak aa, mihing khatbeek na-omlo hi. Tua ciangin la khat phuak hi. a. Phunggual al bang man nua aa siallum kalawh , zua saumang guak sangsumin zemnuam ing eb. Zua saumang guak sang sumin zem nuam ing aw, khuamual guaksa laa sumin zomnuam ing ePu Tuang Ngam amanpa pen Khuangnung khua Haatzawte Kim Thang ahi hi. A taikik ding lau aa, suntawh zantawh kolbulhin a lungmuandong khihcip hi. Ama tungpan Mualbeem khua Sukte Khan Thuam in lei hi. Pu Tuang Ngam in thu-atheihhun ciangin athuakna teng ngaihsunin laphuak hi. a. Ih tungsunni vanlai-ah kai ciciai ei sing hen dawhtuam kol tungah kei kai ing e.b. Singhen dawhtuam kol tungah zua pahtangah, tung sunnin kiillam zong ven ken zong mawng ePu Tuang Ngam pen silate lakpan ciim mahmah aa thudotin nei uh hi. Sila dangte sangin it zaw uh hi. Tua hunlai Pu Khan Thuam silate,1. Pu Tuang Ngam Phiamphu2. Pu Congpuithang Galte3. Pu Zun Hong Thatmun4. Pu Bena, Bedok Vunglu5. Numei honkhat zong om hi.Pu Tuang Ngam Saizang khua a tunnaPu Khan Thuam tapa Gawh Pau in Saizang khua-ah inntuan sawm hi. " Ih silate lakpan nadeihpen tonpih in" acih ciangin, Pu Tuang Ngam tonpih hi. Saizangah hong tangval ta aa, Taangko seemsak hi. Amah a khelbai ahihmanin, Gawh Pau sanggamte leh silapihte in simmawh uh hi. " Tuang Ngam in gal amatleh hanzu leihna ding guntui tawi ning," ci-in nuhnau uh hi. Pu Tuang Ngam in ciamteh gige hi. A pu Gawh Pau tawh galbeng dingin kuan uh hi. Aman gal-2 man hi. Vaitutna zu a neek uh ciangin, la gen aa,a. Kapisei tawh ciam ing ee kaninu tawh, lal nathahleh khang guntui tawi ning ci.b. Khang guntui tawi khuasuak mual nakhum zuk am, tang lalthah lu khuamual ah alvan bawm..Hih la azak u ciangin, " ih ciamsa hi," cin seng la-in guntui tawi din kipan uh hi. A pute in zu beelkhat tawh lem aa, guntui tawisak nawnlo hi. Saizang khua gal ten simSaizang khua simdingin galte hong pai hi. Galvilte'n phawk aa patau kiko uh hi. Galhung dingin Mualbeem ko uh hi. Pu Tuang Ngam taangko ahihmah bangin minsial kawmin Asiam leh Asa ko-in " Ka Khuangding tho in, ka Muanding tho in, nakhua gal in hong sim," ci-in nakpitakin kiko hi. " Khuangding leh Muanding" acihpen Saizang khuataw aa , Sialtaanglui tunsukma diakah alangtuak kenliangpi mualdawk khat om a, tua dawnah Muanpi-2 kimaingat hilhel-in om hi. Lipkhap huai lauhuai mahmah ci hi. Kum-3 simin sial khat tawh bia uh hi. Mualbeemte tawh kopin galte umgawp a, gunkanna Kawn saatsat hi. Athah bangteng gun in taai a, a khua uh atungkik tamlo hi. Pu Tuang Ngam in agalmatte a khutme tanin ipdimin pua hi. Pu Tuang Ngam laphuak a, a. Saitui vangkhua kainuam aa do zatam aw, deih nakawina nabanzal paiaa kuang ee.b. Gualtawh hanlung naciamna naselung aw, a mual kitawi siatlei teng kataisak ee...Mualbeemte'n lungkimlo-in thahsawmTaanglai galdo pen lumleh teitawh kithatanglai hi aa, galzote pen pasal simthamcing mahmah hitakpi khong hi.Gal azawh ciangin Pu Tuang Ngam in laphuak aa, Mualbeemte thangpai-in thahsawm uh hi. A laphuah peh hibang ahi hi.a. Ka Khuangding leh ka Muanding sum bang biang e, leido tangphuung bang kiciang taang bang theng e..acihleh, Mualbeemte heh a, " Noguak zawh hikei, kotawh kikop a, ihzawh hi" ci-in that di'n kithawi uh hi. Pu Tuang Ngam in " adawn beek hong gensak lai un," acih ciangin gensak a,b. Ih khang ciautuino tungah laam bang ngang ei, Beemtui tanggual no bang a, sing omlo ee... acih ciangin, lungkimtakin kikhen uh hi. Tua ciangin Mualbeemte lungdamtakin khualam zuanin ciah hi.Pu Tuang Ngam hanginIh pu Pu Tuang Ngam sabengin a kuanna, lampi aa ataamna khua khatah, thausialki meitung a, akoih mang aa, " Bang hangin kathauvai sialki hong gu nahi uh hiam, ka pu Khan Thuam tawh kong sim ding uh a, nakhuazaang un kong that ding a, na inn uh kahaaltum ding uh hi," acih ciangin lau-in sial-11 tawh thuum hi. Sial-11 pen a pu Gawh Pau inn tunpih hi. Tua ciangin Gawh Pau tong zo hi.Gamlian minamliante bang hileng Pu Tuang Ngam peh Gawh Pau galkapmang ahi hi. Gawh Pau in Pu Tuang Ngam pen zahtakin bangkua vaihawmpi-in nei hi. Kikamtam leh " Kei omkei lengh cikpimei zong kuaitan zokei niteh," cikha mawkleh zumhuai law ding hi. Thu in la hi, la in thu hi, a kicihmah bangin, a. Limbelh lunmang nunvom(sial) in zin bang khang e, von katawi tui bang siang sak zo ing e,b. Guallen zil ing khattang phaiva lo ing e, lun sumtual ton mung phuhna'n nei ngawn hi e..Ama hangin Gawh Pau picingzo ahihmanin, sila-innteng danin kikoih lo-in sanggam bangkua bangin kiman uh hi. Mun khempeuh ah vaihawmkhawm nekhawm dawnkhawm uh hi. Pilin ciim mahmah ahihmanin vaihawmna khempeuh mapai mahmah hi.A Galla phuahtea. Ka Khuangding leh ka Muanding sum bang biang e, leido tangphung bang kiciang taang bang theng eb. Ih khang ciautuino tungah lambang ngang ei, Beemtui taanggual no bang aa sing omlo e.a. Saitui vangkhua kainuam aa do zatam aw, ngaih nakawina nabanzal paai aa kuang eeb. Gual tawh hanlung naciamna naselung aw, a mual kitawi siatlei teng kataisak eea. Kaseino in simsal tang ing ei, kei zong nuam sing katanpih ding sui ing e.b. Tang kagual in pheiphung va bang bai ci ei, dolai tengah kadin nin bai melmang e..a. Kaseino in lunsiang mawng bang peem ing ei, gual in siallum alawhleh lo lei ing eb. Gual in siallum alawhleh lolei ing aw, laimi va bang amatleh hen lei ing e.a. Nungtui vangkhua nunnuamno daidam ta a, zotnuam tuanglam ngilsa aw pankai tah eb. Zotnuam tuanglam ngilsa aw pankai tah a, kadawn luitui kadawn nawn loh ding aw e.a. Kakhua ngai ing kanu vangkhua ngai ing e, kalam ngai ing kakhawlmual lam ngai ing e.b. Kalam ngai ing kakhawlmual lam ngai ing aw, kadawn ngai ing, kadawn luitui ngai ing ea. Mi aciin tawh atuai tawh vailo kuan ven, lailam khuasuak mualah hawl suangvum bang eb. Khattang vailo kuan ing e khua tuanglam ah pupa gamzang gising hawi bang neem ing e.Tedim khuate a phuaha. Dimtui gual aw khuai bang aa kahang nacih Zangtui ih vangkhua a sing zo omlo eb. Sakciang aa mi dimtui gual tongtam lo vua, , luntawi vang aa khaimu laam siam zil hing ea. Mi kitawi ven aphungtawh kitawi tah a, kei zong kasiallum no tawh kitawi ing eb. Siallum kawlciang namcihgual kihei taleh, khat aa khang zong khuakiim in lo bang lel ePu Tuang Ngam in zi nei.Pu Tuang Ngam in Ciin Giak tenpih hi. Ta-neihak ahih ciangin, tasel or tatah ahih ding patau aa lungneu mahmah hi.a. Ngaih aw na dawi-ai hiam aw kei dawi-ai hiam, pheiphung tungah vonsen laam lo ding aw e...b. Pheiphung tungah vonsen laam lo ding aa maw,Khuangnung nungtuang aa leiloh leng ding aw e..a. Tum bang guaina naita aa lo bang tulna zalai lawi bang kathan nawn loh ding aw eb. Kahen gensing zanglawi bang kathan gen sing, dolai tengah kadin nawn loh ding aw ea. Ngalliam kapal tualkia ei lantheu ing aw, zangsa kamkei kanahdawn laikang tah eb. Zangsa kamkei kanahdawn laikaang tah a, tungmu vanlai kakuizil tual aa kia e. a. Omlai vei ing khunlanah hul ningniang ing, kakankil ah tongdam aa bia omlo eb. Kasakluang pawh zotaang bang a damlai-in Tuangtui tuangdai ten deih e, phung in deih eMinlawhna khelsakEi Zomite in a namnamin minlawhna kinei hi. Tulpi Beh-siampi kinei hi. Gal-aihna, Sa-aihna, samualsuahna khempeuhah tua minlawhna kizang amau phungmin laamto uh hi. Hoihna leh gualzawhna khat aneih ciangin amau phungmin tangin tua minlawhna tawh minsial uh hi.Pu Tuang Ngam pen Sukte innpi bangkua tawh khangkhawm ahihmanin, amahunsung Sukzotu ci-in min kilo hi. Ama sihkhit ciangin Minlawhna laihdingin vaikha hi. " Sa beng unla, namat peuhpeuh uh tawh hong phutuah un, ka Khaan nakhia un, ka vamul hong kapkhia unla, Vanlaitu in minlo un," ci-in gen hi. Pau Khawm tapa Thawng Tun in ngalpi khat hong man a, tua tawh Khaankhia-in Phutuah hi. Tua ni-a kipan Phiamphu suan Pu Tuang Ngam khahte in Vanlaitu in minlo uh hi. Vanlai hong piankhiatnaPhiamphu, Phiam Thang, Gial Kim, Kam Gen, Nawh Sente aphatlai-in, Suantak leh Sam tawh kibehmat uh hi. Tua laitakin galte'n hong sim a, Phiamphute guallel aa thatmai uh hi. Cimanglo ding a Pasian geelna hiding hiam, naupangno khat lau aa luisung a bu galte'n that a sawm laitakin, muvanlai nupa in vantung panin ngumlutin bawh a, Beh aa kimatpih sanggamte'n vadelh hi. Luisungah naupang khat na om amuh ciangin ciahpihin khoi uh hi. " Namin bang hiam, na nu kua hi a, na pa kua hiam," ci-in adot uh hangin theilo hi. Muvanlai hotkhiatsa aa nungta ahihmanin " Vanlai ci ni" ci uh hi. Phiamphute han-lapi" Thangtui maang in e.. kazua henkol bulh, zaitha thawng e.. a maang tuibang la ing e, pupa khuasuak mualah zuamin thei bang lo ing e.." Minlawhna hong laihciangin, suahtakna thangko mahtawh kibang ahi hi. A pu Sukte in bangthu hong thei sese nei vua. Sanggam kizopna paikhia tuan kei ni. Zubeel ankuang vaihawm khawm ni, ci ahih ciangin sanggam uunau bangmahin kizom uh hi. Ki-itnate peengsak tuanlo hi. Sukte-hun hong bei ciangin, pawlkhat in langpangin elbawl uh hi. Tua thu tawh kisai Tun Thual ngaihsutna hibang ahi hi. " Sanggam tamlua ngeilo hi. Minam tamlua ngeilo hi. Innkuan khat, ankuang khat umkhawmsa, kilangdo sangin ki-it leng kimainawt zaw ding hi. Cikmah hunin sila ngeina omkik ding hilo hi." ci hi. England kumpite kiphiat lo hi. Mipi deihna tawh ki-uk a, kumpigam mah minpua ahihmanin vaangkiam theilo hi. American zong England kumpi khutsungpan suahtakna dingin mi tultampi in sihlawhin kido hi. Ahih hangin ki-el tuanlo uh hi. Tudongin kipumkhatin naseem uh hi. Kuaman zolo hi.Taangthului tawphahin kideidan hun hinawnlo hi. Zomite kipumkhat theihna ding hanciam hun ahi hi.Kamsangte bangin mukholPu Tuang Ngam pen pilbeklo, ciimbeklo-in amauhun a Sport thupipen ahi galbeng thahaatin gal tampi man hi. A thungkuah-ip dimin agalte khutme liangkuh ngei hi. Tua hunin pasal thahaat ngallim mahmah hi-a, kuamah in tangtakin enngam lo uh hi. Laisiangtho sungah, " Saul in tultul thenthen that..David in simzawhloh that acihtawh kibang ahi hi. A pu Gawh Pau hauhna khawileh gulh khempeuh ama topsa ngentang ahi hi. Tua bek thamlo-in mailam-thupiangding muhkholhna nei hi. Mang khiatsiamna nei hi. Thugil thuhaksa khempeuh ama kiangah kitun hi. Ama genkholhna pawlkhat,* Tawmbing hong mang ding hi.* Gualnam in laihin Gualnam hong mang leuleu ding hi.* Gualnam pen Sukte in laih ding hi. * Sukte manlaitakin Tukbeeksawm hong khang ding a, tua laitakin kasuan kakhak inn-40 pha ding hi. Kham leh Zaangah ganhing leh mihingguh kikhenlo-in kiciau ding hi. Tua pen Japangal hong tunna hiding hi ci-in ki-um hi. Tua banah Khammi Zaangmi kideidan lo-in tengkhawm a, hih thupiangding mukhol hidingin um uh hi. Kapteel khua-ah Hatzawte khat in mangman hi. A lungsim lawnglua ahihmanin aakmasa khuanin tho a, Pu Tuang Ngam kiangah vahawh hi. Gallai cih ciangin naphawk pah a, " bang eh kata, hong lol si cia," acihleh amangmat teng gen hi. " Kamangin ka innnuai-ah tuilii kicing a, kakhuam khempeuh tumgai hi," ci-in gen hi. Tua ciangin Pu Tuang Ngam in, " Kata aw lah dahpah kenla, lah khasia pah ken, asawwtlo-in liaupi natuak ding hi. Lawi-8 naliau dinga, nang neihsa in cinlo ding hi. Na uu nanau neihsa khempeuh a um a beel , a zam a daak dongin nakaihkhop khit uteh, nacinzo pan ding uh hi. " ci-in gen hi. Kha khat sawtlo-in tung pah hi. Lawi-8 liau hi. Tua hunin lawi-8 pen Ks 240 ahi hi. Aneihsa khempeuh kihawksiang sak hi.Asuahna Tualmu panin galte'n man a, Khuangnung tung hi. Khuangnung panin Mualbeem tung leuleu hi. Mualbeem innpi panin Saizaang khua tung hi. Saizang atun ciangin Pi Ciin Giak tawh tengin tapasal-5 leh numei-2 nei uh hi.Tapasal Tanumei1. Vaih Kim 1. Nuam Nem2. Pau Khawm 2. Uap Zel3. En Khoi4. Pau Khual5. Awn VialHih teng suan leh khakte inn-40 val khawng aphak laitakin Japan hong tung hi. Tu-in ahihleh Kapteel, Tuitawh, Haimual, Sakhangyi, Chanthagyi, Kalemyo, Sawbuayeshin om uh hi.Asuan akhakte tungah, avaikhak thute* Taangkogui ihi hi. Taangko seem un.* Sikseekgui ihi hi sikseek un* Siampigui ihihi, siampi dawisa seem un, dawi neu khempeuh kithoih thei hi.* Tuikhukkhuatgui ihihi, khuathak saatna ah tuikhuk khuat un.* Neihlehlamgui ihi hi. Sum zong un, lokho un leithau nane ding uh hi. Gan khawi un, cipha ding hi. Hihloh ding* Dawilian, phaiphengphah, lingguikaih, bumleh,* Khuang kaan kei un, khuangkaannam ihi kei hi. Gilpuak thei hi.Sihnatawh kisai* Pulpi zavaatin lau kei un. Tua natna in bangmah hong sukhalo ding hi.* Gal leh sa na kidawm un. Ei zong galmanin gal that hihang. Samangui hi hang. * Sihtheihna tuamtuam na kidawm un.Pu Tuang Ngam pen asih ciangin a tapa lina Pau Khual in gui hi. Asih ciangin Pu Pau Khawm in la tawh kha hi.a. Phunghawm bansam zua khattang sa bang nahei, von in liimsawl bang kon liah lolai hi ee...b. Tulai sinthu nangai un uu leh nau aw phunglai sinthu zensiam teng taang bang pha eLatung aa sak ding.a. Zua aw napham lungsit lo aw khaimu kha tawh heive aw.b. Khaimu kha tawh nahei vadial zua aw e etlawm sang e.Mihing pen bangzahta-in thahaatin minthang mahleengzong, ih teek ciangin ninpa bang kihilel aa, ih sungaa piang suanleh khak lungsim picing keileh kihehpih huai mahmah hi.Pu Tuang Ngam beina hibang ahi hi.Galkap Mangpa.Pu Tuang Ngam pen Mualbeem- Innpi leh Saizang Innpi uksungah Taangko seem hi. Innpi taangkote pen galkapmang ahi hi. Hih bangkua galmuanna pen ama khutsungah om hi. Amah vanlian mahmah kisuan hi. Galsim aa kuankhiate aman uk hi. Ukpi-hun kici Sukte khansung ahihmanin, amau haatna khempeuh innteek pute haatna suaka, a samat-galmat khempeuh a pute mat suaksak hi. Taanglai Innpi bangkua uksungah pasal galhang, pasal-thahaat tampi nei uh hi. Tua mi-thahaat minthangte amau min tawh kipahtawi ngamlo hi.Song Theu leh Pum Za Mang kitawng hi. Pum Za Mang in, " Song Theu nehtual deldal," acihleh, " e-maw pu, kanehtual bel, mimat peuh keimat nacih a, mi thah peuh kei thah, ci a, hanla sa aa thau nalotlot, kaneh ka nadawhdawhna hilo maw" cikik hi. Tuhunin nang Sukte, nang, nang, tuate cihhun hilo hi. Gam leh minam aading kua pil hiam? Kua kipiazo hiam? Kua in bang seem hiam cihlongal masuan-dang ih nei kei hi.Thang Siangh. zogampalpi@yahoo. com