Sermon: Sum itluatna tawh kisai

Adiakdiak in, ei Christians, mi tampitak te’n i san siam theih hetlo khat pen, nuntakna ding, sumzon, sumbawl, business lamdeuh kinte pen, mawhna bawlbawl ding in ki ngaihsun thei mawk hi. Nuntakna ding nasep sum zonna te pen, mawhna hi pah lo in, neihnopna, nopsak zawdeuh theihding lunggulhna te zongh mawhna hi pah tuanlo khading hi. 1.Judah leh Zeisu:Judah siakazuh in, Topa Zeisu 30 tawh anazuak bangin, En’ tu ni’n, Topa Zeisu bangzah tawh izuakzuak kha zelzel gige tam? Zeisu zuak lengh, amah Pasian power tawh suakta kik ziau ding a, kei sum 30 a meet ngahding ci in, Judah in, na ngaihsun khaa ngei hi. [Acianphaan lungsim nei] Ahihhang in, tua sum 30 kiukiau mah tawh, a tamloh hangin, Judah sih lawh, bek thamlo in, vantung gam zongh na taanlawh sawnsawn lai hi. [Zeisu’n Judah i zuakding theikhol gegu napi, anungzui ding in, na tel veve hi. Banghang hi ding in, na um aa?2. Phamna hipah samlo:[Kisiikna maan tawh kisiik kik hi leh Judah in, vantung gam zongh ngah veve lai mai thei awmtak hi. Peter zongh Topa Zeisu 3 vei na nial hi, ahihhang, kisiikna maan tak tawh kisiik kik aa, Vantung gam ngah ding ahi lel hi.]- sum ahizongh in, naneu cik khat peuh tawh zongh, nuntaak tawntungna kitaanlawh thei ai hang, mawhna lian mahmah khat ikhialkhak hang in, kisiikna diktak tawh kisiik kik lehang, atawntung Phamna kai tuanlo hi.3. Bang taktak agen na:Sum iit luatna icih icih mawk pen, abang ci te a hiam? Sum deihna maw? Sum zon na maw? Hauhnopna maw? Sum in, mihingte ze etna tampi hong ngahsak mah hi. Christians tampite a nungtolhna zongh sum hang tampi kihel mah hi. Sum deihna, hauhnopna, nuntakna ding sum zon na cih te pen, leitung pumpi cidam nuntakna ding, khanuntakna ding, social lam gualnopna ding, mental- lungsim cidamna ding in a kisam mah hi. Thu khat ah, Sum, a tam, atawm hi lo in, pek khat, pek nih tawh zongh i Khaa nuntakna hong susia thei ding na hi mawk hi. [Judah siakazuh enpak ni- sum 30 a iplak lel hangin, ama ii spiritual, social, mental, physical world teng pen, balance/harmony na nei nawnlo in, hong collapsed ta hi. ] Hite i et tak ciang in, Sum iit luatna icihcih pen, i ngahna maan lo leh i zat khiat kikna maan lo tawh, kisai zaw dan hi leh kilawm hi. Charity is the greatest of all: And now abideth faith, hope, charity, these three; but the greatest of these [is] charity. 1 Cor. 13:13 A nei zawdeuh te mi tampi tungah, Pasian in, a thupha a hompiak hihtuak hi. Anei zawdeuh te’n, athupha homsaan te pen, a cimawhzawdeuh te tung ah hopkikna pen upna, lametna te sang lianpen zawlai LST in na ci hi. Tua man in, a nei te’n, a neilo te maakngilh khaklo ding, Zeisu in deih cih pen, LST in, na tel gen peuhmah hi. [an hau pa, a taangsaal dimleet ahihman in, taangsaal a golzaw lam beh nuam hi- tuading hilo in, a dimleet te mizawngte pia zaw leh cih hizaw hi.]Anei mahmah te’n zongh, a cimawh te, gil kial, dangtak, khuasik thuak leh, cinaa te, guak omsak lo ding a, kikhoi kimkik diamdiam ding cih deihna ahihlam, Zeisu in na tel gen mahmah hi. Zeisu kamal, ”Gilkial dangtak khat, tui le an piak, Puansilh neilo khat, silh le teen piak, thongkia lai khat- na vahawh ciang, cina khat na vehciang, keikiang hong hawh hiteh, cih te hi in”, akhangto nagam te ah, welfare system aneih uh pen, Zeisu ii thuhilhna tawh kituak peuhmah hi. Nasep nei khempeuh i apiak khiat phiangsiah/TAX te sung pan, nasep a neilo te khempeuh en kik cih ahi hi. [Leitung mite khat leh khat ki awlmawh ding a kulna Zeisu in hong lakna ahi hi.]