Na khat ahikeh mi khat i gal muhteh a hoihna ahihna kitel pah lo a, i naisemsem, i naih semsem teh kitel tektek in, tua bang hong kitel sinsenciangin, i lamet bang lo in"Ba i them" kici thengthuang thei mawk hi. Kinaisemsem, kitel semsem hi.Tua tawh kileh bulh in, Nu' itna pen kigamla semsem, kitel semsem zaw hi.I nu tawh i om khop hilhial hun in kiphawk kha, kithei kha mel lo hi. Gamlapi ah khual zin in, gen theihhaksaknate thuak in, teng in nuntak i zonciang, i lungzuan i nat ciang, maimit laukha ah tunnu sakmel mitkha ah luaiden in, Tunnu tongdamte bilkha ah kiza ciaiciai hi.Ka ngilh theihlo ka Tunnu' tongdam tampi lakpan"THUNGEN UN MAW, THUNGEN MASADEN UN" hong cih pen ka bil kha ah luai den hi.Tua mah lah ka nuntak sung KAKIDALNA LUM(WEAPON) hong suak den hi. Ka NU nuntakna sung TOPA bek lo muanding dang nei lo, TOPA bek muan le suan a nei, a SUANGPI hi a,"Godly Mom"anei ka hi uh a, ka hamphat pen na uh hi kha ding hi.Nute ni muakna in, nang zong na ngilh theihloh na TUNNU' TONGDAM hong hawmsawn dih in...Nu' itna & thungetsakna hangin,Thang Pil Mung

Re: Ngilh Ni Omlo TUNNU' TONGDAM
Posted by: "Lia heisa" liaheisa@yahoo.com
Fri May 9, 2008 7:02 am (PDT)
Kei zong ngaihsun den mah ing ei. Mite' nute'n a tate bangci thuhilh cih a tel-in ka theih loh hang' ka nu'n ka neu aa kipan a hoih lam vive, Pasian' thu tawh kituak aa hong thuhilhnate mangngilh theih ding hi kei. Tua bek tham lo, tate khempeuh-ah guptuam paihtuam nei lo, a kibang aa hong itnate etteh taak, etteh huai mahmah hi. Lungdam nading om leh hong lungdampih aa dahna khat om leh ama' dah ding sangin, ei' dah ding hong khual zaw hi. A tawntungin, THU HONG NGET SAK DEN HI. "Thu hong nget sak den ka hi maw" hong cih den pen ka bil kha-ah luai den hi. Kei' thunget zawhna sangin, ka nu' hong thungetsakna tawh, mite' lak-ah Topa'n gualzawhna hong pia-in a kalsuan den zo ka suak hi.Sum le paai a kisam ding phial zongin,"Bangmah hong lunghimawh ke'n, na cidam ding thupi hi, inn lam na ngaihsutna tawh gim liang-in na sem ke'n. Pasian in hong kem ding hi. Ih vai khempeuh Topa' tungah ap le'ng Amah'n hong gualzawhpih ding hi." hong ci aa sum khak zo le'ng, "Lungdam mah si'ng ee", hong cih ngaungau ciang' tampi ka khak zawh loh ka kisuang zaw phial hi.Topa'n ka nu' nuntak sung a lungkim, a lungdam sak zo dingin, thupha hong piak nading leh, ka nu'n kum khua sawt hong nuntakpih ding ka lunggulh mahmah hi.Nute' ni muakna-in hi teng hong hawmsawn hi ning ee.Lia Heisa

NU€ Nu tawh leitung ah a om khawm laite a ding in hih thu pen a ithuai mahmah leh lungdam huai thu hi a,€ Nu tawh a nungta nawnlote a ding in zaknop huai zawkan lai hi. Nute in nahih uh leh hih tangthu pen hoih sa mahmah ding hi uh teh.€ € Nuntakna lampi tung ah khe a nga cil Nupi nu in"Ih paina ding lampi a gamla hiam?" ci in lamlakpaa dot teh lamlakpa in "Gamla mah hi, lampi pen haksa ahih man in a mong natun ma in na khan cing in nateek ding hi, ahih hang apatna sang€ a tawpna lam ah hong nuam zaw semsem ding hi" ci in dawng kik hi. € A hih hang Nu cihna a ngah cil Nu pen lungdam mahmah a, mai lam hong pai lai ding hunte ah tu a sang in ka lungdam zawk hun om nawnlo ding hi cih zah dong in nuamsa hi. A tate tawh ki mawl in, a tate a ding pak hoih nonote lawh sak in, luitui siang kilkel a tuah ciang kisil sak a nitaang awi zel uh hi."Tu a sang a ithuai zaw, a lungdam huaizaw hun omnawnlo ding hi"ci in Nupi thaknu kiko khia liang hi. Zan khuamial hong tung in, huihpi hong nung a, a pai na € uh lampi ah khua mial hong phu kha uh hi. A tate in launa leh khuadamna hong thuak uh ciang Nu in a ang ah pom in hoihtak in tuam a,a tanote in"Nu aw, nang tawh om ka hih man un ko lau kei ung, bang mah in hong sukha lo ding hi" ci uh hi. Zingsang khua hong vak in,a khualzin na uh hong zom uh hi. A pai na€ lampi vuah € lamto hong tuah € uh ciang a tate in bang ci kah toh ding ci in hong lungkham uh teh Nu hong lung himawh mahmah hi. A hih hang a Nu in a tate kiang ah"Them cik khat lungduai na tawh hanciam in kahto leng a tung tungding hi hang ci in han thawn hi."Tua a cih ciang in atate in thalawp in kahto uh a a khung a tun uh teh"Nu aw, nanglo in ko hih mun tungzo kei nung" ci uh hi.€ Zan khua hongmial ciang in a nu lum suk in, vantung a aksite a et kawm in "Tu ni pen zanni sang in a hoih zaw ni hi, ka tate in haksatna leh lau huainate thuak kha uh hi. Zan ni in Pasianthu tawh ka hanthawn a, tu ni in a hih leh Pasian thu tawh tha ka pia hi" ci hi.€ A zingsang ciang in meivom pi in van hong tuam in leitung ah khua hong mial hi. Gal leh sa leh ki muhdahna, ki etsatna te in a tate hong tuam ciang atate mittaw bang in lampi sik khial in hong tuk sawm uh hi. Nu in " Vantung lam ento le uh teh khua vak mu ding hi uh teh€ ’´ ci in lam hilh hi. € A tate in zong meite kheng in vantung lam aet toh uh leh a tawntung a a vanglian, khuamial thukpi kheng val in a vangnei lamlak hoih mahmah khat a mu uh hi. Tua ni zan in a Nu in "Ka tate a nungta Pasian musak ka hih man in tu ni pen ka nun tak sung ah a lungdam huai pen ni hi" ci leuleu hi.€ Nite hong tum in nipi hong kheng a, kha pan kum hong ki laih tohtoh teh Nu a kum hong tamta in, a tha hong kiam a, a kawng hong kuai ta hi. A hih hang atate hong khang semsem in hong hat semsem uh a, hangsan na tawh ma hong pang uh hi. A Nu pen pat bang in hong zang mahmah a hih man in lampi haksa a tuak uh teh sang khai in pua uh hi.A khualzinna uh a ni nunung pen ni ciang in mual kuam zang khat hong tung uh a, a mau muh theihna nung ah, a te ziahziah a tanzau mahmah lampi leh kham tawh kibawl kong khak a omna mun hong tung ta uh hi. A Nu in "Ka khualzinna khin ta ing, tun ahih leh ka kipat cil sang in a tawpna nuam zaw hi cih thei taktak ta ing, ka tate a mauleh amau in a khualzinna uh a ban zom thei ta ding uh a, a tate un anung uh zui thei ding hi" ci in lungmuang tak in hong tawlnga hi.€ Tua ciang in a tate in "Nu aw, hih kongpi na kan hang ko tawh a tawn tung in hong tonkhawm den ding hi teh" ci in mangpha khak uh hi.€ A Nu kong pi kantan en uh a a kong pi hong ki khak€ teh "Ih Nu mu theih nawnloh ding ih hih hang, a mah ei tawh hong om khawm den hi" ci in ki hehnem uh hi.Ih pianna Nute pen ih khuak € bat zawh ciang bek tawh ih phawk hi lo a, a mah pen atawntung in ei tawh hong om den hi cih phawk den ni.Na Nu pen nang tawh hong om den hi. Lampi ah na pai lai tak in singteh ging te tawh hong hopih hi. A ki sawpsiang cil puan thakte gimnam bang in a gimnam ki za thei hi. Na cidam loh ciang in na tal tung ah a khup lum tawh hong lawng hi. Na Nu pen na nuihmai na leh na lungdamna tawh mu thei hi teh. Na kah na khitui mal khempeuh gawmtuah in suangpak bang in a siang ding in bawl hi. A mah pen na kipat khiatna mun, na inn masa pen hi. Na kalsuan na khempeuh a ding in lamlak gamlim hi. Na it masak pen leh na lungtang hong sukham masa pen zong hi. hih lei tung a om bangmah bangmah in hong khen zo lo ding hi. Hun in hong khen zo ken teh, bang mah omloh na a awngthawl van tung in zong hong khen zo ken teh, a nunung pen ah sihna na ngawn in zong hong khen zolo ding hi. Nute hong itna a hi ding mah sa in thusim lo in om kha kei ni!€ € Hih a tung a thu pen€ emial pan ka ngah hi a,€ laiat kua hi cih ki at lo a hih hang, lungsim hong lawngkha mahmah a hih man€ Zolai tawh kong let kik hi. Kum 2005 in khat vei hong khahkhia khin hi mahta leng khat vei hong khak kik leuleu ing.€ € Tg Vungh Suan Mang