Laai Tui Khuasuak Mite Zomi Hilohiam

Posted by: "zo khai" zo_zoa@yahoo.com.sg zo_zoa
Sun Aug 10, 2008 7:29 pm (PDT)
Zomi Sanggamte,Hih thu-pen tumaa kumtampi laaipan-in kavei mahmahkhat hitaleh hunleh mual lemtheihlohna' hangtawh tuni ciangdong ka-iip khin-a, tuni-in gelhding khensat kahihman-in konggelhhi.Theihgawhsakna: Hihthu nongdawnding hilo-hi, nong nialdingzong hilo-hi, banghanghiam cihleh Thumaanlo kagelh kei-a, thu hongdongzong kahi keihi.Laai Tui Khua-pen Meitei guungaal-ah inntampen khua-khat hi-a, inn 700 vaal-hi. Innkhat mi 5 ding-in sehpak lehang 3500 kiimbang hidinghi. Laaisinna lam-ah niammahmah uh-a, ulian mihau taktakzong tawm mahmahlaai hitaleh khatlehnih omsaam-a, ahihang-in kuamah'n hong theihpih lo-hi.Momno Thupuak hitaleh Zolus Thubusuah hitaleh koikoi-ah "Zomi Ulian Kumpi Naseemte" cihthulu a-om ciang-in Laai Tui khuasuak mite khatmahmahzong kihel ngeilo-hi, banghanghiam cihleh ahaang omhi. Tuahikeileh Zomite' laaibute, thupuakte-ah Gaalkaal bawk 2 ciangbang aki suahsak hun-in Laai Tui te bawk 3 -tawh naseem nihlehthum om-a, Cidamna lam-a Myo-ne Hmuu ciangbang aki suahsak hun-in Laai Tui te Pyi-ne ahihkeileh Tai Hmuu ciangbang ombuanghi. Laaisinna lam-ah Myo-ne Hmuu ciangbang aki suahsak hun-in Laai Tui te Tutor ciangbang omhi. (Ka angtanna khat-ah: Zomite' Laaibu tuamtuamte-ah akihel ngeilo, Zomite (Chin State, Mizoram State, Manipur State) a-om atamzaw-in Laai Tui - Pau Suan hongtheihpih uhhi, ahizong-in Laai Tui khuami kuamah-in {anoptuamlawh a-omleh 2&3 kaan hiloding} noptuam lawh hetlo ahihman-in dahhuai mahmahhi)Atung-a kumpi naseem uliante banghang-in hongki theihpih lohiam cihleh: Kei' muhna-ah: tuabang ulian neihsunsun te-in minam acih Zomi Minamthu theilo ahihkeileh thudon khalo ahihkeileh mangngilhkha ahihman-in minam ahi Zomi-in amautezong phawkkha lo-hi, banghanghiam cihleh Zomi pulehpate-in "Vatazong alawmte' laamna-ah laam" cibuang ahihman-in minam anei ihihleh i-minamte' laamna-ah, i-minamte' kithuahna-ah i-valuut, i-va kihel keileh "Nang Zomi hicin nongpailoh phamawhhi" ci-in kuamah-in baantaang-in hongkaai ngeilo dinghi.Tuni-in Laai Tui khuamite lianhi hauhi kacihnopna hilo-in, Laai Tui khuamite-a kipan Zomi akuamahpeuh- in minam acih bang ahihiam cihthu naakpi-a lungngaihding kadeihna ahihi, banghanghiam cihleh bangzah-in lian-in hau mahlecin na minam naphawk keileh na minam inzong hongphawk khollo dinghi. (Angsung zong-a, na pahtaakding uut-a, na-thu ahoih ding-a hongpulaak sakzeel miginalo na-neih keibuangleh) kuamah'n hongphawk khollo dinghi.Hih thu' tung-ah thutheihna lasiam-a, minamleh kipawlna athupiitna naakpi-a phawkthakding kadeihhi. Hongdawng kei-inla, hoih nasak keileh "Delete" ziau-in. Zokhai