Zomi pen huat ding bang in ka ngaihsun kei hi

Pu Vum Son
 Dear, Saya Dr. Khen Za Sian:
Nipi khat sung khawng, Pu Ngaih Lian Thomte te in mi phung khat a muh dah na hong pu lak ciangin, ih Zonet sim te sungah kuatengin, hi mi phung te leh kei mah mah hong mu dah hiam cih theih nop na toh in Zomi kammal zangh kei ing cih khawng kong at hi. Pu Ngaih Lian in a muhdah te sungah kei min zong at a hih ciangin, kei hong mu dah bang zah om hiam cih na toh hong mudah te in hong muh dah sem sem dingin, Zomi min zang ngei keng ci in kong at hi.Hi pen ka ngaih sut tatak hi khol lo hi banghang hiam cih leh, Zopau, Zogam i cih ciangin Zomi cih min zat lo in pha mawh hi. Zomi pen huat ding bang in ka ngaihsun kei hi. Hong mu dah te in hong mu dak ve ve ding, ih nasep na khempeuh hong langpan ding hi, kua tengin hong langpan hiam cih ka theih nop na hi lel hi.Ka ngaihsut sangin, ih Zonet sunga laiat tawm te sung pan in, hong mu dah tam lo hi. Ci in ka mu hi.
Saya Khen aw:
Ni kum a, kei thu lai a sau pi khat nong at a, muan ding mi hi kei teh nong cih lai in, hong mu dah hi ni teh ka cih leh, tu tung ciangin, mihing khata nong sim hun lam thei ing. Tua ciang a radical pi ding khat a kong ngaih sut leh, tua bang hi lo in, khua ngaihsun, thu tuat khat na hih na ki lang sa ing. Tua mah bangin, Pu Kingmang te, Pu J. Thang Lian Pau te ii thu ngaih sut sau na leh a papi vai uh pen hampha ki sa mah mah ing. Ei Tedim gam ci mai ni in, tun a pian dan pen ah, Zomi cih ciang Zogam bup huap non lo in, ih zat dan ah Zomi cih ciang Lamka district (Manipur) leh Tedim -Tonzang district huam ding bang khat in mu ing.
Bang hanghiam cih leh Zomi Innkuan ih cih ciangin, hi Washington DC kiang teng bang ah zong Falam, Haka, Matupi, MIndat te om napi hong ki hel lo a hih ciang Zomi cih ciangin, ei Ciimnuai pan a piang khia teng cih na hong suak ci in mu kha ing. Bang ci in no na mu uh hiam cih thei nuam ing. Tu laia Mizoram mi te toh thu ka gen khop ciangin, a mau in Mizo cih ciangin Mizoram gam a om te bek cih na hi in, Mizoram gam pua te, ih mipih a dang te ih huap nop leh, Zo ih zat kul dinghi, hong ci uh hi. Pu Sian Pu cih mah bangin, Mizoram sungah leh pilna nei khua mu lo te in pen Mizo pen zangh den ding mah uh hi. ZORO te toh ka ki kup masak pen in banghangin, Mizoram ci na hi uh hiam, Mizoram State cih pen haihuai hi lo a hiam? Gam lah ci si, state lah ci si, gam ih hih leh banghangin state , gamsang a, a niam zaw status pen la ding ih hi hiam ka cih leh, Mizoram ki cih hun in tua bang thu ki ngaih sun lo hi.
Tu in, Mizoram pen hi bangmah koih ni in, ih gam bup pen Zoram ih cih ding hi hong ci uh hi. Tua zong laak theih ding mah hi ka na ci hi. Lusei te ih cih ciang zongin, Lusei pau a pau mite sungah ah ei ma mi zong tammah mah hi. Sailo leh Zadeng te bang ci leng Lophei, ka khua uh pan, ka hausapa nau pa pen Hualngo te toh ka ki do lai un, hongmatsak a, tua te nupa ta te pen in Zadeng leh Sailo te suak in, tua bek domlo in, Vaiphei te zong Mizoram ah na om uh ah, kei a ding bang ci leng, khuapih lui, sanggam te na hi mawk uh hi. Pu J. Thang Lian Pau in khatvei Lusei te in, re-unification ut kei uh hong ci ngei in, tuabang tak tak hiam ci in tu lai tak thu ka kan lai tak hi. Ei Tedim mi khawng hong zawngsak tak tak hiam a thei nuam hi ing. Hong zawn sak na, a thuak na om uh leh a thu thei nuam mah mah hi ing. Aizawl ah Zomi te ki pawl na zongh nei in, tua te toh ka ki muh ciangin, ih Ciimnuai pau (ci mai ni) a pau thei lo tam ta uh hi.Tua mah bangin, ei i Zogam i cih ciangin, Zogambup bandarban district pan Arakan Zo mi om na huap hen a, Ciimnuai mi om na ih cih ciang tua a hi kei leh Zomi(Ciimnuai mi) te ten na teng Manipur leh Tedim district teng pan min dang khat nei le hang, thu ih gen ciang a siangthei ding in bawl nop huai ka sa hi.
No bang ci in na ngaih sun uh hiam, thei nop huai hi.Tua ciang Zo leh Zomi cih zong Zomi in kua teng huap dinga, Zo in kua teng huap ding khen le hang thu ih gen ciang, siangtho in ki cian theih ding kul sa ing. mangpau toh lai i at ciangin, The Zomi i cih sang the Zo people ci leng sim nuam deuh bangin ka mu hi. Lusei pawl khat in bangh" the Mizo People" ci in, tua zong criticize zel ing. Tua a khiat na Zo people of Zo people na cih nopna uh hiam ka ci hi. Tua hang in Mizo leh Zomi pen "Zo people" cih na hi a ci nuam hi ing.. North Carolina a om Kappu ii hong gen gen zong, min Zo leh Zo zongh khat in, Tedim gam leh lamka gam a ih mi om te pawl khat Zo ki ci a, Mangkang te hun lai a pawl khat in Zou cih at zel in, tua zong, hi lai mal ih at ciang, Gamngai, Phaitu etc a om, Lamka lam a om Zo te min bang cih leng thu ih gen ciang a langh thei na ding in ngaih sut huai sa ing.
Tua ciang Ngaih Lian Thomte lai at na ah Sihzang ci in a at zong, a Sihzangte in pen, Sizang ci uh hi, Sihzang te pawl khat in, Kawlte in "zang" ci thei lo leh a min tatak lo thei lo a hih man in, Siyin,ci uh in tua zong Siyin maw, Sizang, maw Sihzang maw, a ki bang thei ding in, lai ih at ciang, spelling khat bek zangh leeng hoih ding hi ci in mu ing.Pu Dongh Khup ii, Salai Pau Khek kiangah, Zomi Innkuan president na hih ciang Salai na zat pen hoih lo hi a cih na bang pen pa Khup kiangpan ka muan mawk het lo khat hi. Pa Khup pen toh Washington DC ah kum tampi na sem khawm in, Nainganzi a thei mah mah leh, organization lam a hat mah mah khat hi, world view a nei khat hi na pi in, hi bang na cih ciang Kawlgam a ih deih pen pen, pen, freedom of _expression, freedom of speech hi in tua a khak tan nuam pian in hong mu mawk ing.

Pa Khup aw.
Tua bek hi lo in, Zomi Innkuan President a hih ciangin, ih khuaneu sungah ih khuapih te toh nuamtak om khawm ding cih na hi saing. Salai a min mai a koih ciang ih minam bup a ki pawl na deih hi ing cih na hi. Hi bangte pen Pa Khup ih na pau na ka ngaih sut ciang, tawm extremism hong lut sa ing. Hi ASSK birthday lai a American activitist te contact ka zong ci a nong gen mah bangmah in Paukhek in zong in, Zo minam sungah contact a zong, ei Zomi Innkuan sungbek hi lo in, ih Zo mi bup sungah ki it na zong hi cih na recognition neih zawk ding hi sa ing.
Nung nipi sunga, thu ki kupna, ki nial na, sungah, pawl khat in, Brain tumor nei bangin, thuak zawh na nei lo in, a mau ut lo, a dang mahmah saang thei lo om ih hih hang, ih minam sungah phung khat leh phung khat ki huat na tua zah in om lo in, a ki it vive mah hi hang ci in mu ka hih ciangin, kei mun pan in lungdam na lianpi khat hong suak hi. Ih min leh ih ki peh na te tampi khat le khat ih ki tel khelh lo na ding in reform hiam, development hiam kul sa ing.
vumson