Posted by: "Khoi Lam" khoithang@gmail.com
Thu Oct 2, 2008 6:45 am (PDT)
Sanggamte,Zolai Simbu behlap ding tawh kisai in,(A) ZCLS in 2005 khawng a kipan EC, Delegate a banban kantan in a gel a hawmahi hi.(B) Hih vaihawmna a tangtun theihna dingin ZCLS in Yangon a om SiapiTuanna, Sia Enno le kei tavuan hong pia uh-a, ko zong India gam a om Zomipihte' laibu a tuamtuam kaikhawmin, ka ngaihsut tawp uh zangin a syllabusding ka gel uh hi. Tu kum in tan 5 le 6 a kibawl sawm ahi hi.(C) Ka matut tan uh hong gelpih ding le hong etdiksak dingin a nuaia makaiteng Rev Simon Pau Khan En te' inn ah September 27, 2008 ni 2:00 - 5:00 PMsung ka tu khawm uh a, hih thu ka na kikum uh hi. A kisam makaite pen Zolaithu ah ngaihsutna hong pia thei dinga ka upte uh hi a, a sap huai mahmahpawl khat zong om lai ding hi. Kisam kim zo lo hi. Thu kikumte:(1) Rev Dr Simon Pau Khan En,(2) Prof Dr C Thang Za Tuan(3) Dr Cin Sian Pau (G)(4) Dr H Gin En Cin(5) Siapi Khup Lian(6) Sia Mangg Tung Thang(7) Sia Thang Nen Pau (Yangon Awging)(8) Stephen Khai(9) Rev Khoi Lam Thang.Hih maban tawh kisai pawl khatte lung hihmawhna thu pawlkhat hong genbehleng:(1) ZCLS in i neihsa tan lang pan ta 4 ciang pen puah lo, khel lo-in,dapphah (bulphuh) zawk dingin ngaihsun hi.(2) A omsate kipsak ahih manin tan 5 pan a pat ahi hi.(2) Tua ahih manin Zomite Tangthu pawl khat bang (Gentehna in Phucil leNantak tangthu) kizang kik ding hi.(3) Tangthu zatsate a kizatkik ciangin, a kizatna lesson sunga om Zolaipaizia tungtawnin, tua tangthu sunga Zolai zatziate a thukzaw in kisin dinghi.Ngaihsut nong piaknate uh lungdamhuai sa mahmah ing. Hong kikhah khialai ding kikupnate zong na sim behbeh lai nung. Hih nasepna pen sun khat zankhat thu tawh a kizo ding hi lo-a, zopzop ding, kikupkup ding ahi hi."Penglam tupei" a bat loh nang hanciam khawm ni.Ka lungdam,Khoilam
No comments:
Post a Comment