Posted by: "Zomi Church" zomichurchdelhi@gmail.com
Tue Oct 21, 2008 3:39 pm (PDT)
Mun tuamtuam gam tuamtuam a om kong it uh Zomi sanggamte,
Zomi te Pasian in thupha hong pia a, Amah phat thei leh bia thei dinga hongteel minam hong suah sak manin Zomi a hong piang sak vantung a om i PaPasian, hong it luat mana a sisan tawh hong tankhia i Topa Zeisu Khrist mini phat hi. Zo pau Zo lai te banah Zo ngeina tuamtam zong hong pia Zomi tehong huh hong kem tawntung Pa Pasian tungah lungdam thu i puak hi.
Zomi te itunna mun sak leh khang tek panin zong dahna nopna thu leh la i ki zak tuahtheih manin i lungdam sawn sawn hi.Kawlgam panin gamsung haksatna hang leh nuntak neekzon haksatna hangagamdang a tung ei Zomi te sung pan Tedim kampau te in Delhi khuapi ah nipikikhop biakpiakna kician tak i neih pak loh manin haksatna tampi zong ki tuaka, zong ki lungleeng mah mah hi.Kawlgam panin Pasian nasem tampi Delhi hongtung khin mah leh haksatna tuamtuam hang mahin i Zo kam Tedim kampau tawh nipi biakpiakna hong bawlpih zolo uh a hih manin nopni dahnite ah haksatnatampi kituak hi.
Tua a hih manin Pasian kiangah thu kingen dena, i thungetna Pasian in hong dawng in Mizogam pan ZBC makaipi a sem ngei PaNgin Khan Do-( Tuicilh khua hausa lui pa) hanciamna tawh Zomi Church Delhi cih min pua in 2007 kum June kha pan kipan biakpiakna ki pan thei hi. HihPawlpi hong din kipat tungin Zonet ah khat vei hong ki khah khin a,2007-2008 kum ki khen kumthak hun sungin zong Pawlpi makai leh panmunlen kiteelna pan makai lui teng leh makai thak teng a min tawh kim takin kongkhah khin uh hi.
A theisa zong tampi om dingin kong um uh a, na thungetna uhah zong nong phawkpih ding uh kong lamen uh hi.Hih Zomi Church Delhi in pawlpi tuamtuam kipaikhawm ahih manin, pawlpikhat peuh peuh bulphuh tuam ka na nei kei uh hi. Zomi te'n i Zo kam Zo pautawh Pasian min i phat khopna leh Pasian kiangah Zomi kici khempeuh in asiangtho biakpiakna i neihkhop theihna ding thupi pena ngaihsutin nei in ei Zomi Tedim kampau ten ei leh ei a i mission nasep na khat in ka ngaihsun uh hi.
I theihsa ciat mah bangin Delhi nuntak haksatna sung pan pawlpi kalsuanna pen a omsa cih ding sumtang dangkasan pai khat zong ki nei lo a, a hongkia tawm a ki ngah tawm teng tawh a hi zo tan tan in ki sem to liai liai in,tuni ciang dong Pasian in lamdang takin hong makaih a hih manin pawlpi mi aneu a lian ka vekpi un nuam ka sa mah mah uh a Pasian tungah lungdam thupuak in ka na ki pak tawntung uh hi. Delhi khua ah tuni ciang Zomi minlawhna nipi ki khopna leh biakpiakna nei thei pen Zomi Christian Fellowship(ZCF) leh Zomi Church Delhi bek ki om a, Zopau sung pan Paite pau zang EBCpawlpi, Gangte pau zangin New Testament Baptist Church Delhi cihte zong omhi. A hi zongin Kawlgam Zomi te a dingin nipi kikhop amaute kiangah ki tungzo ngeilo a hih manin leh hong dinkhiatpih zo pak om tuan lo a hih manin Kawlpau - Kala pau cih khawng siamlo pi leh thei lopi pi a Kawlpau -Kala pau zanga ki khop sangin ci-in Zo kam Zo pau zang leng cih a lunglut teng kikhawm ka hi uh hi.
A cil lamin pawlpi mi ka tawm tei uh hangin tu'n a hihleh pawlpi mi ki behlap zel in ka kikhopna inn uh ah zong ki ta zo non lohi. Pawlpi hong kem Pawlpi Siapa innah ka kikhop uh pen neu lua ta a hihmanin upna tawh biakinn ding inn lian zaw ki saap zo leh ci-in thungen in kana zong khol uh a kha khat Rs.6000/- man a saap ding inn khat ka na mu uhhi. Pawlpi in keyboard khat beek ki nei zo leh ci-in thu zong ka na ngentawntung uh hi.Mun tuam tuam a tung Zomi te sung pan hih Zomi Church Delhi a ding kitangsam tuamtuamte a ki ngah baih theihna dingin thungetna tawh a hi a sumleh paai tawh a hi zongin a tawm a tam cih om tuan lo in hong huh zo dingkhat peuh nong om zawh ding uh leh hih Pawlpi Email ID tawh hong ki hil leuh teh ko zong ka thungetna uh ah hong phawk nuam tawntung ding hi ungh.
Zomi Pawlpi in nipini sun kikhop biakpiakna banah, nilaini kiginni lehnipini nitak ki khop zong ki nei den a, kiginni pen zingsang pan nitakdongin thungetna (Fasting prayer )hun in ki zang den hi. I Zo minam bup ading banah mimal milip ki it ki lemna leh dikna, i gam a dingin muannadaihna a om theih na dingin nakpi takin thu ki ngen tawntung hi. Zomi simleh mal sak leh khang a om a kua mapeuh thungetna tawh ki phawkin Pasian lehA gam a ding i pankhop theih tek nading bulphuh lianpen in ki nei den hi.Tua a hih manin Zomi te khut ki len a pangkhawm tek dingin
Zeisu min tawh hong cial in kong zawn uh hi.
Khazih min tawh,ZOMI CHURCH DELHI.
No comments:
Post a Comment