�Khawkim-khawkiang te�n leng thiltung lamdang sa vek uh:Lamka, Sept 28:
Lamka Police station apan tumlam km 200 vel a gamla a om Thanlon Sub-divn a Hanship khua ah thil lamdang mahmah piang in sihsual a om numei naupang kum 13 lel a upa Niangsonkim d/o Kamchinzam Vualnam nitak khat thu in damguih mawk a,huai thiltung in a nu-le-pa genlouh khawsung mipite kipahna tawh lamdangsakna tun hi.
Manipur Express in zan nitak in Hanship khawmi khenkhat ban ah Bungpilon khawmi khenkhat telephone in houpih a, tuazawh in damna ngah Niangsonkim mahmah tawh leng telephone tungtawn in kihou uhi. Niangsonkim @ Sonkim paneu Khamzason in a gendan in August 31, 2008 nitaklam in Sonkim in a lu nasa a, tuazawh in gilna, dip na leh khawsik in kipek maimah chi hi.
Huchi�n a natna thuaktoutou in September 5, 2008 apan gim mahmah in om a, a taksa chau deuhdeuh in an ne theinawn lou a, a kamsung ah tui leng lut theilou in, a chil nasan valh theinawnlou a hong omtak in beidong mahmah in Lamka lam a a tanaute tanpha uh thil omdan zasak uh ahihdan gen hi.
An nelou, tuidawnlou a hong om in, ataksa hong chau hiaihiai a September 8, 2008 (Seppatni) in buaise petmah in sihsual in kipek a, damlou kem khawsung mipite�n leng zanhahpih in a sih ding hun ngak himai uh ahihdan gen hi. September 9 (Sepnawnni) zing apan sun nitum dong a mit hah leh a sou chauh et himaita a, khua phawklou himhim in om a, huai nitak apan RL(Glucose/drip) nasan asi gui ah lut thei nawnlou in block gai vek a, a nak(breathing) khawlzel in, damlou kemte�n ataksa sawi zel uh a, huchi�n hong nak zel chi�n Pa Khamzason in gen hi. Huchi�n a chang chiang in, �Ka gimlua ikikhen mai ding uh aw, Nu� chi zel a, huai mah nih vei thumvei gen tuantuan a, a nu le pa ban ah damlou kemte�n �bawi, kon phal nai mahmah kei uh� chizel in, a taksa pum sawi zel ua, damlou vehteng leng thumna tawh ana pang vek uh chi�n a paneu Khamzason in gen hi.
Pa Khamzason in agenbehna ah kuapeuh in si taktak ding hita chi�n patautak in a naak ka enlelta ua, huchih lai zan nung in hong thoukhe phut in khe in hongpai a, damlou veh te�n leng lamdangsakna leh kipahna tawh khitui ka nul hial ua, ka chibai souhsouh ua, huchi�n aman tui dawn in an leng hon ne chi hi.
Niangsonkim in Manipur Express dotna a dawnna ah, �Pathian in Sept 9 sun in hon houpih a, tangtung lam ah hong pai in iki hou ding chi�n honsam a, tuazawh in khua ka phawkzek a, himahleh thiltung ka nu-le-pa kiang ah bangmah ka gen ngam kei� chi hi. Nitak in dakkal 4 vel ding khawng Pathian tawh hun ka zangkhawm ua, Pathian in taangtung lam ah hon samnawn a, kei leng ka vapai a, lampi lian mahmah 2 ka mu a, a khat pen aphei mahmah a, akhat pen atou mahmah.
Lamka bul ah ka din lai in, meikuang, kap leh lungkhamtak a kikou kaza a, huchi�n lampi toulam ah ka paitou a, kongkhakpi liantak ka mu a, �Kiu in hon in na om ding� chih liantak in ana kitaka, ka kiuh leh kong khakpi hong kihongta� chi�n Sonkim in gen hi. Aman agenbehna ah mi khat ka mu a, amel ka muthei kei. Puan ngou leh vaak ngen in a kizem a, sikchiang lian mahmah khat a tawi a, �khawvel a tawpchiang in hiai siik chiang a vaihawm ding ka hi� hon chi, chi hi.
Tuaban ah meikuangna muhte ah na natna leh na khelhnate ka haltum vekta hon chi chi�n gen a, tua zawh in mun tuamtuam hon etpih in thu tamtak hon genpih a, thou inla, tuidawn in la, an ne in hon chi a, huchi�n thakhat in ka thou a, tui ka dawn a, an ka ne, chi�n Sonkim in gen hi.Niangsonkim in a thiltuahte thupi salua leh Pathian sawl dungzui in khawkim khawkiangte hilh ding in kisa a, zan Pathianni (Sept 28) in Bungpilon EBC Saptuam ah va gen a, maban ah khaw tuamtuam ah gensawm lai ahihdan gen in, thupilua, lamdang lua ahi, chi hi. Maban ah School kai sutzop sawm lai a hiam chih dotna adawnna ah, Pathian in hon damsak nung in School ka kaizom a, himahleh, Sept 19 (Sintawpni) nitak nung in Pathian in ka lupna tung ah hon houpih a, khawkhung lam ah honsam a, ken leng ka nu-le-pa tonpih in, mun 1 ah ka kingak sak a, Pathian in �Missionary a na kuan ding ahi, biakinn sung na lut phet chiang in Aw lamdang lua, aw lamdang chih ka la hi tawntung ding chih la sa masapen inla, tua ban ah, Bible Chang Luka 19:2, Johan 2:5, Sam 55:22, Paunakte 1:25, Galatia 2:20 leh Kilakna 16:7 te hon theisak zungzung� chi hi. Kenleng Pathian kiang ah, �Toupa kei pawl 5 hipan ing a, Missionary a kuantheilou ding ka hi ka chih leh aman na Schoolkai khawlphot inla ka thugen mang in hon chi� chi�n Sonkim in gen hi. Tuaban ah Pathian in, �School na kainawn a, ka thugente na zuih kei leh na mit ka hihmial ding a, mit mialsa in kon vak sak ding� hon chi, chi�n Sonkim in gen hi.
Sonkim ahihleh Hanship khua a EBC School ah Class V sinlel ahi hi. Upa Ginzachin of Bungpilon in a gendan in Sonkim kichi naupang chik himahleh a thugente lamdang mahmah a, a thiltuah thupi mahmah in gen nop hau mahmah ahi chi hi.Manipur Express in Sonkim phone tungtawn a ahoupih hun in leng a thiltuah lamdang a sakdan, mak asakdan leh a lungtang ah Pathian in thil tamtak a gente gen ziahziah in, thupilua, lamdang lua eive chichi mai hi. Pathian in ka kiang a thil a gente leh hon damsak dan Lamka khawpi tel in mun tuamtuam ah ka gen ut mahmah a, Bungpilon khua ah gen masapen dia hon theihsak ziak in huai khua a vapai masa ka hi, chi�n Sonkim in gen.
GK Nang
No comments:
Post a Comment