Tukum Zomi Nam Ni kibawlna tam lo hi. Ka theih khialh kei leh mun li khawng bek ah Zomi Nam Ni kibawl a, a dang teng pen Chin National Day a bawl uh a hihi.Chin National Day hong piankhiatna pen zonet sungah hong kikhah khia zong tam mah mah a, genkikik kulnon in ka um kei hi. Chin National Day lianpen kawlgam a, om Zomite bek tawh ki sai a, a hizong in tu in Zomi National Day ci'n Lamka lama ih sanggam te bangin hong bawlpih bek hi lo in ei sangin nak limbawl zaw mahmah uh hi. Hih february 20 ni pen Zomite tangthu tel ten hong gen ciang in Ei Zomi te a ding a, a lamdang pi a mapan na, sepkhiatna ih neih hun leh ni hi kha citciat dan hi. Ken bel tel khol keng in. Tua hi in, Ukpi ki ukna pan mipi thu a ki ukna deiha Chin State a mi buppi ki thukimna ni phawkna a hi Chin National Day pan leitung bup a diakdiak a India, Burma leh Bangladesh a, hong kikhen khia minam te kigawm kik leh kipumkhat theihna ding deihna tawh Zomi National Day ci'n minam bup a ding deihsakna tawh a manpen leh a dikpen dinga ih ngaihsut a hi ihmin ZOMI ci'n mun tuamtuam a ih bawl zawh ding thupi mahmah hi.Tua hi a, Chin National Day pen KAWLGAM Zomi te a' bek hi a, Zomi National Day pen Zomi bup a' a hih man in ki thutuak a, mailamah ih kalsuan khop theih na dingin Zomi mah thupi sakni. Mai lam ah Zomi National Day a a bawl ziahziah thei dingin hanciam tek ni.Ei ciimnuai Zomi kawlgam lam a te pen sila lungsim a nei lua ih hiam a hih kei leh PASIAN samsiatna athuak lai ih hiam kithutuak theinai mahmah lo hi hang. Ih mipihkhat makai in nei leng, pilmahmah lehzong thupi muh tuan lo, zahtak huai mahmah taleh zahtak sawm tuanlo, ih minam hong deihsak hong it mahmah phial ta leh lungkim tuanlo, a nugnzui ning in, a kisap leh panpihin huh ning cihsang langpan ding leh gensiat ding bek thei,a hih hang minam dangten hong makaih leh hong simmawh leh hong khen vilvel taleh zuiteitei thupi muh leh zahtak lua ki sa a thu peuhmah nial theihding savet lo. hoih takei leh phat teitei minam hise citciat hi hang.Tua hi a, ih lungsim leh ih ngaihsutna te tangzaisak in PASIAN THUPHA ih ngah theihna dingin a hoihlo te pel in, kikhel a Thu ih nak nget mahmah kul lai mawk in teh.Deihsakna tawh,Nangkhankhup
Z = Zankhua sawtzong, nitak sol leh zingzol khavang tang hieuhiau nuai ah, zailai ngumngek pawlkhat khaubang suutsuut ....Khuangbul lam aa ten, ong pan vou.....
O = Omdan khawldan tong kong sandan, namel nathaang neicih maw, cingpian,. cingpian, cingpian, cingpian, dandan ee, cingpian dandan ee.
( b ) Cingpian dan ee, mual tumtai aw, paallai kongloh zodiam maw,cingpian, cingpian, cingpian, cingpian, dandan ee, cingpian dandan ee.
M = Mawngbang kikawi lieiliai kawm in;
APipi ( Pi Lengtonghoih ) na Zozu hihlam ong hawmphei Oo, khai! nuamei, nuam ei....
( a ) Eiteng khawlkhawm a tuam omlo, vannuai cipeuh kuul-a piang,pianpih laizom te hi ngeingei e;
( b ) Pianpih laizomte hi ngeingei e, tunsung lam-puan ka zawn'pihte hi ngeingei e......
I = Itna damtui aluangna gam, beh leh phung tenna gam, u leh nau kicinna..... .,
Aw.....Aw,... Zomi cih akhiatna .....
No comments:
Post a Comment