A kum 60na hi kici hi. Kum 60na Zomi Nam Ni bangci i zat sawm a le? 'Zomi i hi' ciin i zang diam? Ahih kei leh Zomi sungah ko pawl, no pawl, tuate pawl..... Zomi A, Zomi B, Zomi C, Zomi D, ....... Zomi X, Zomi Y, Zomi Z.... etc and so on te in Zomi Nam Ni..... tua khua, tua lai ah thupi takin kizang hi ciin i zanglai diam? Thupi i sa taktak hiam? 'Zomi i hi' ci a zatkhawm diam theihna dingin kum 60 dang mah i ngak kullai ding hiam? Ahih kei leh tu kum pan ahi zaw diam?
If not now, then, when? Zomi Quo Vadis?
Hau Za CinPhuitong Liim
Dr. Hau Za Chin Suante in "Zomi Nam Ni bang ci zat ding?" cih thulu ho gelh panin thu tam lo ka behlap nuam hi. Rev. Dr. T. Pum Za Thang, Zomi Nam Ni (Feb 20, 2004) Lamka-ah a thugenna panin "Z" thum in Zomite nuntakna siasak ci hi.
Tua thumte pen:
1. Zahmawh (Sex)
2. Zu (Wine)
3. Zuau (Lies)
Ama gen sate behlap lai ding hi leng "Z" thum mah in ka behlap nuam hi:
1. Zaatang, zaavui (drugs): Zaa tawh kisun (injection) a si, tep (smoke) tawh si bang zahtak i om ding hiam? Zaavui leh zaatang khamtheihte i gal hi, i cih mateng i nuntakna hong la mang ding hi. Nek leh taak, silh leh ten zong mi pha nai lo Zomi tate'n hih khamtheih i tuah khak zenzen pen a dahhuai lua mahmah hi.
2. Zumpih (being ashamed): Minam min zumpih, i min (Zo min nu leh pa ten hong piak) nangawn zumpih in Mikang min peuh tawh i kisam uh hi. Minam liante'n amau nam min pulak ding baih sa mahmah lel uh a, nam neute'n ahih leh a gen ding uh ciangin kiziazia, kithoithoi phawt uh hi.
3. Zahtaak lo (Showing no respect): Nu leh pa zong zahtak lo, zahtak ding cih zong ngaihsun vet lo khangnote lakah i tam uh hi. Pianna nu leh pa kapsak ngeungeu bang zah i om tam? Nu leh pa khasiatna pia khangthakte Zomi leh Zogam adingin phatuam tuan lo ding uh hi.I dam nadingin "Z" guk mah na gen ni:
1. Za in (hear or listen): Pasian thu leh nu leh pate thu za ding
2. Zui in (obey) Pasian thu leh nu leh pate thu zuih ding hi
3. Zahtak in (respect) Nu leh pate leh na Pasian zahtak in
4. Zem in (beautify or glorify) Pasian leh nu leh pate mah na thuzuihna tawh zem in
5. Zattaak in (Useful, dependable) Daniel, Joseph leh Nehemiah i cihte zattaak vive ahi uh hi.
6. Zang in (serving, utilize) Na nuntakna bang a dingin na zang ding hiam?Kum 60 a cinna Zomi Nam Ni zang khempeuh Topa in thupha hong pia hen.
J.M.Ngul Khan Pau
No comments:
Post a Comment